Фудбалерите на Милан со победа ја започнаа одбраната на титулата во Серија А, кои денеска славеа против Удинезе со 4:2.

Бразилецот Родриго Бекао уште во втората минута го доведе Удинезе во водство, но Милан многу брзо го смени резултатот. Најпрвин Тео Ернандез беше сигурен од белата точка во 11. минута, а четири минути подоцна Анте Ребиќ донесе пресврт за домашните.

Во третата минута од судиското надополнување Адам Масина израмни на 2:2 и со тој резултат се замина на пауза, а во вториот дел Браим Диас во 46. минута и Ребиќ со вториот гол во 68. минута му донесоа победа на Милан.

Во следното коло фудбалерите на Удинезе ќе ја пречекаат Салернитана, додека Милан ќе и гостува на Аталанта која денеска со 2:0 славеше против Сампдорија.

Аталанта поведе со голот на Рафаел Толои во 26. минута, а победата на тимот од Бергамо ја потврди Адемола Лукман во 94. минута.

Фудбалерите на Сампдорија ги чека тешка задача во второто коло од италијанскиот шампионат бидејќи ќе го пречекаат Јувентус.

/danas.rs

Комисијата за натпревари при Фудбалската федерација на Македонија, денеска во хотел „Хилтон”, во Скопје го одржа редовниот семинар со делегатите на натпреварите од Првата МФЛ и Втората МФЛ.

На денешниот редовен  работен состанок со делегатите, главни тема беа безбедноста, заштита на интегритетот на натпреварувањето, како и промената на одредени точки во Пропозициите на натпреварите во Прва и Втора МФЛ.

Исто така на состанокот беше одржано предавање од страна на одделот за безбедност и интегритет на ФФМ на тема „Борба против местење на фудбалски натпревари”. Делегатите беа запознаени со начинот на кој треба да го штитат интегритетот на фудбалската игра на територијата на државата.

Судиска комисија ги разгледа спорните моменти од 1 коло на ПРВА МФЛ, и ги донесе следните заклучоци:

На натпреварот  Фк.Струга Трим Лум – Фк.Победа одигран на 06.08.2022 година, анализирани се ситуациите од 3, 15 и 52 минута.

“Главен судија”: Стојан Трпчевски. Помошни судии: Драган Трпчевски и Душко Панов.

3 минута: ДОБРА ПРОЦЕНКА НА ГЛАВНИОТ СУДИЈА (НЕ досуден удар од 11 метри)

Во шеснаесетникот на Победа, играч од нападот на Струга беше во посед на топка странично од голот на Победа и со грб свртен према голот. На него стартуваше играч од одбраната на Победа туркајки го играчот од нападот на Струга, оваа ситуација е во граница на судиското убедување, интензитетот не беше многу јак и и напаѓечот беше со грб свртен спрема голот, близу близу гол-аут линијата.  Се поддржува  одлуката на главниот судија играта да продолжи, контактот и ситуацијата беше недоволен  за удар од 11 метри.

15. минута: ДОБРА ПРОЦЕНКА НА ГЛАВНИОТ СУДИЈА (  НЕ досуден удар од 11 метри)

Центрирана топка  во шеснаесетникот (петерецот) на Победа , топката го удри одбранбениот играч на Победа во телото(колкот) а рацете му беа во природна положба. Исправна одлука на судијата играта да продолжи, немаше елементи за да  се досуди удар од 11 метри.

52. минута: ДОБРА ПРОЦЕНКА НА ГЛАВНИОТ СУДИЈА (  НЕ досуден удар од 11 метри)

Играч од нападот на Победа беше во посед на топка и во напад пред самата линија на 16 сетникот на Струга, до него беше и играч од одбраната на Струга и со туркање рамо со рамо(ремплање) му ја одзема топката без прекршок.Исправна одлука на судијата  играта да продолжи, дуелот беше коректен без елементи за  досудувањепрекршок.

На натпреварот  Фк.Силекс – Фк. Работнички одигран на 07.08.2022 година, анализирана е ситуацијата од  90+2 минута

“Главенсудија: Јован Качевски. Помошни судии: Мартин Дејаноски и Давор Цветановски.

90+2 минута: ДОБРА ПРОЦЕНКА НА ГЛАВНИОТ СУДИЈА СУДИЈА ( Досуден удар од 11 метри)

Играч од нападот на Силекс ја имаше топката во свој посед во 16 – сетникот на Работнички,  и пред да шутира кон голот, на него стартуваше со интензитет од позади грб (туркање) играч од одбраната на Работнички. Исправна одлука на главниот судија, досудено удар од 11 метри за туркање, и дисциплинска мерка жолт картон.

На натпреварот  Фк.Академија Пандев – Фк. Брегалница одигран на 07.08.2022 година, анализирана е ситуацијата од  16 минута

“Главен судија: Александар Ставрев. Помошни судии: Дејан Костадинов и Гоце Петрески.

16 минута: ДОБРА ПРОЦЕНКА НА ПРВИОТ ПОМОШЕН СУДИЈА (  НЕ досудено офсајд позиција)

Центрирана топка од слободен удар за екипата на Академија во 16 сетникот на Брегалница, во момент на центаршутот играч од нападот на Академија и играч од одбраната на Брегалница беа во линија, топката дојде до играчот од нападот и постигна гол.

Многу тешка ситуација и исправна одлука на асистентот судија што не досуди офсајд позиција и дозволи играта да продолжи.Голот е регуларен.

На останатите мечеви од 1 МФЛ следи анализа по одигравањето на натпреварите.немаше предизвикувачки  ситуации за судиска анализа.