Следете не

Култура

Доаѓа големиот христијански празник и куќна слава „Св.Пречиста“

Avatar

Објавено пред

на

Ни доаѓа Пресвета Богородица, помеѓу народот познат како празник „Света Пречиста“ или само „Пречиста“ и спаѓа во поголемите есенски празници што се празнуваат и со домашни служби. Овој празник исто така, спаѓа и во дванаесетте големи христијански празници. Тој  се смета за женски празник и повеќе го празнуваат младите жени, особено оние што уште немаат деца.

Праведните Јоаким и Ана се вели во сведоштвата долго немале деца. Го молеле Бога да им даде рожба ветувајќи му дека ќе му ја посветат нему, односно ќе ја дадат да му служи во храмот.

Така им се родила Марија. Светото предание натаму сведочи дека бидејќи Марија била измолена со солзи и ветена да му служи на Бога, нејзините родители уште кога наполнила една година сакале да ја одведат во храмот. Но се плашеле дека малото девојче може да плаче за нив, па се одлучиле тој чин да го направат кога таа  ќе наполни три години. И така кога наполнила три години останувајќи доследни на ветувањето, а и исполнувајќи го долгот кон Бога, ја повеле во храмот.

Во свечената поворка што три дена патувала од Назарет до Ерусалим најнапред оделе девојчиња променети во бела облека, со запалени свеќи во рацете, по нив Јоаким и Ана за рака ја воделе малата Марија, а по нив оделе многу роднини и пријатели. Со нив, невидливи за човечкото око, патувале и многу ангели. Малата Марија била облечена во свечена облека, со многу украси, како што и приличи на царска ќерка и божја невеста. Од Назарет до Ерусалим имало три дена пат, но овојпат, бидејќи се работело за патување иницирано со божји благослов, поворката со леснотија го изодела ова растојание.

Пред храмот свечената поворка ја пречекале свештеници на чело со првосвештеникот Захарие, пеејќи црковни песни. Храмот бил на поиздигнато место и во него се влегувало по 15 скали.

Родителите ја оставиле малата Марија на почетокот на скалите и таа самата, со сила и сигурност на   многу поголема возраст, се искачила весело гледајќи во храмот и не свртувајќи се кон своите родители и кон народот што ја придружувал. Тамо ја пречекал првосвештеникот Захарие, (таткото на свети Јован Крстител), кој на општо изненадување на насобраниот народ, а по божја повелба, ја внесол во најсветото место во храмот, еден одделен олтар наречен “Свјатаја свјатих”, (или Светиња на светиите).

Тука никој не смеел да влезе, особено не жена, не влегувале ниту обичните свештеници, а и првосвештеникот влегувал само еднаш во годината и тоа на празникот кога принесувал жртва. На ова се чуделе не само луѓето туку и ангелите, но и ова е направено со Божја промисла и е поврзано со идната улога на Богородица, мајката на Исус Христос.
Во храмот Богородица останала до 12-тата година. Тука живеела заедно со други девојчиња, заедно се молеле, принесувале жртви, пееле црковни песни, го читале Светото Писмо и учеле домашни работи како везење, плетење и сл.

Храна примала од раката на ангелот кој  ја штител од секакво зло. Била послушна кон сите и затоа сите ја сакале и почитувале. Така во овој храм Пресвета Дева Марија се подготвувала за идната слава што ја очекувала.
Светото предание уште сведочи дека кога Марија стигнала до возраста кога девојките го напуштале храмот и се мажеле, свештениците побарале  и таа тоа да го направи.

Но Марија тогаш им ја соопштила својата решеност да не стапува во брак туку до крајот на животот да остане во храмот и да му служи на својот Бог. Но тоа не го дозволувале законите, поради што се барало компромис. По Божја промисла, таа била дадена на чување кај еден постар човек по име Јосиф, роднина на нејзините родители. Поради тоа во сведоштвата праведниот Јосиф се среќава и како нејзин старател, но и како нејзин свршеник.

Така биле задоволени тогашните еврејски закони, а на Марија и била исполнета желбата засекогаш да остане девица и да му служи на Бога. Дотогаш меѓу Евреите не било познато доживотно заветување на Бога, така што Марија е првата девојка што се решила и што успеала до крајот на животот да биде заветна или посветена на Бога. По нејзиниот пример подоцна тргнале илјадници девојки и момчиња.
Во спомен на воведувањето на тригодишната Марија во храмот светата црква го востановила празникот Воведение што се празнува на 4 декември.

