Храна
Црвен кромид – можеби единствениот чувар на срцето, еве зошто..
Докажано е дека неговите сулфурни соединенија може да ја намалат количината на холестерол и триглицериди и да ги зајакнат клеточните мембрани во црвените крвни зрнца. Поради тие карактеристики кромидот помага и во превенцијата од срцев удар.
Иако може да предизвика проблем поради непријатниот мирис кој го создава, треба да знаете дека црвениот кромид е исклучително здрав за нас, а особено лековитo делува на нашето срце, како и на целиот кардиоваскуларен систем.
Кромидот има и анти-воспалително дејство. Сулфурните молекули во него ја подобруваат активноста на специфичните бели крвни зрнца кои имаат важна улога во имунолошкиот систем. Кромидот содржи и антиоксиданти кои спречуваат оксидација на масните киселини во телото, па на тој начин воспаленијата ги држи под контрола.
Истражувањата покажаа дека кромидот ја подобрува и густината на коските, па поради тоа им се препорачува на жените во менопауза кои се соочуваат со загуба на густината на коските. Покрај тоа, го намалува и ризикот од скршеници.
Истражувањата покажаа дека кромидот го намалува и ризикот од неколку видови на рак, па дури и кога го конзумираме во мали количини.
Тој, исто така, ни помага уште на неколку начини, а некои од тие се…
– ја подобрува рамнотежата на шеќерот во крвта
– спречува бактериски инфекции
– содржи витамин Ц, А и Е, кои се одлични антиоксиданси
Магазин
Дали знаете зошто швајцарските сирења имаат дупчиња?
Швајцарското сирење секогаш се опишува како сирење со дупчиња. Има цврсто тело и орев, но сладок вкус. Исто така, има многу малку сол во споредба со другите сирења, вели др. Марк Џонсон, истакнат научник во Центарот за истражување на млечни производи на Универзитетот во Висконсин.
Првпат е направен во 14 век во Швајцарија, поточно на Алпите.
„Тоа беше тврдо сирење кое имаше долг рок на траење и лесно можеше да се транспортира по планините каде што се произведуваше. Денес, пак, терминот швајцарско сирење не се однесува на тоа од каде доаѓа сирењето, туку на видот на сирењето, на тоа како се произведува сирењето – објасни тој.
„Производителите на сирење додаваат посебна бактерија наречена Propionibacterium shermanii. Оваа бактерија ферментира млечна киселина и произведува јаглерод диоксид. Јаглерод диоксидот се собира на одредени места во сирењето и создава големи меурчиња. Ниту едно друго сирење не ја користи оваа култура, освен швајцарското и другите верзии на швајцарско сирење, како што се baby Swiss, Maasdam, Jarlsberg и Emmentaler“, објаснува др. Марк Џонсон.
Можете ли да купите швајцарско сирење без дупки?
„Швајцарското сирење без дупки се нарекува „слепо швајцарско“, но тоа се смета за недостаток. Ако видите сирење означено со швајцарско кое нема дупки, тоа не е вистинско швајцарско сирење и нема да го има вкусот или текстурата што ја барате“, објасни тоj
/rd.com.
Магазин
Вкусна кремаста супа од домати
Состојки:
- 225 гр путер,
- 225 гр кромид,
- 60 гр мазно брашно,
- 1,5 кг сечкани конзервирани домати,
- 150 мл пилешки супа,
- 25 гр шеќер,
- 2 лажички сол,
- 1/3 лажичка бибер,
- 100 мл слатка павлака,
- 100 мл млеко 2 лажици мед
Подготовка:
Загрејте го путерот во голема тава и додадете го исечканиот кромид. Пропржете го кромидот на средна топлина додека не стане мек и проѕирен. Додадете го брашното и мешајте неколку минути, додека смесата не добие златна боја. Додадете сечкани конзервирани домати, густин, шеќер, сол и бибер. Кога ќе зоврие, намалете ја топлината и варете околу половина час. Мешајте повремено за да не изгори супата на дното. Тргнете ја од оган, измешајте ги млекото, павлаката и медот и со миксер направете крем супа.
Магазин
Рецепт за кремасто рижото кое ги исполнува сите критериуми за совршен ручек
Брзо, здраво, вкусно и со разумна цена – ова се четири критериуми кои прават одлично јадење, а рижото со спанаќ ги задоволува сите. Постојат многу рецепти за овој специјалитет што ќе ги сакаат вегетаријанците, па дури и децата кои не сакаат зеленчук, а овој е покремаст и повкусен од сите нив.
Во продолжение прочитајте рецепт за рижото со спанаќ и сирење кое е толку вкусно што и најголемите љубители на месо нема да размислат два пати за тоа.
Рижото со спанаќ и сирење – состојки:
- мала главица црвен кромид
- 2 чешниња лук
- 1,5 чаши ориз
- 150 – 200 гр замрзнат спанаќ
- 500 мл вода
- 1 коцка зеленчук за супа
- 200 мл крем за готвење
- 150 гр рендано сирење по желба
- зачини по желба
Рижото со спанаќ и сирење – подготовка:
- Кромидот и лукот ситно исечкајте ги и кратко пропржете ги на маслиново масло.
- Додадете го претходно измиениот ориз и замрзнатиот спанаќ.
- Прелијте со водата во која е растворена коцката за супа и зачинете по желба.
- Гответе на тивок оган додека оризот не ја впие речиси целата течност и додека не стане мек. Доколку е потребно, додадете повеќе вода за време на готвењето.
- Кога ќе се свари оризот, додадете го кремот за готвење.
- По две-три минути исклучете го огнот и додадете рендано сирење.
- Послужете го топло.
/Dnevnik
-
Хороскоп1 ден
Хороскоп за четврток (28 март)
-
Македонија2 дена
Викендов започнува летното сметање на време, ноќта во недела стрелките на часовникот ги поместуваме еден час по напред
-
Хороскоп3 часа
Хороскоп за петок (29 март)
-
Кичево2 дена
ССНМ во Кичево организира работен состанок со новинари од локални медиуми
-
Кичево6 часа
Во петок сите патишта водат на хуманитарниот концерт за Владо Симјановски, бидете дел и уште еднаш да ја покажеме нашата хуманост на дело!
-
Спорт2 дена
Нова победа на македонската репрезентација до 18 години на силниот меѓународен турнир „Анталија Куп 2024″
-
Lifestyle2 дена
Дали знаете што значи WC?
-
Кичево13 часа
МВР: Вкупно 15 кичевски возила-јавни превозници вчера биле пратени на вонреден технички преглед