Конференцијата на Google I/O Developer 2024 ќе се одржи во мај. Фокусот на настанот ќе биде ставен на вештачката интелигенција, оперативниот систем Android 15 и голем број подобрувања на ажурираните услуги на Google. Се очекува да биде претставена и нова генерација мобилни телефони Pixel 8a од средната класа.

Овогодинешниот настан секако може да се каже дека е врв во однос на новитетите кои доаѓаат од светот на Google. Сепак, неодамнешното официјално соопштение на Google се чини дека дополнително го подгреа огнот, навестувајќи дека ќе има уште „големи изненадувања“ покрај веќе најавените.

Официјалната сметка на Google AR & VR наводно шпекулира дека главната улога на претстојната конференција би можела да им припадне на XR очилата, заеднички развиени од: Google, Qualcomm и Samsung, а релевантните информации би можеле да бидат откриени на овогодинешната Google I/O конференција.

Уште во 2023 година, Samsung објави дека ќе соработува со Google и Qualcomm за развој на XR очила, кои сè уште не се официјално дебитирани. Неодамна, корејските медиуми истакнаа дека Samsung не се откажал од лансирањето на XR очилата, па дури, уште повеќе, основал посебен независен тим за развој.

Најавено е дека очилата Samsung XR ќе го користат системот Google XR базиран на Android и ќе бидат опремени со процесор Qualcomm Snapdragon XR2+ Gen 2. Тие може да ги напуштат своите вградени панели и наместо тоа да ги користат Micro OLED екраните на Sony. Покрај тоа, слушалките Samsung XR се позиционирани поблиску до моделот Meta Quest 3 и нема да бидат толку скапи како Apple Vision Pro.

Поради практиката на Samsung да вообичаено издава нова генерација на телефони на преклопување во јули или август, постојат шпекулации дека Samsung XR Glasses би можеле да бидат лансирани заедно со телефоните Galaxy Z Fold6 и Z Flip6, пишува b92.net

На 12.04.2024 година во 21.50 часот, во ОВР Кичево е пријавено дека во близина на угостителски објект на улицата „Рудничка“ во Кичево, нарушен е јавниот ред и мир со физички напад извршен од еден врз друг малолетник, двајцата од Кичево.

По целосно документирање на настанот, ќе биде поднесена соодветна пријава, известува портпаролот на СВР Охрид, Стефан Димоски

На 09.04.2024 год во 15:55 часот, во полициското одделение во кичевското село Зајас, е пријавено дека, во месноста „Нова населба“, атар на истото село, настанал пожар на површина на отворен простор од околу 3 хектари ниско стеблеста дабова шума и грмушки.

Повредени лица нема а интервенирала Територијалната противпожарна единица од Кичево, за Порта.мк известува портпаролот на СВР Охрид, Стефан Димоски.

Инаку, порта.мк како и секоја година, така и оваа апелира до неодговорните и несовесни граѓани дека пролетта но и летото е погоден период за движење и работа во шума, излетниците и сите посетители на шумата, да внимаваат кога работат со лесно запаллив материјал бидејќи е доволна само мала искра за да се потпали сувата трева и друга нискостеблеста вегетацијана, да не се фрлаат цигари и отпушоци од цигари и догорчиња.

Исто така посебно внимание и во разни култури по нивите и полињата, при што најчесто на неадекватен начин се чистат нивите и палат отпадоците и стрништа, да внимаваат на шумите како добро од општ интерес и така што работите во шума да ги работат совесно и со особено внимание.

Со таквото внимание ќе си помогнеме и самите себе си, додека граѓаните како главен фактор соодветно да известуваат за рано спречување на пожари со дојава до надлежните институции.