Празникот Воведение на Пресвета Богородица во храмот ни го истакнува за углед односот на праведните Јоаким и Ана, нивното исполнување на ветеното, но и нивната грижа за правилно воспитување на нивното дете. Но овој празник и денес е актуелен со тоа што укажува на потребата родителите да се заложат за правилно воспитување на своите деца, за осознавање на вредностите на верата, но и за одбрана од негативните пороци кои што денес ја уништуваат младината.

Култура

Од утре започнуваат Божиќните пости, ова е редоследот на посни јадења во периодот на празниците

Avatar

Објавено пред

на

Од утре 28-ми ноември започнуваат Божиќните пости кои траат 40 денови, пред големиот празник Рождеството Христово Божик, на 7-ми јануари. Денешниот ден, 27 ноември, се нарекува уште божикни поклади. Овој ден е и денот на споменот на Апостол Филип.

Православната црква запишала дека Божиќниот пост е востановен за да верниците можат, во пресрет на Рождеството Христово, да се исчистиат себеси со покајание, молитва и пост, и со чисти срца, душа и тело, благоговејно да Го пресретнат Синот Божји што се јави во светот, принесувајќи му го, наместо обични дарови и жртви, чистото срце на верниците и желбата за последување на Неговото учење.

Секој пост има правила, во кои денови се пости стого, а во кои денови е дозволено масло, вино и/или риба. Верниците строго се придржуваат на црковните правила.

Во продолжение погледнете ја табелата со годинашните датуми, празници и правила за постење на Божиќните пости.

/kurir.mk

Прочитај повеќе...

Музика

(ВИДЕО) „Боки-Татко Преседник“ од Амадеус Бенд со песна за нашата Македонија! Капа долу мајсторе!

Avatar

Објавено пред

на

Популарниот Бојан Станимировиќ или попознат како „Боки-Татко Преседник“ од Амадеус Бенд сними песна и видео запис за Македонија!

Како што изјавува, овој проект е наменет за сите дечиња од Македонија кој имаат потреба од финансиска помош, така што финансиите од прегледите на ЈуТјуб мрежата ќе бидат директно за тие потреби.

Сите кои учестуваа во снимањето, аранжманот како и артистите Никола Автовски, Ставре Ставрев, Алек Петковски и останатите се од Македонија и тоа го прават за добротворни цели.

Капа долу за сите, а вие чесен народе преслушајте ја песната и донирајте за децата кои имаат потреба од финансиска помош за својот социјален живот.

Прочитај повеќе...

Култура

Денеска е Св. Архангел Михаил – празник на војводата на сите ангели

Avatar

Објавено пред

на

Празникот на  Aрхангел Михаил се нарекува уште и празник на војводата на сите ангели. Инаку според календарот на МПЦ (Јулијанскиот календар) денеска е 6 септември

Главниот празник на свети архангел Михаил се празнува на 8 ноември (јулијански календар). Се вика Собор на свети архангел Михаил. Денес, пак, црквата утврдила да се празнува споменот на неговите чуда што се случија во местото Хони, близу Ерапол во Фригија, каде што подоцна исто во спомен на неговите чуда беше подигната црква посветена на свети архангел Михаил.

Но во ноември пак меѓу поголемите есенски празници што нашиот народ ги празнува со домашни служби е и празникот Собор на свети архангел Михаил, меѓу народот попознат како Аранѓел, Оранѓел или Аранѓеловден. Црквата го определила овој ден за празник во чест на сите ангели, а најмногу на свети архангел Михаил кого го смета за водач на сите небесни сили.

Тогаш именден празнуваат: Ангел, Ангелина, Михаил, Мила, Милка, Михаила, Михо, Рајко, Рајна, Ратка…

Празникот Собор на свети архангел Михаил што се празнува на 21 ноември според новиот (или на 8 ноември според стариот) календар меѓу народот е познат едноставно како Аранѓел, Оранѓел или Аранѓеловден. Многу семејства го имаат за домашен празник и го празнуваат со домашни служби, а и општо е верувањето дека тој спаѓа меѓу поголемите празници.

Пред да го создаде материјалниот свет (земјата, небото, ѕвездите, човекот итн.), Господ го создал духовниот свет ‒ ангелите. Ангелите се духови поради што се невидливи, а за подобро да бидат сфатени и за да се создаде претстава за нив на фреските и иконите се претставени во човечка форма. Тие се Господови гласници (ангел значи весник) ги пренесуваат божјите заповеди поради што на фреските се претставени со крилја. Тие се поим за младост и безгрижност поради што се претставени како деца бидејќи староста, обелувањето на косата и брчките на лицето се последица на животните грижи и страдања. Тие се насликани во бела облека што симболизира душевна чистина и невиност. Единствено архангел Михаил е претставен во војводска облека. Зошто архангел Михаил е насликан како војвода?

