Спорт
(ФОТО) „Децата го преземаа теренот“ – Еден тим за детстките права по повод „Светскиот ден на детето“ заедно со профосионални фудбалери и високи функционери

Децата го преземаа теренот на пријателски фудбалски натпревар, со повик сите да се здружат за правата на децата
По повод Светскиот ден на детето УНИЦЕФ и Фудбалската федерација на Македонија организираа пријателски фудбалски натпревар на кој „децата го преземаа теренот“. На натпреварот играа деца, професионални фудбалери од националната репрезентација, фудбалери од Специјалната Олимпијада и високи функционери.
“На овој ден сите ние возрасните заедно со децата се потсетуваме кои ни се приоритетите, каде треба го насочиме погледот, што сакаме да постигнеме за да обезбедиме безгрижно детство за сите деца, а секако и подобра иднина и можности за развој,“ рече премиерот Димитар Ковачевски. “Светскиот ден на детето е нашиот потсетник за обврските што како општество ги имаме кон нашите деца, особено кон оние чија положба е многу чувствителна.“
Светскиот ден на детето кој се одбележува секоја година на 20 ноември, ги истакнува најважните прашања кои влијаат врз животот на децата и го поддржува учеството на децата и младите како застапници на своите сопствени права. Оваа година, Светскиот ден на детето се паѓа на истиот ден со официјалниот почеток на ФИФА Светското првенство во Катар 2022 година и на тој начин дава ретка можност детските прашања да се најдат на врвот од глобалната агенда.
Натпреварот е дел од заедничката кампања на УНИЦЕФ и Фудбалската федерација на Македонија, под слоганот „Сите сме еден тим“, со која се повикува сите да се здружат за правата на децата.
“Фудбалот значи ширење на пријателство, еднаквост и промовирање на здрав начин на живот и спортска култура. Ве охрабруваме сите млади активно да се вклучите во активности кои ја пренесуваат пораката за присуство на пријателство и еднаквост на спортските терени, но и во секојдневниот живот, “ рече директорот на македонската фудбалска репрезентација, Дени Масев. „Децата имаат свои права затоа што се деца, а не затоа што допрва треба да ги заработат. Наша должност е да ги научиме на одговорност, развој на нивните капацитети, почитување на другите, толеранција или живот во заедница. Наша должност е секој во својот оддел или област да прави сѐ што може за правата на сите деца вистински да се почитуваат. Важно е да инвестираме во подобрување на квалитетот на животот на децата, преку воспитување и образование, здравствена и социјална заштита, културна и спортска“.
На настанот присуствуваа деца, наставници, министри, амбасадори, јуниорски фудбалски тимови и фудбалери од Специјалната Олимпијада. Настанот го модерираа Кика, Филип, Анастасија и Миха, деца од ТВ-серијата „Дајте музика“, кои ја претставуваа Македонија на детскиот евровизиски натпревар.
Светскиот ден на детето е годишен ден со кој се повикува на акција за да се привлече вниманието на прашања важни за децата и да се создаде поправичен, инклузивен свет за секое дете. УНИЦЕФ и партнерите апелираат до целото општество да ги поддржат активностите за поддршка на:
· Квалитетна здравствена грижа, за секое дете која опфаќа обезбедување пристап до квалитетна здравствена грижа и исхрана за секое дете, како и заштита од болести што можат да се спречат со вакцинација.
· Квалитетно и инклузивно образование, за секое дете вклучувајќи зголемени инвестиции и подобрена ефикасност и правичност во трошењето за образование со цел да му се помогне на секое дете да се здобие со вештини од 21 век, а и да им се даде поттик на децата да израснат во луѓе што ќе ја преобразат економијата и општеството.
· Менталното здравје и благосостојба на децата и младите , вклучувајќи воспоставување програми кои го унапредуваат менталното здравје и благосостојбата во училиштата и заедницата, за секое дете да има детство какво што заслужува и на кое има право.
· Здрава животна средина, вклучувајќи создавање простор за децата и младите да играат главна улога во осмислувањето климатски активности и во обезбедувањето решенија за еколошките предизвици со кои се соочуваме денес.
· Фер шанса за секое дете, вклучувајќи активности за справување со дискриминацијата и исклучувањето, за да не се запостави ниту едно дете поради попреченост, сиромаштија, етничка припадност или пол.
Спорт
Раководството на ФФМ, предводено од претседателот Омерагиќ и генералниот секретар Јандреоски и Ганиу присуствуваа на 49 Конгрес на УЕФА во Белград

