Следете не

Lifestyle

Денешен Хороскоп за Св.Валентин (14.02.2019)

Објавено пред

на

Овен

Оваа година важни се малите нешта затоа што вашата вообичаено страсна владејачка планета Марс е заглавена. Ова може да ве направи носталгични, но подобро ќе ви биде ако се посветите на деталите од сегашноста. Правењето нешто корисно е одличен начин да го прославите овој празник, со Марс во практичната Девица. Наместо да се занесете во јадење и танцување, зошто овој ден да не го посветите на тоа да им послужите на другите? Ова веројатно не звучи романтично, но ја покажува вашата љубезност и сочувство. Помагањето некому како волонтер, пријател или член на семејството ќе ви донесе ниво на задоволство, кое ќе направи да се чувствувате дека навистина ја заслужувате љубовта, овозможувајќи ви послободно да ја дарувате и воспримите.

Бик

Слатката страна на Св. Валентин ѝ прилега на вашата сензуална природа. Слаткиот мирис на цвеќе и вкусот на чоколада ја истакнува нежната страна на вашиот карактер. Сепак, може да има нешто што недостасува оваа година затоа што ви е тешко да се смирите и да уживате во овој специјален ден. Романсата која ја претставува овој ден е завиена во напнатата врска помеѓу љубовната Венера и провокативниот Плутон. Задевање, недоверба, љубомора или сомневање во себе може да ви го помрачат расположението. Ако имате партнер, побарајте тивко, оддалечено место каде ќе може да разговарате за интимни нешта. Ако сте сингл, подобро е да сте сами или со некој кому му верувате, отколку да барате романса под ризични околности.

Близнаци

Св. Валентин за вас може да започне отрезнувачки затоа што Месечината во Скорпија која е одговорна за расположението, се наоѓа во вашата 6-та куќа на прилагодување сè до вечерта, но токму тогаш забавата започнува. Месечевата промена кон дружељубивиот Стрелец  ја осветлува вашата 7-ма куќа на партнери, канејќи ве гласно и силно да се забавувате со некоја авантуристичка индивидуа. Сепак, може да сте со личност која се чувствува малку несигурна, што не му одговара на вашиот дух. Сфаќањето дека другиот можеби не се чувствува толку весело и разиграно како вас е важно доколку сакате да ја стекнете неговата или нејзината доверба. Не сметајте ги за безначајни повредените чувства, иако мислите дека проблемот и не е толку важен.

Рак

Разбудената сентименталност на овој Св. Валентин е помешана со некои компликации. Патувањето започнува со Месечината во страсната скорпија и вашата 5-та куќа на романсата, што звучи како совршена формула за добивање на посакуваната интимност. Сепак, вечерта се случува промена, со влегување на Месечината во грубиот стрелец, која може да биде помалку нежна од потребното. Нечувствителните забелешки може да предизвикаат непријатни чувства. Ако е така, искажете се цврсто, но нежно, наместо да се смешкате додека од внатре вриете. Довербата бара вистина, дури и кога кажаното не се вклопува во идеалниот модел на Св. Валентин со срценца и цветчиња. Соочувањето со реалноста е клучно за љубовта да трае.

Лав

Денот може да ви донесе извесни предизвици, односно да дојде до комплицирање на вашите планови, а емоциите може да ви бидат многу повредени. Љубомората или презирот може да му го одземе сјајот на празникот и славењето на љубовта. За среќа лунарната транзиција во ентузијастичкиот стрелец и вашата 5-та куќа на романсата, во текот на вечерта може да го сврти ветерот во поповолна насока. Игривата и дарежлива природа на вашиот карактер ќе заблеска и ќе ви овозможи да си поминете незаборавно. Сепак, извесна чувствителна личност може да реагира со љубомора, недоверба или едноставно да не биде расположена. Наоѓањето рамнотежа помеѓу радоста која вие ја барате и ранливоста на оваа личност, најлесно може да биде постигнато со љубезност и умерена смисла за хумор.

Девица

На овој празник, обидете се да ги поедноставите работите затоа што страсниот Марс сè уште се движи ретроградно во вашиот знак. Враќањето на место или на активност каде во минатото сте искусиле задоволство, е еден добар начин да ја искористите оваа инаку комплицирана транзиција. Само одржете ги работите едноставни за да го ограничите стресот и да си поминете убаво. Поврзувањето со некој што не сте го виделе некое време е уште еден начин да го прославите овој празник. Можно е да сретнете гласни или некултурни поединци во текот на вечерта. Дадете сè од себе да бидете во духот на забавата и немојте да им дозволите на груби личности да ви го уништат расположението.  Исто така, може да испланирате тивка вечер надвор или да останете дома и да најдете помирни начини на уживање.