Во почетокот сите ангели биле добри. Подоцна некои од нив станале лоши, се одметнале од Бога и почнале да прават злодела. Нив ги викаме ѓаволи. Еден меѓу нив по име Деница, заслепен од големата моќ што му ја дал Бог, се одметнал од Бога, собрал големо друштво и создал цело невидливо небесно духовно царство. Свети архангел Михаил го победил, го симнал од небото, а и подоцна продолжил да се бори за славата Божја поради што е претставен во војводска облека со меч и копје во рацете.

Тогаш, кога некои ангели почнале да го напуштаат Бога и станале лоши архангел Михаил ги собрал сите ангели и како знак на верност кон Бога почнал заедно со нив да ја слави Света Тројца со песната: Свет, Свет, Свет е Господ Саваот. Во спомен на овој собир црквата го востановила празникот Собор на свети архангел Михаил што се празнува на 21/8 ноември. Со овој празник им се оддава признание на сите ангели кои ги има безброј.

Зошто токму на овој ден се празнува денот на ангелите? Според некои истражувачи месецот ноември е одбран поради тоа што во поранешното сметање на времето, кога годината започнувала од март, ноември бил деветти месец, а девет се чиновите ангелски. Денот осми (според стариот календар) е одбран поради тоа што на осмиот ден од страшниот суд ќе дојде Исус да им суди на живите и мртвите.

Прочитај повеќе...

Facebook

Последни објави

МакедонијаПред 2 часа

Доаѓа големиот христијански празник Свети Ѓорѓија – Светецот кој ја убил ламјата што на народот му правела голема штета

Православните верници во понеделник на 9 декември го празнуваат посен свети Ѓорѓија. Овој ден, освен како семејна слава, се празнува...

ЗанимливостиПред 8 часа

Неделни акции во АТВА Маркети – Кичево

Посетете ги најуредените и најснабдените Супер-Маркети на ланецот АТВА во Кичево и пазарете по неодоливи цени на производите кои се...

СпортПред 9 часа

Шампионот Игор Стефановски-Иџе заборавен од државата, нула денари за него и неговиот успех во автомобилизмот

Македонскиот натпреварувач во автомобилски трки и европски шампион на ридски патеки, Игор Стефановски – Иџе ја обвини Агенцијата за млади...

Здравје и убавинаПред 12 часа

Пијалок за здрав црн дроб, доколку го пиете секое утро, само по една голтка

Црниот дроб учествува во процесот на обновување на крвта. Исто така, помага при зајакнување и стимулација на варењето на храната...

Временска прогнозаПред 14 часа

Денес ќе биде студено, со сончеви периоди преку ден, останатите денови ќе имаме вакво време

Во Македонија ќе биде променливо облачно и студено со сончеви периоди. По одделни котлини магливо. Утринсакта температура ќе се движи...

Живот и стилПред 18 часа

Истражувањата покажуваат дека и пивото е лек за несоница

Секоја втора возрасна личност во Европа, меѓу кои вклучувајќи ги и жените, имаат проблем со несоница. Според истражувањето од универзитетот...

ХороскопПред 20 часа

Денешен Хороскоп (05.12) Четврток

ОВЕН Ќе имате среќа околу работата денес. Можно е некои деловни обврски да ги завршите побргу од планираното. Ве очекува...

МакедонијаПред 22 часа

Дури 7 лица заболени од ХИВ/СИДА жители на Кичево, ова е целосниот извештај за 2019-та година

Пет новорегистрирани лица со ХИВ/СИДА во Битола од почетокот на годинава до денес. Ова го соопштија од Центарот за јавно...

Здравје и убавинаПред 1 ден

Нова надеж за болните од рак? Корен од глуварче поефикасен од хемотерапија?

Иако нашите баби подготвувале сирупи од глуварче знаејќи дека содржи многу лековити супстанции, она што сигурно не го знаеле е...

МакедонијаПред 1 ден

СВР Тетово со извештај за сработеното во месец Ноември

Во текот на ноември оваа година, полициски службеници на СВР Тетово, на поширокото тетовско подрачје, откриле и соодветно санкционирале вкупно...

НАЈЧИТАНИ