Следете не

Култура

Доаѓа големиот христијански празник и куќна слава „Св.Пречиста“

Avatar

Објавено пред

на

Ни доаѓа Пресвета Богородица, помеѓу народот познат како празник „Света Пречиста“ или само „Пречиста“ и спаѓа во поголемите есенски празници што се празнуваат и со домашни служби. Овој празник исто така, спаѓа и во дванаесетте големи христијански празници. Тој  се смета за женски празник и повеќе го празнуваат младите жени, особено оние што уште немаат деца.

Праведните Јоаким и Ана се вели во сведоштвата долго немале деца. Го молеле Бога да им даде рожба ветувајќи му дека ќе му ја посветат нему, односно ќе ја дадат да му служи во храмот.

Така им се родила Марија. Светото предание натаму сведочи дека бидејќи Марија била измолена со солзи и ветена да му служи на Бога, нејзините родители уште кога наполнила една година сакале да ја одведат во храмот. Но се плашеле дека малото девојче може да плаче за нив, па се одлучиле тој чин да го направат кога таа  ќе наполни три години. И така кога наполнила три години останувајќи доследни на ветувањето, а и исполнувајќи го долгот кон Бога, ја повеле во храмот.

Во свечената поворка што три дена патувала од Назарет до Ерусалим најнапред оделе девојчиња променети во бела облека, со запалени свеќи во рацете, по нив Јоаким и Ана за рака ја воделе малата Марија, а по нив оделе многу роднини и пријатели. Со нив, невидливи за човечкото око, патувале и многу ангели. Малата Марија била облечена во свечена облека, со многу украси, како што и приличи на царска ќерка и божја невеста. Од Назарет до Ерусалим имало три дена пат, но овојпат, бидејќи се работело за патување иницирано со божји благослов, поворката со леснотија го изодела ова растојание.

Пред храмот свечената поворка ја пречекале свештеници на чело со првосвештеникот Захарие, пеејќи црковни песни. Храмот бил на поиздигнато место и во него се влегувало по 15 скали.

Родителите ја оставиле малата Марија на почетокот на скалите и таа самата, со сила и сигурност на   многу поголема возраст, се искачила весело гледајќи во храмот и не свртувајќи се кон своите родители и кон народот што ја придружувал. Тамо ја пречекал првосвештеникот Захарие, (таткото на свети Јован Крстител), кој на општо изненадување на насобраниот народ, а по божја повелба, ја внесол во најсветото место во храмот, еден одделен олтар наречен “Свјатаја свјатих”, (или Светиња на светиите).

Тука никој не смеел да влезе, особено не жена, не влегувале ниту обичните свештеници, а и првосвештеникот влегувал само еднаш во годината и тоа на празникот кога принесувал жртва. На ова се чуделе не само луѓето туку и ангелите, но и ова е направено со Божја промисла и е поврзано со идната улога на Богородица, мајката на Исус Христос.
Во храмот Богородица останала до 12-тата година. Тука живеела заедно со други девојчиња, заедно се молеле, принесувале жртви, пееле црковни песни, го читале Светото Писмо и учеле домашни работи како везење, плетење и сл.

Храна примала од раката на ангелот кој  ја штител од секакво зло. Била послушна кон сите и затоа сите ја сакале и почитувале. Така во овој храм Пресвета Дева Марија се подготвувала за идната слава што ја очекувала.
Светото предание уште сведочи дека кога Марија стигнала до возраста кога девојките го напуштале храмот и се мажеле, свештениците побарале  и таа тоа да го направи.

Но Марија тогаш им ја соопштила својата решеност да не стапува во брак туку до крајот на животот да остане во храмот и да му служи на својот Бог. Но тоа не го дозволувале законите, поради што се барало компромис. По Божја промисла, таа била дадена на чување кај еден постар човек по име Јосиф, роднина на нејзините родители. Поради тоа во сведоштвата праведниот Јосиф се среќава и како нејзин старател, но и како нејзин свршеник.

