Следете не

Без категорија

Еве каде се вашите интернет и мобилни податоци (ФОТО)

Објавено пред

на

Интернетот е составен од мали парчиња кодови што патуваат по светот преку жици тенки како влакно од коса распоредени на дното на океанот. Податоците се испраќаат од Њујорк до Сиднеј, од Хонг Конг во Лондон, толку брзо колку што ви треба да го прочитате овој збор.

Речиси 1,2 милион километри кабли веќе ги поврзуваат континентите за да ја задоволат нашата огромна потреба за комуникација и забава. Компаниите ги здружуваат ресурсите за да соработуваат на подводни проекти, кои се како автопат што сите тие го делат.

Но, Гугл сега сака по свој пат во проектот за поврзување на САД со Чиле, каде што се наоѓа најголемата база на податоци на оваа компанија во Латинска Америка.

– Луѓето мислат дека податоците се во облак, но не се, вели Џејн Стауел, која ја надгледува изградбата на проектот на Гугл. „Тие се во океанот“.

Но, стигнувањето до нив е процес што бара многу напор и средства. Финансиски, пред сè. Брод под името „Дјурабл“, долг 139 метри, ќе достави кабли до морето. Но каблите прво треба да се произведат во фабрика во Њуингтон, Њу Хемпшир.

Во оваа фабрика во сопственост на „Сабком“ (SubCom) има специјални машини за производство на кабли.

Каблите првично се само групи на тенки нишки од стаклени влакна. Ласерите испраќаат податоци низ нишките со брзина на светлината со помош на технологија на оптичко влакно.

Откако ќе стигнат во земјата и ќе се поврзат на постојната мрежа, податоците неопходни за да прочитаме е-порака или да отвориме интернет-страница доаѓаат до нашите апарати.

Иако повеќето од нас користат интернет преку ви-фи мрежа или размена на податоци на телефон, овие системи физички поврзуваат кабли што со огромна брзина пренесуваат информации низ светот.

Во процесот на производство каблите поминуваат низ глодалки со големина на млазен мотор, завиткувајќи ја жицата.

Неопходна е најмалку една година за прописно да се испланира патеката на каблите за да се избегнат подводни катастрофи, иако каблите се прават за да можат да издржат морска струја, земјотреси и други потреси во морето. Секој кабел би требало да трае до 25 години.

„Дјурабл“ ќе превезе 6.400 километри кабли со тежина од околу 3.500 тони.

Каблите мора да се наредат во бродот, а додека еден работник го намотува кабелот, други мора да водат сметка да не се врзе во јазол. За во бродот да се натовари неопходната количина кабли, потребни се околу четири недели.

Првиот трансатлантски кабел е завршен во 1858 година и ги поврзувал Америка и Велика Британија. Кралицата Викторија ја одбележала таа пригода со испраќање порака до претседателот на САД, Џејмс Бјукенон, а пораката – која тогаш била револуција – патувала цели 16 часа.

Иако во меѓувреме почнале да се користат безжични и сателитски технологии, каблите сè уште се најбрз, најефикасен и најевтин начин информациите да се испраќаат преку океанот. Сепак, тоа сè уште е далеку од евтино: Гугл не сака да ја открие цената на својот проект во Чиле, но експертите сметаат дека трошоците би можеле да изнесуваат дури 350 милиони долари.

Во модерно време, најголем дел од каблите им припаѓа на телекомуникациските компании, но американските технолошки гиганти преземаат сè повеќе контрола врз нив. Гугл контролира најмалку 14 кабли во светот.

Амазон, Фејсбук и Мајкрософт инвестираат во центри во Северна Америка, Јужна Америка, Азија, Европа и Африка.

Многу земји каблите ги гледаат како критична инфраструктура, а проектите неретко се предмет на геополитички расправи. Минатата година Австралија го блокираше кинескиот технолошки гигант „Хуавеј“ во обид да постави кабел што би ги поврзувал Австралија и Соломонските Острови, а сè поради страв дека Кина така би можела да добие пристап до мрежата.

Откако проектот во Латинска Америка ќе биде при крај, Гугл планира да постави кабел што ќе ги поврзува Вирџинија и Франција, а кој би требало да биде во функција најдоцна до 2020 година.

Компанијата досега отворила 13 центри за податоци низ светот, а уште осум се во фаза на изградба – сè со цел да овозможи трилиони гугл-пребарувања што се извршуваат секоја година и повеќе од 400 часа видеоснимки што се поставуваат на Јутјуб секоја минута.

Побарувачката за подводни кабли ќе биде сè поголема затоа што сè повеќе компании се потпираат на складирање податоци во облак, односно cloud.

Интернетот сега е достапен и во оние делови на светот што претходно беа отсечени од светската мрежа, а Обединетите нации соопштија дека првпат на мрежата е поврзано повеќе од половина од светското население.

– Тоа во голем дел е благодарение на инфраструктурата што го овозможила тоа, вели Деби Браск, потпретседателка на компанијата „Сабком“, која управува со проектот на Гугл.

– Сите тие податоци се пренесуваат со подводни кабли.

Макпресс.mk

Без категорија

АТВА Маркети со нова акција на производи по екстра намалени цени

Објавено пред

на

Производи на акција по супер неодоливи цени, само во АТВА маркети – Кичево

Прочитај повеќе...

