И оваа година „Манастир Пречиста – Кичевска Коњаница“ ќе земе учество на традиционалниот ден „Илинден“ во Крушево, каде со своја коњаница ќе учествува на еден од најмакедонските денови во годината. Тоа значи еден вид оддавање почит кон илинденските идеали. Најпрво во нашиот Манастир „Св.Богородица-Пречиста“ утре – понеделник (28.07.2025 г.) ќе се отслужи Богослужба со Литургија во 08 часот, потоа се пристапува кон македонската заклетва, пред свето писмо, кама и револвер. Потоа следува поаѓање од Манастирот Пречиста низ селата Манастирско Доленци и Србјани кон градот Кичево, така што во 12:00 часот е предвидено „Кичевската Коњаница“ да пристигне во Кичево и да се упати кон светиот храм „Св.Апостоли Петар и Павле“

Дојдете во што поголем број да ги пречекаме учесниците и заедно да ги испратиме до славно Крушево!

Вечна да биде традицијата!

Агенда:

Денеска нешто по 13 часот во месноста големо Црско помеѓу с.Белица кичевска и с.Цер беснее голем пожар. Дополнителни проблеми создава силниот ветер кој ги насочува пламените јазици дел према месноста Турла, дел према село Цер. Помеѓу локалитетот големо и мало Црско изградена е црква Св.Гоерги.

Претходно мештаните од село Белица на својата фејсбук страница алармираа за овој пожар и за сериозноста на истиот

Во моментов исто така добивме информација дека пожарот се гасне со сите расположливи средства, учествува и блиското население и ТППЕ Кичево. Кон тој регион забележан беше авион „Ер Трактор“

Во контакт сме со ТППЕ Кичево кои преку нашиот медиум ја известуваат јавноста и упатуваат апел до населението да не се движи према регионалниот пат, бидејќи постои опасност пожарот да беснее во непосредна близина.

Ве покануваме на музичката гала вечер „Кичевчани пеат за Кичево“, дводневна манифестација исполнета со ритам, емоции и македонска музика! Подгответе се за незаборавни музички вечери во срцето на град Кичево!

На сцената ќе настапат солисти и музички групи од Кичево – талентирани познати изведувачи кои ќе ја претстават нашата богата музичка традиција со изведби на македонска фолк и забавна музика.

Очекувајте вечер исполнета со енергија и гордост за нашето културно наследство!

Настанот е отворен за сите генерации – понесете добро расположение и уживајте со вашите најблиски под отворено небо!

Концертот ќе се реализира на 31-ви јули четврток и 1-ви август петок. Истиот ќе биде со почеток од 20:00ч, додека на сцената ќе настапат:

четврток: Влатко Лозаноски, Драган Велјаноски, Мирослав Мирчески, Дарко Стојаноски, Мики Данилоски и „Бели Мугри“, „Future Band“, Христијан Трајаноски, Марко и Лука Лазарески, Марко Тодороски.

петок: „Addicted“ и Бојан Трајкоски, Алексо Тришоски, Бранислав Стојаноски, Бојан Дамјаноски & „The Twins“, Тоше Анѓелески, Распеани Кичевчани и Дарко Танески „Трубачко“

Бидете дел и не пропуштајте, влезот е се разбира бесплатен, 📍 локација – Градски плоштад Кичево