Така биле задоволени тогашните еврејски закони, а на Марија и била исполнета желбата засекогаш да остане девица и да му служи на Бога. Дотогаш меѓу Евреите не било познато доживотно заветување на Бога, така што Марија е првата девојка што се решила и што успеала до крајот на животот да биде заветна или посветена на Бога. По нејзиниот пример подоцна тргнале илјадници девојки и момчиња.
Во спомен на воведувањето на тригодишната Марија во храмот светата црква го востановила празникот Воведение што се празнува на 4 декември.

Празникот Воведение на Пресвета Богородица во храмот ни го истакнува за углед односот на праведните Јоаким и Ана, нивното исполнување на ветеното, но и нивната грижа за правилно воспитување на нивното дете. Но овој празник и денес е актуелен со тоа што укажува на потребата родителите да се заложат за правилно воспитување на своите деца, за осознавање на вредностите на верата, но и за одбрана од негативните пороци кои што денес ја уништуваат младината.

© Порта.мк Преземањето на авторски содржини (текстови и фотографии) од оваа страница е дозволено само делумно со наведување на извор (хиперлинк) до содржината што се превзема.

Музика

(ФОТО) Кичевско лоби ја обедини македонска Австралија, полни сали, многу песна, веселба до раните утрински часови

Avatar

Објавено пред

на

Кичевчаните Спасен Сиљаноски и Дарко Стојаноски заедно со бендот Престиж се вистински амбасадори на македонската музика деновиве во Австралија, каде во полни сали до последно место, музика до раните утрински часови покрај најголемите македонски хитови кои никого не оставаат рамнодушен ги обединија нашинците во тие краишта.

Пред неколку дена до последно место исполнета беше и Ferraro Receptions во Мелбурн каде под македонска фаланга и сонцето од Кутлеш се пееше во еден глас, додека следни се концертите во Волонгонг и Сиднеј.

Инаку денес Спасен и Дарко си добија по една маичка со молитва која мора да ја погледнете:

Секоја чест! 🇲🇰👌

Слушнете го најголемиот хит на Спасен Сиљаноски кој се пее насекаде и моментално брои нешто повеќе од 2 милиони прегледи:

Слушнете го и хитот на Дарко Стојаноски – Јована

© Порта.мк Преземањето на авторски содржини (текстови и фотографии) од оваа страница е дозволено само делумно со наведување на извор (хиперлинк) до содржината што се превзема.

Прочитај повеќе...

Култура

Книжевен блог што треба да го знаат сите љубители на литературата!

Avatar

Објавено пред

на

Во денешното модерно време и достапноста на технологијата покрај постоењето на веб портали со најразлични содржини, форуми и слично, во македонскиот сајбер-простор постојат литературни или книжевни блогови чијашто главна тематика се книгите и сè што е поврзано со книжевност. Нивниот број во нашава држава не е многу голем, но сепак ги има и вреди да се спомне нивното постоење.

Еден од таквите книжевни блогови кој вреди да биде посетуван од секој љубител на пишаниот збор е „Крајбрежје на два спротивни света“. Блогот постои од 2013 година, а овој месец ќе го слави неговиот 7-ми роденден. Зад него стои Наталија Наумовска како главен основач, а заедно со неа како дел од тимот се јавуваат и Маја Дојчинова Малиновска, Мишо Ристовски, Викторија Саздовска и Анамарија Наумовска (која е малку на пауза со ангажманите околу блогот). Останатите четворица неуморно се посветуваат и ги збогатуваат содржините секојдневно со интересни објави, а вниманието ќе ви го задржат со нивната уникатност и различните објави што не можете да ги најдете на друго место. Покрај тоа, уште еден новитет кај нив е дека на почетокот од оваа година ја почнаа радио-емисијата наречена „Кулитерација“ која се емитува на радио МОФ. Емисијата е еден вид „продолжение“ на она што го прават на блогот, креаторите на истата односно четворицата ентузијасти велат дека таа е од едукативен и информативен карактер, и ги повикуваат читателите и слушателите активно да слушаат, но и да се вклучуваат во наградните игри што ги спроведуваат на нивниот инстаграм профил каде даруваат книги, а дарувањата ги најавуваат во секоја епизода што се емитува на радиото.