Без категорија

Денес е големиот празник „Александрија“, со векови чествуван во кичевска Белица

Објавено пред

на

Кичевска Белица, денес 26 мај го празнува празникот Александрија кој е посветен на светецот-маченик Свети Александар.

Празнувањето кога не би била ситуацијата со пандемијата од Ковид-19 би започнало најпрво со одењето на жените ден порано во малото црквиче кое го носи името на светецот, ќе одржат молитва за своите најблиски и ќе се дружат.

На денот на празнувањето 26 мај, во црквичето се одржува утринска литургија, па крштевка, па венчавка и во 14 часот ќе започнеше долго очекуваната народна веселба со музичка група.

За оваа веселба секогаш била обезбедена храна и пијалоци. Поканети се сите, особено оние кои го носат името Александар и Александра.

Свети Александар е светец-маченик од Македонија кој служел како војник во војската на римскиот император Максимијан. Пострадал како христијанин кратко пред да биде озаконето христијанството во римското царство. Неговата мајка го зела телото и го погребала.

Празникот Свети Александар (Александрија) се празнува во Белица со векови, а над селото постои мала црквичка, сега обновена, изградена во поново време врз темели на постара базилика која датира од доцноримско време.

Постои претпоставка дека токму таа да ги крие моштите на светецот, а самиот светец да потекнува од ова село кое е доста старо.

Нека ви е честит и вековит празникот наши пријатели беличани и кичевчани!

ФОТО: Архива / porta.mk

Прочитај повеќе...

Без категорија

25. коло во 2. МФЛ ќе се одигра в сабота. ФФМ ги покрива трошоците за тестирање

Објавено пред

на

Комисијата за натпревари на Фудбалската федерација на Македонија донесе одлука сите натпревари од 25. коло од Втора МФЛ – Исток и Запад да бидат одиграни на 01. мај 2021 (сабота) со почеток во 13:00 часот.

Фудбалската федерација на Македонија согласно одлуката од Владата на Република С. Македонија за изменување и дополнување на одлуката за превентивни препораки, член 1, објавена во СЛУЖБЕН ВЕСНИК ќе спроведе ТЕСТИРАЊЕ – Молекуларна RT – PCR Детекција на SARS-CoV-2 (Covid-19) во лабораторијата БИОТЕК во Скопје.

ФФМ го подмирува тестирањето за 25 лица по екипа (18 фудбалери и членови на стручен штаб) и официјални лица на натпревар се додека е на сила мерката за задолжително тестирање пред секој натпревар со Молекуларна RT – PCR Детекција на SARS-CoV-2 (Covid-19).

Прочитај повеќе...

Facebook

Последни објави

МакедонијаПред 2 часа

ДПИ затвори угостителски објект во Гостивар, додека сопственикот бил приведен – затекнати биле гости без сертификат за вакцинација

Вчерa на (18.09.2021) во 21:35 часот, полициски службеници на СВР Тетово – Одделение за внатрешни работи Гостивар го лишиле од...

КичевоПред 4 часа

ЕВН Кичево: село Пополжани, Бржани, Свињиште, Козица, Белица, Добреноец, Подвис – Утре без електрична енергија

Поради зафати на електродистрибутивната мрежа утре 20.09.2021 година – понеделник, ЕВН Кичево ќе работи на терен, така што прекини во снабдување...

Временска прогнозаПред 4 часа

Времето ќе биде променливо облачно и денес, во вторник се очекува по студено време

Во останатиот дел од викендот повторно ќе има услови за локален пороен дожд и грмежи. До понеделник ќе продолжи да...

На денешен денПред 14 часа

На денешен ден (19 септември)

1356.- Англиската војска, предводена од Црниот принц, син на кралот Едвард, ја победи армијата на францускиот крал Jeanан II во...

ХороскопПред 17 часа

Дневен Хороскоп (19 септември) недела

ОВЕН Доколку имате деца, денес ќе сакате да ги разгалете. Сепак на крајот на краиштата работите за денови како што...

МакедонијаПред 19 часа

Денес рекорден број на починати од Ковид, од Кичево три лица

Во последните 24 часа се направени 5.589 тестирање, а регистрирани се 539 нови случаи на КОВИД-19: • Скопје – 274...

КичевоПред 24 часа

Вчера во ОВР Кичево пријавени два случаи на напади од кучиња скитници

На 17.09.2021 година во ОВР Кичево, Б.З.(46) од кичевското село Стрелци, пријавил дека на булеварот „Ослободување“ во Кичево бил каснат...

СкопјеПред 1 ден

Изменет сообраќаен режим во Скопје денес од 18 до 23 часот, ова се деталите..

Министерството за внатрешни работи ги известува граѓаните дека на подрачјето на Скопје на 19.09.2021 (недела), во временскиот период од 18.00...

Временска прогнозаПред 1 ден

Најнова метео-анализа за викендов

Овој викенд нашата територија ќе биде зафатена од влажна и нестабилна воздушна маса од северозапад. Времето ќе биде променливо облачно...

На денешен денПред 2 дена

На денешен ден (18 септември)

1502 – Шпански навигатор со италијанско потекло, Кристофоро Коломбо, пристигна во Костарика на своето четврто и последно патување во Новиот...

НАЈЧИТАНИ