Во склоп на акцијата за садење зеленило за почист воздух на граѓаните на Кичево, во организација на Министерството за одбрана, а со поддршка на локалната самоуправа и двете средни училишта од Кичево – ОСУ “Мирко Милески” и ОСУ “Дрита”, во училишниот двор беа засадени 85 садници.

Во акцијата учествуваа војници од кичевската касарна “Чеде Филипоски – Даме”, ученици од двете училишта, претставници од локалната самоуправа, како и раководителот на секторот за цивилно-воена соработка при Министерството за одбрана, Тони Петрески, и директорите на двете училишта, Милка Спасевска и Фестим Ахмети.

– Во борба против аерозагадувањето, денес во соработка со Министерството за одбрана, локалната самоуправа, двете средни училишта од градот и касарната, спроведовме акција, во која беа засадени 85 стебла јавори, зелени и сребрени елки. Акцијата се спроведува со цел да имаме почист воздух и помало аерозагадување, а во истата покрај нашиот град се вклучени и Тетово и Скопје. Пред засадување на овие стебла, вработените од ШС „Лопушник“ вчера извршија подготовка на теренот, за непречено да се спроведе денешната акција- рече Милка Спaсевска , директор на ОСУ „Мирко Милески “Кичево.

Во продолжение прилог на галерија од настанот:

Превземено од официјалната страница на Мирко Милески и Зоран Антоски