Моментално променливо облачно со умерен, а повремено и засилен ветер од јужен и од југоисточен правец, во вечерните часови покасно ќе има повремени локални врнежи од дожд и снег на повисоките планини. Температурите ќе се искачуваат во интервалот од 7 до 14 степени.

Во Скопје и околината времето ќе биде променливо облачно со умерен, а повремено и засилен ветер од јужен и од југоисточен правец. Попладне и навечер ќе има услови за повремен локален дожд. Максималната температура ќе се искачи до околу 13 степени.

Утре ќе има краткотрајно стабилизирање на времето, додека од недела попладне и навечер и тоа под влијание на нов влажен бран се очекуваат нови врнежи од дожд и снег на повисоките планини. Температурите ќе се искачуваат во интервалот од 7 до 14 степени.

Ново заладување на времето се очекува во првите денови од следната недела, кога услови за врнежи од снег ќе има и на некои пониски места.

Пишува: Славчо Попоски

До крајот на денов, како и утре времето во Македонија ќе биде претежно стабилно и суво, односно сончево со умерена локална облачност. Ќе дува слаб до умерен ветер, денес претежно од западен, додека утре од јужен и од југоисточен правец.

Температурите ќе се искачуваат во интервалот помеѓу 4 и 12 степени.

Во Скопје и околината до крајот на денов и утре времето ќе биде сончево со умерена локална облачност. Ќе дува слаб до умерен ветер, денес од променлив правец, додека утре истиот ќе биде од јужен и од југоисточен правец. Температурите ќе се искачуваат во интервалот помеѓу 6 и 9 степени.

Потоа под влијание на нов влажен бран, во петок како и за време на викендот ќе има нови повремени врнежи од дожд, додека на планините врнежите ќе бидат од снег.

Во петок ќе дува умерен, повремено засилен ветер од јужен правец.

Температурите ќе се искачуваат во интервалот од 6 до 13 степени. Нешто пониски температури повторно ќе имаме за време на викендот и истите ќе се искачуваат во интервалот од 4 до 10 степени.

Автор: Попоски Славчо

До крајот на денов врнежите насекаде ќе престанат и облачноста ќе се намали. Ќе дува засилен ветер од северен и од северозападен правец, најизразен Долж Повардарието. Температурите ќе се искачуваат во интервалот од 0 до 9 степени во најтоплите предели.

Потоа утре и во четврток ќе имаме стабилно и суво време. Односно времето ќе биде сончево со умерена локална облачност.

Токму поради разведрувањето, наутро ќе биде МНОГУ СТУДЕНО и минималните температури насекаде ќе бидат НЕГАТИВНИ и ќе се спуштаат во интервалот од -10 до -2 степени, а на планинските места истите ќе се спуштат дури и под -10 степени, додека максималните ќе се искачуваат во интервалот од 4 до 13 степени.

Во Скопскиот регион, утре и во четврток времето ќе биде стабилно и суво, додека минималните температури ќе бидат значително пониски и ќе се спуштаат до околу -5 степени. Локално не се исклучува можноста истите да се спуштат и под -5 степени. Максималните ќе се искачуваат во интервалот помеѓу 7 и 10 степени.

Нов влажен бран кој ќе услови нови врнежи од дожд и снег на планините, како што најавивме се очекува во петок, како и за време на викендот.

Автор: Славчо П