Временска прогноза Македонија

Летото завршува, од викендов идат поројни дождови и грмежи

Времето во Македонија ќе биде сончево со мала до умерена облачност, попладне со краткотраен локален дожд. Ќе дува слаб до умерен северозападен ветер. Утринската температура ќе се движи од девет до 19, а  дневната од 20 до 32 степена. УВ-индексот ќе изнесува 7.

Во следните денови ќе преовладува претежно сончево време со мала до умерена облачност и со слаб до умерен северозападен ветер, што ќе предизвика опаѓање на температурата за неколку степени.

Повремено облачност ќе се зголемува, а ќе има изолирана појава на краткотраен пороен дожд.

В сабота кон крајот на денот и в недела ќе има зголемување на облачноста со локален пороен дожд и грмежи.