Вага

Вашиот вкус за романтика тежнее кон слатката страна, што всушност треба да е поентата на Св. Валентин. Сепак, на овој ден постојат моќни чувства во вашите врски со другите луѓе, кои ја симнуваат фасадата на љубезност за да стигнат до подлабоките лични проблеми. Вашата примамлива владејачка планета Венера, е на пат кон заплеткување со мрачниот Плутон, побудувајќи проблеми со самоконтролата, љубомората и изнесувањето на скриените работи на површина. Страста е дел од пакетот, а ако имате волја да се соочите со непријатните чувства, може да го претворите проблемот во можност да се зближите со некого. Клучот е да бидете искрени кон себе и потоа да ги изразите вашите желби, без да застранувате во презир или во фокусирање на минатото.

Скорпија

Страста пулсира додека барате задоволство на подлабоко ниво од она што ќе го најдете на која било картичка за Св. Валентин. Денот започнува со Месечината во вашиот интензивен знак, подигајќи ги влоговите во играта на љубовта.  Вие не сте за флертување или за играње со луѓе кои не се подготвени да се посветат целосно на романсата. Планетата на љубовта, Венера сега се судира со вашата моќна владејачка планета Плутон, интензивирајќи ги врските со поголема желба, но исто така заканувајќи им се со тајност, љубомора и проблеми со контролата. Оваа атмосфера не е идеална за весели активности, но може да ве поттикне да ги поместите границите со вашиот партнер. Само, направете го тоа нежно за да не отидете предалеку и на крајот да создадете криза.

Стрелец

Одржувањето позитивен став е една од вашите јаки страни и вештина која ќе ви биде потребна овој Св. Валентин. Оптимизмот ќе ви биде неопходен, затоа што имате „сиви чувства“ на денот кога треба да се прославува љубовта. Започнува со Месечината во мистериозната скорпија и вашата таинствена 12-та куќа, што може да не ве доведе во најигривото расположение. Можеби ќе бидете посреќни ако не сте толку активни вечерта или ако поминете време со личност која не очекува многу. Лунарна промена во вашиот знак вообичаено би ја разубавило вечерта, што и во овој случај е возможно. Како и да е, љубовната Венера се судрува со манипулативниот Плутон, а вие не сте некој што сака да биде контролиран. Ако сте незадоволни со вашиот партнер, бидете искрени, но внимателни со вашите зборови.

Јарец

Една од вашите силни страни е тоа што знаете што сакате, но знаењето што и кого не сакате е еднакво важно за овој ден. Секако, празникот треба да претставува славење на љубовта, исполнет со цвеќиња, чоколади и романтика. Но ова не е баш таков ден. Овој Св. Валентин посоодветно е да се зборува за сериозни емоционални проблеми со пријател, отколку да се однесувате како заљубен тинејџер. Добрата вест е што можеби сте подготвени да дискутирате за некои сериозни работи. Ова не е забавно, но може да биде исклучително продуктивно за да се расчистат нерешени прашања кои ве фрустрираат во сегашната врска или во потрагата по нова. Ако и покрај ова, сега одлучите да си „играте“, добро е да знаете дека работите може да станат сериозни, затоа избегнувајте да бидете премногу компетитивни.

Водолија

Идејата за љубовта е прекрасно нешто и нешто во кое можете целосно да верувате. Сепак, овој концепт можеби нема да се отслика во реалноста на годинешниот комплициран празник. Првичниот проблем е тоа што Венера, планетата на љубовта се вплеткува со Плутон, темниот господар на подземјето. Ова може да предизвика некои провокации кои го разбиваат духот на денот. Но наместо да се трудите да пловите над непријатните чувства, соодветно време е да нурнете длабоко во себе и да размислувате за вашите желби. Доколку тие не се исполнети од вашиот сегашен партнер или сте сингл, интимен разговор со некој на кого можете да му верувате, може да ви помогне да тргнете кон остварување на вашите потреби.

