Предмалку до нашиот портал пристигнаа фотографии и видео запис од кичевското село Иванчишта кое буквално е отсечено од град Кичево. Видно загрижени за состојбата со непроодниот терен не известија дека стапиле во контакт со сите институции задолжени за чистење на снег како и официјалните иституции, ЦУК и останатите, но за сега остануваат заглавени во селото.

Најавената снежна бура овој крај го затрупа со речиси 70 цм снег, а фактот дека во селото има болни и изнемоштени лица на кои им треба и лекови, како и викенд туристи кои решиле да го посетат својот роден крај создава дополнителни проблеми кои час поскоро треба да бидат решени.

Во име на мештаните, преку нашето гласило како сервис на граѓаните апелираме што е можно побрзо да се пробие снежната покривка и да се прати механизација према с. Иванчишта додека не биде предоцна, или велат дека ќе мора сами да се организираат и да најдат решение..

Лице за контакт: 077 911 878 – Љупче