Денес времето во Македонија ќе биде сончево со умерена локална облачност а ќе дува и слаб до умерен ветер од променлив правец. Во попладневните и во вечерните часови облачноста ќе се зголемува и ќе има услови за слаби локални врнежи од дожд, на планините ќе провејува слаб снег. Максималната дневна температура ќе се искачува во интервалот од 7 до 16 степени.

Во Скопје и околината времето ќе биде сончево со умерена облачност, додека во попладневните часови облачноста ќе се зголемува. Максималната дневна температура ќе се искачи до околу 14 степени.

Потоа утре и во среда времето ќе биде променливо облачно со повремени локални врнежи од дожд, додека на планините и на повисоките места ќе има врнежи од снег. Во овие два дена локално врнежите ќе бидат ПОИНТЕНЗИВНИ и се очекува да наврнат над 20 л/м2 воден талог, додека на планините снежната покривка ќе се зголемува.

Ќе дува слаб до умерен ветер најпрвин од јужен и од југоисточен правец и истиот повремено на некои места ќе засилува, додека во среда особено Долж Повардарието ветерот ќе биде од северен правец и повремено ќе биде засилен по интензитет. Температурите на воздухот во овие два дена ќе се искачуваат во интервалот од 6 до 13 степени.

Од четврток повторно времето ќе биде стабилно, суво и потопло.

Пишува: Славчо Попоски

Поради продор на постудена воздушна маса од север низ земјава веќе започна да дува умерен, повремен засилен ветер од северен правец. Истиот најизразен е Долж Повардарието каде локално и повремено ќе достигнува брзина од над 60 км/час.

Облачноста која ја имаме до крајот на денов и во текот на ноќта ќе се намалува па така поради разведрувањето, до утре изутрина минималните температури речиси насекаде ќе се спуштаат под нулата, односно истите ќе се спуштаат во интервалот од -8 до 0 степени.

Утре ќе се задржи сончево време со максимални температури кој ќе се искачуваат во интервалот од 7 до 16 степени, додека во Скопје истата ќе се искачи до околу 13 степени. Потоа во понеделник во текот на денот облачноста ќе се зголемува и во вечерните часови, како и во вотрник ќе има повремен локален дожд, на планините повремен снег.

Барем одсега гледано ново заладување на времето проследено со ПОИНТЕНЗИВНИ врнежи од дожд и снег на повисоките места и на планините се очекува во среда.

Автор: Славчо Попоски

Денес времето кај нас ќе биде сончево и релативно топло. Ќе дува слаб до умерен ветер од променлив правец, додека максималната температура ќе се искачува во интервалот од 12 до 20 степени.

Во Скопје и околината времето ќе биде сончево и релативно топло. Ќе дува слаб ветер од југоисточен правец, температурата на воздухот пак ќе се искачи до околу 18 степени.

Потоа утре во текот на денот облачноста постепено ќе се зголемнува па за време на викендот ќе имаме променливо облачно време со услови за повремен локален слаб дожд, на планините ќе провејува слаб снег.

Во сабота, особено Долж Повардарието ќе дува умерен, повремено засилен ветер од северен правец и истиот ќе услови пад на температурите, особено во недела кога максималните дневни ќе се искачуваат во интервалот од 6 до 12 степени.

Променливото време со повремен локален дожд ќе се задржи и на почетокот од следната недела.

Извор: Славчо Попоски