Прозни дела, многу стихови, колумни, литературни осврти и рецитали, известувања за литературни настани и промоции се само дел од содржините на блогот кој веруваме дека го заслужува вашето внимание. Интересна категорија што е многу воочлива, наречена „Вашиот глас“ е место каде и блогерите ги читаат останатите чиишто дела сакаат да бидат споделени на блогот па во категоријата се објавуваат сите дела што им ги испраќаат. „Шаренолик и богат опус на творештво може да се најде и во таа категорија, но има подеднакво квалитетни објави и во останатите категории“.

Блогерите се залагаат за негување и ширење на пишаниот збор, за промоција на неафирмирани и афирмирани автори, за доближување на литературата од еден поинаков агол. Блогот што ќе го промени вашиот свет – е нивното мото, а тие го прават токму тоа, склопуваат делчиња од нивните светови и заедно го градат светот кој го сочинува Крајбрежје.
Љубителите на книги и на пишаниот збор во одредена бројка го следат уште од самиот почеток, а нивната бројка расте секојдневно. Авторката вели дека има редовна читателска публика што ѝ останала верна уште од времето кога блогот имаше друго име: „Светла точка во мракот“, но сега е препознатлив по „Крајбрежје на два спротивни света“.
Ако сметате дека повеќе луѓе треба да дознаат за постоењето на овој блог покрај многуте други тогаш поддржете ги со лајк на нивната Facebook страна, и следете ги на Инстаграм.

© Порта.мк Преземањето на авторски содржини (текстови и фотографии) од оваа страница е дозволено само делумно со наведување на извор (хиперлинк) до содржината што се превзема.

Прочитај повеќе...

Култура

Денес е Тодорова сабота: Празник на приврзаноста кон велигденскиот пост

Avatar

Објавено пред

на

Православните верници денеска го слават пазникот Тодорова Сабота – Празник на приврзаноста кон велигденскиот пост.
Именден празнуваат: Тодор, Тодорка, Божидар (доаѓа од Тео-Бог и дар).

Јавувањето на св. Теодор Тирон и укажувањето на подлите намери на царот Јулијан Отстапник биле повод да се востанови празникот Тодорова Сабота, што се празнува во првата сабота од Велигденските пости, односно првата сабота по Прочка.

Првата сабота од великиот пост
Во оваа прва сабота на постот, со коливо го празнуваме преславното чудо на светиот великомаченик Теодор Тирон, коешто се случи вака: кога Јулијан отстапник, после Констанциј, синот на Константин Велики, го зеде управувањето со царството, тој започна отворено враќање од христијанството во идолопоклонството, и тоа не тајно, туку јавно, подигнувајќи прогон против
христијаните. Но, злочестивиот не сакал јавно да приредува сурови мачења, туку смислил поинаков начин да ги искушува христијаните. Знаејќи дека нашиот христијански народ најмногу се очистува и внимава на Бога во првата недела од светиот пост, тој го повика управникот на градот и му заповеда да ги тргне обичните продукти од пазарот, а на нивно место да стави други, попрскани со
крвта на идолските жртви. Така, сите што ќе купат и ќе јадат од таа храна, да бидат осквернети. Меѓутоа, Бог кој ги попречува лукавите ви нивните завери, а за нас, Неговите слуги, секогаш има промисла, ја разруши и оваа завера на Јулијан. Кон градскиот архиереј Евдоксиј, Он го праќа великомаченикот Теодор Тирон. И тој застана пред него, не во сон, туку на јаве, и му рече: собери го
Христовото стадо и заповедај им на сите ништо од она што се продава на пазар да не купуваат, бидејќи е осквернето со крвта на идолски жртви од страна на нечестивиот цар. Архиерејот беше во недоумица и го праша што да јадат оние кои дома немаат доволно храна, доколку не докупат од пазарот? Светителот му рече со коливо за да го дополни недостатокот. Евдоксиј не разбра што точно е тоа „коливо“ и го праша светителот, а тој му објасни: варена пченица.
Патријархот тогаш го праша кој е тој, што толку се грижи за христоименитиот народ? Христовиот маченик рече: од Него сум ви испратен за помошник. Патријархот направи како што му беше кажано, и го зачува Христовото стадо неосквернето и неповредено од лукавството. Јулијан кога виде дека неговата измама е откриена, се посрами и заповеда на пазарот да се врати обичната
храна. Христијаните, пак, во знак на благодарност кон Благодетелот и кон маченикот, во саботата со коливо извршија радосен спомен. Оттогаш, и ние верните, ова чудо го обновуваме за да не биде заборавено, и го почитуваме великиот Теодор со коливо.