Денеска во Белград се одржа 49. Конгрес на Европската фудбалска Асоцијација, УЕФА. Фудбалската федерација на Македонија (ФФМ) ја претставуваа претседателот Масар Омерагиќ, генералниот сектретар, Леонид Јандреоски и неговиот заменик, Дрилон Ганиу.
Конгресот на УЕФА ги собра челниците на европскиот и светскиот фудбал, многу гости од светот на фудбалот и од различни сфери на општественото живеење.
– Во Белград, првите луѓе на европскиот фудбал разговараа за иднината на европскиот и светскиот фудбал. Во својот говор, претседателот на УЕФА, Александар Чеферин, истакна зошто основните вредности на европскиот фудбал – единство, солидарност и тимска работа – се поважни од кога било во се поделениот свет.
Повеќе ќе прочитате на официјалниот натпис од ФФМ, ТУКА
Спорт
Извлечени паровите за „Купот на Македонија“ во фудбал, Вардар ќе игра со Брера АП, додека ривалот Шкендија за противник го доби тимот на Струга ТЛ.

Во рамки на денешниот ден во просториите на Фудбалската федерација на Македонија со ждребпка беа одредени и истакнати полуфиналните парови за „Купот на Македонија“. Така што ждребката случајно ги спои ривалите Шкендија и Струга ТЛ, додека црвено-црните Вардар го доби тимот на Брера АП.
Првите натпревари се закажани за 9-ти април од 15:00 часот, додека реванш мечевите се закажани за 23-ти април, истакна ФФМ.
Спорт
Андов го истакна списокот со фудбалерки за дуелите со Летонија и Косово во рамки на Лигата на нации за пласман на СП 2027

Женската А репрезентација на Македонија на почетокот на април ќе одигра два натпревари против Летонија и Косово во рамките на продолжението од Лигата на нации за пласман на СП. 2027. На 4. април, со почеток во 15. часот ја пречекуваме селекцијата на Летонија.Четири дена подоцна во Приштина играме против Косово, со почеток во 14.часот.
Селекторот на женската репрезентација на Македонија, Александар Андов за дуелите со Летонија и Косово, се одлучи да ги повика следните фудбалерки:
ГОЛМАНИ:
Евгенија Велјановска – Скопје 2014
Викторија Панчурува – Тиверија Брера
Кристина Павлоска – Раднички Крагуевац, Србија
ОДБРАНА:
Сара Коларовска – Скопје 2014
Ане Бошеска – Тиверија Брера
Павлинка Николовска – Тиверија Брера
Мила Панева – Скопје 2014
Лимани Ихмете – Германија
Викторија Недева – Тиверија Брера
Елена Панеска – Олимпија, Словенија
Бојана Петкова – Полска
СРЕДЕН РЕД:
Маријана Нацева – Дортмунд, Германија
Теона Голабовска – Тиверија Брера
Хава Мустафа – Љуботен
Александра Марковска – Љуботен
Симона Мајер – Израел
Ленче Андрееска – Турција
Рабија Дервиши – Скопје 2014
Наташа Андонова – Мадрид, Шпанија
НАПАД:
Јилза Максути – Турција
Гентијана Рочи – Финска
Меланија Грозданова – Истатов
Јована Павловска – Полска
Во воведното коло на групата 6 од сегментот Ц, Македонија беше поразена од Косово на домашен терен со 4:0, известуваат од ФФМ.
-
Временска прогноза2 дена
Попоски: Влегуваме во период на температури во минус, студ и снег, невообичаено за месец април – ова се информациите
-
Хороскоп22 часа
Хороскоп за четврток (3 април)
-
Хороскоп2 дена
Хороскоп за среда (2 април)
-
Кичево1 ден
Во сабота на кичевското „Китино Кале“ ќе се одржи забавна и едукативна сликарска сесија за деца и тинејџери, кои ќе истражуваат како ноќното небо ја инспирира уметноста низ историјата
-
Хроника1 ден
ОВР Крива Паланка приведе три лица, се сомничат за убиство на 84 годишен старец, најден закопан во близина на живеалиште
-
Македонија2 дена
Сообраќајно инфо: Намалена видливост поради магла на превој „Стража“
-
Автомобили1 ден
„Шкода“ го претстави својот освежен и подобрен модел на „Ениак“
-
Временска прогноза50 минути
Ново ажурирање: Доаѓа екстремно ладно време за април, силен северен ветер и снег, невообичаено за овој период од годината