За прв пат во нашиот град покрај достапноста за самоуслужување на вашиот автомобил овозможено ќе биде перење со „топла вода“ која за сегашниот зимски период носи посебна нега и отстранување на секој мал дел од зимските остатоци по најтешко достапните површини на возилото.

+ Сите заинтересирани за нови и половни гуми, „ВИКТОР“ исто така ви нуди голем избор на пневматици по екстра цени со дополнителна бесплатна монтажа и балансирање.

Поради пропишаните владини мерки оваа година ќе изостане вообичаеното традиционално празнување на празникот Богојавление (Водици).

Богослужбата на Водокрст (18. 01. – Понеделник) ќе започне во 07.00 часот, а потоа ќе следува Богојавленски водосвет. Водичарските кумови и останатите верници кои ќе сакаат да земат осветена вода, тоа ќе можат да го направат од водосветот до 16.00 часот.

Годинава изостанува одењето по куќите од соодветниот крст и групирањето во селските домови.

Оние кумови кои сепак ќе решат да го предадат крстот на новиот кум (без прослава), тоа ќе можат да го направат утрото на Водокрст по богослужбата и водосветот.

Ви благодариме на разбирањето.
За многу години!

Извор: Кичевска парохија

Кичевчанката Ивана Маркоска пред нешто повеќе од месец дена направи хуман гест кој ги заслужува сите почести, имено на свој креативен начин цртајќи новогодишни честитки во 4 различни дизајни успеа да ги поттикне нашите сограѓани и жителите од другите градови да ги купат, а собраните финансии директно да ги донира онаму каде според Ивана било најпотребно!

– За себе вели дека за најранливите категории на граѓани годинава беше особено немилосрдна, и здравствено и економски. Затоа, решив да се потрудам да направам нешто со хуманитарни цели!

Графички приказ на промо флаерот за продажба на честитките

Честитките биле изработени со многу љубов и внимание, со оригинална новогодишна замисла, додека истите се продаваа во Скопје „Вега“ на Рузвелтова и во Кичево преку нејзината сестра и фан страната „Клопче“.

Според Ивана заработката од честитките ја добија следните: Хуманитарното здружение „Надеж“, организацијата за заштита на животни „Среќни Шепи – Happy Paws“, и пари за лице кое проси и се бори за парче леб.

– Ова е уште еден доказ дека кога се сака, се се може и секоја чест за оригиналната идеја на сестрите од Кичево, одлична замисла за културно да се помогне онаму каде најмногу треба! Тренд кој дефинитивно треба да го следиме сите!