/ekran.mk

© Порта.мк Преземањето на авторски содржини (текстови и фотографии) од оваа страница е дозволено само делумно со наведување на извор (хиперлинк) до содржината што се превзема.

Прочитај повеќе...

Facebook

Последни објави

МагазинПред 5 часа

Фчерашни Новости: Што да правите со сето тоа брашно дома!?

Фчерашни новости им излезе во пресрет на домаќините и домаќинките кои се снабдија со поголемо количество на брашно по повод...

СветПред 5 часа

Турскиот голман Рушту Речбер е во критична состојба поради Коронавирус, сопругата не почитувала изолација две недели

Легендарниот турски голман Рушту Речбер се бори за живот, а турските медиуми прстот во вперија кон неговата сопруга Исил која...

ВидеоПред 18 часа

(ВИДЕО) Чекаа бус се додека почна човекот со маска да кашла и погледнете до крај..

Дефинитивно видео кое стана вирално низ интернет етерот во склоп на состојбата со Коронавирусот. Погледнете за што станува збор: ©...

ХороскопПред 20 часа

Последен Хороскоп за месец Март (31.03)

ОВЕН Денешниот ден за вас е многу поволен, па може да очекувате дека ќе ги остварите своите цели. Тешко ви...

Живот и стилПред 22 часа

Верувале или не, овие хороскопски знаци мислат на сек* 24 часа

Нивните сексуални потреби и задоволства им се на прво место, без да мислат на обврските кои ги имаат. Овие 3...

МакедонијаПред 1 ден

Нови 26 заразени во Македонија со Коронавирус

Пациент на возраст од 79 години од Дебар, почина на Инфективната клиника утрово. Пред една недела добил резултати дека е...

МакедонијаПред 1 ден

Ново намалување на цената на горивата од вечерва

Од вечерва на полноќ малопродажната цена на бензинот Еуросупер БС-95 се намалува за 1,00 денар за литар и ќе изнесува...

МакедонијаПред 2 дена

Денес нови цени на горивата, на светска берза нафтата со драстичен пад

Денес на пладне ќе ги дознаеме новите цени на горивата во Македонија според РКЕ. На светските берзи, британската нафта од...

Временска прогнозаПред 2 дена

Времето денес ќе биде сончево со умерена облачност, попладне се очекуваат локални дождови

Времето денес во Македонија ќе биде сончево со умерена облачност. Попладне облачноста ќе се зголеми и ќе има локални врнежи...

ХроникаПред 2 дена

Дневен Хороскоп (30.03) понеделник #ОстаниДома #StopCovid19

ОВЕН Работа: Промените и важните случувања кои ги очекувате нема да стапат на сцена денеска, па важно е да бидете...

НАЈЧИТАНИ