До нашиот портал стигна информација од случајни минувачи дека се случила тешка сообраќајна несреќа во близина на с.Колари кичевско.

Неофицијално се работи за верижен судир на четири возила, а учесниците со итна медицинска помош се префрлени во кичевската болница, од каде немаме информација за нивното здравје.

На интервенција и асистенција пристигнала и екипа на ТППЕ Кичево, а сообраќајот привремено се пренасочува.

Апелираме за внимателно возење согласно прописите во патниот сообраќај.

Во последните 24 часа се направени 1086 тестирања, а регистрирани се 150 нови случаи на ковид-19.

– Скопје 93
– Куманово 7
– Штип 3
– Прилеп 4
– Тетово 12
– Струга 3
– Битола 1
– Охрид 9
– Гостивар 3
– Кочани 1
– Кичево 8
– Ресен 5
– Неготино 1

Починати се 9 лица, шест пациенти од Тетово и тројца пациенти од Скопје.

Денеска Институтот за јавно здравје регистрира 30 оздравени пациенти.

– Скопје 21
– Штип 3
– Прилеп 2
– Тетово 3
– Битола 1

Досега во земјата се направени вкупно 57.895 тестирања на ковид -19. Денеска нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 5906, бројката на оздравени пациенти е 2236, на починати е 277, а во моментов бројот на активни случаи во земјата изнесува 3393.

Според статистичките податоци на МВР, на подрачјето на СВР Охрид, полициските службеници констатирале 79 прекршоци за неносење лична заштита на лицето (Охрид-42, Струга-14, Кичево-20, Дебар-03). Издадени се прекршочни платни налози за сторен прекршок по член 6 став 1 од Уредбата со законска сила за носење лична заштита на лицето заради спречување на ширење на заразната болест Ковид 19.

Воедно, полициските службеници самостојно, но и во координација со Државниот пазарен инспекторат, извршиле 21 контроли врз угостителски и други објекти.

Исто така поради постоење основи на сомнение за сторено казнено дело „непостапување според здравствените прописи за време на епидемија“, ОВР Кичево поднесе кривична пријава против Н.З.(23) од кичевското село Стрелци.  При контрола извршена на 08.06.2020 во 14:20 часот, полициските службеници констатирале дека пријавениот, кој допатувал од Република Словенија, не се наоѓа во неговиот дом во селото каде,  согласно донесеното Решение од Државниот здравствен инспекторат, требало да биде на задолжителна домашна изолација во траење од 14 дена.

Со тоа, пријавениот не ги почитувал препораките по издаденото решение согласно одлуката на владата, наменета за лица кои доаѓаат од странство.

Извор: СВР Охрид / ОВР Кичево
Портпарол: Стефан Димоски