Риби

Дури и романтична личност како вас може да забележи дека овој Св. Валентин повеќе е за копањето длабоко во нашата емотивност, отколку за кратки врски во лесен стил. Многу е важно да бидете ценети, со оглед на тоа што Венера е во вашата 2-ра куќа на самопочитта и се судира со проникливиот Плутон.  Вие веројатно не можете да си ги објасните непријатните проблеми, како на пример чувството да се биде непочитуван или игнориран. Не е убаво кога незадоволството ќе излезе на површина, но тоа е многу поздраво отколку да се потиснуваат чувствата. Решението е во признавањето дека заслужувате љубов и внимание без да се борите за тоа и да сфатите дека не сте жртва. Добивањето на тоа што го сакате, започнува со елиминирање на кое било однесување и верувања кои ви стојат на патот, за да се осигурате дека ве третираат фер.

Lifestyle

Хемикалии во пластиката многу повеќе отколку што се проценуваше претходно

Објавено пред

на

Пластиката, од пакување храна до играчки до медицински помагала, содржи многу повеќе хемикалии отколку што претходно проценуваа еколошките агенции, се вели во извештајот објавен во четвртокот кој покренува прашања за загадувањето и безбедноста на потрошувачите.

Програмата за животна средина на Обединетите нации (UNEP) претходно идентификуваше околу 13.000 хемикалии во пластиката, но тим од европски научници откри повеќе од 16.000 хемикалии во пластиката, од кои една четвртина се потенцијално опасни по здравјето на луѓето и животната средина.

Извештајот, финансиран од Истражувачкиот совет на Норвешка, доаѓа додека преговарачите се борат да го постигнат првиот глобален договор за борба против растечкото загадување со пластика, со околу 400 милиони тони пластичен отпад произведен секоја година.

„Со цел енергично да се справите со загадувањето со пластика, навистина треба да го погледнете целиот животен циклус на пластиката и да го решите проблемот со хемикалиите“, рече коавторот на извештајот Џејн Мунке, директор на швајцарскиот непрофитен форум за пакување храна.

Тоа е затоа што хемикалиите од пластиката може да се исцедат во водата и храната.

„Сега наоѓаме стотици, ако не и илјадници, хемикалии од пластика кај луѓето, а некои од нив се поврзани со негативни здравствени исходи“, рече Мунке.

Ова вклучува проблеми со плодноста и кардиоваскуларни болести.

„Кога ги гледаме производите што ги користиме секој ден, обично наоѓаме стотици, ако не и илјадници хемикалии во еден пластичен производ“, рече водечкиот автор Мартин Вагнер, еколошки токсиколог од Норвешкиот универзитет за наука и технологија. .

Кимберли Вајз Вајт, потпретседател за регулаторни и технички прашања на Американскиот хемиски совет, индустриска група чие членство е доминирана од производители на пластика, рече дека извештајот се обидува да „прикаже опасна рамка што ја игнорира изложеноста во реалниот свет и дава нецелосна слика за регулаторите и јавноста“.

Пластичната индустрија вели дека глобалниот договор треба да промовира рециклирање и повторна употреба на пластика, но авторите на извештајот предупредуваат дека само справувањето со пластичниот отпад не оди доволно далеку за да ги заштити луѓето.

Научниците ја истакнаа потребата за поголема транспарентност за тоа кои хемикалии, вклучувајќи адитиви, помагала за обработка и нечистотии, влегуваат во пластиката, вклучително и рециклирани производи.

Една четвртина од идентификуваните хемикалии немаат основни информации за нивниот хемиски идентитет, се вели во извештајот.

„Во срцето на проблемот е хемиската сложеност на пластиката“, рече Вагнер, кој исто така е член на одборот на Коалицијата на научници за договор за ефективна пластика.

„Производителите често навистина не знаат какви хемикалии имаат во нивните производи.

Само 6 отсто од хемикалиите кои се наоѓаат во пластиката се меѓународно регулирани. Без регулаторен притисок, „нема мотивација да се открие што има во пластиката“, рече тој.

Ова е нешто што Договорот за пластика може да помогне да се реши. Преговорите продолжуваат следниот месец во Отава, Канада, со цел финализирање на договорот во декември во јужнокорејскиот град Бусан.

/N1Info

Прочитај повеќе...

Lifestyle

Како да го разликувате вистинскиот од лажниот мед

Објавено пред

на

Еве како да станете експерт за купување мед и никогаш да не дојдете во ситуација некој да ви продава лажен мед наместо вистински мед.

Вистинскиот мед не се произведува во фабрики туку од пчели. Лажниот мед содржи адитиви, вклучувајќи сируп од пченка, гликоза, меласа, шеќерен сируп, декстроза, инвертен шеќер, брашно или скроб покрај цветниот нектар.

1. Етикета

Прво, проверете ја етикетата, логото и брендот, како и состојките. На етикетата не смее да пишува ништо освен мед.

2. Топла вода

Ако додадете лажичка мед во чаша топла вода, чистиот мед ќе потоне на дното на чашата или ќе се залепи за лажицата. Лажниот мед ќе се раствори во вода.

3. Тест со прст

Ставете капка мед на палецот. Вистинскиот мед ќе остане недопрен на прстот и лажниот мед ќе се шири или истури.

4. Тест за пена

Додадете 2-3 капки оцет во медот и добро измешајте. Ќе знаете дека е лажен ако се пени за 2-3 минути.

5. Тест на ткиво

Ставете капка мед на парче марамче, ако ткивото го впие ќе знаете дека е лажно.

6. Тест на топлина

Ако медот е чист, ќе се карамелизира кога ќе се загрее.

7. Леб

Ако намачкате мед на леб, тој ќе се стврдне за неколку минути. Парче леб ќе остане меко ако медот е лажен.

8. Кристализација

Вистинскиот мед се кристализира за време на складирањето, додека лажниот мед нема да стане густ со текот на времето.

/Alo

Прочитај повеќе...

Lifestyle

Дали знаете зошто сите кутии за пица се квадратни, а не тркалезни?

Објавено пред

на

Кога пицата ќе стигне на врата, ја земаме во кутии со препознатлив облик. Иако е различен облик, логично е зошто кутијата не го следи обликот на оваа омилена храна

Одговорот е всушност многу едноставен. Имено, станува збор за економичност и практичност и секако заштеда на материјали. Квадратни кутии се полесни и поевтини за производство бидејќи се направени од еден лист картон. Лесно се прават на лице место и лесно може да се наредат и сложат во агли или во простор за замрзнување. Сепак, некое време компаниите се обидуваа да го прилагодат дизајнот на самата пица.

Со текот на годините, компаниите се обидоа да ја променат индустријата за испорака на пици со прототипови на кружни кутии за пица. Во 2004 година, иноваторот по име Џон Харви смислил тркалезна кутија за пица наречена Пресеал, за која верувал дека ја одржува свежината подобро од обичните кутии и не дозволува сè да се лизга наоколу. Сепак, пронајдокот се покажа како проблематичен токму поради начинот на производство.

Кутиите за пица обично се квадратни поради погодност во производството, складирањето и транспортот, како и поради нивната стабилност.

Иако пицата е тркалезна, кутијата со коцки сепак обезбедува поедноставен и побезбеден начин за пакување и испорака, осигурувајќи дека пицата не се поместува или не се оштетува за време на транспортот.

Дополнително, коцкестата кутијата овозможува полесно складирање во ресторани или продавници, бидејќи може да се наредени една врз друга без да се изгуби простор. Исто така, ваквите кутии можат полесно да се произведуваат масовно, што може да ги намали трошоците и да ја олесни логистиката.

Во 2010 година, Apple поднесе патент за тенка, тркалезна тава за пица со осум отвори за да се дозволи влагата да избега. Иако допрва треба да биде јавно достапен, вработените во Apple го користат во рамките на компанијата.

Така, иако кружните кутии можеби подобро одговараат на обликот на пица, квадратните кутии преовладуваат поради практичноста и економичноста, пишува Real Simple.

Прочитај повеќе...

Facebook

Последни објави

Хороскоп11 часа

Хороскоп за вторник (19 март)

ОВЕН Овен, имате за што да бидете благодарни. Зошто не го прославите тоа вечерва со пријателите? Заборавете на проблемите со...

Кичево12 часа

(ГАЛЕРИЈА) По повод светскиот ден на „Рециклирањето“ вечерва најмилите од ЈОУДГ „Олга Мицеска“ – Кичево со голема радост реализираа „Модна ревија“

Предмалку во НУЦК „Кочо Рацин“ – Кичево заврши гламурозната модна ревија со рециклирани материјали насловена како „Eco Fashion Show“, благодарение...

Магазин23 часа

Новото истражување покажа невообичаени последици од борбата против пиратеријата

Заканувачките пораки против дигиталната пиратерија може да имаат необични резултати, нагласувајќи ја потребата од приспособени пристапи, покажа новото истражување. Една...

Магазин23 часа

Најавена е соработка на два гиганти: вештачката интелигенција на Google наскоро ќе се најде и на iPhone

Акциите на Alphabet пораснаа за 2,7% во почетокот на тргувањето во понеделникот, по веста дека технолошкиот гигант Apple преговара за...

Магазин23 часа

Италија инвестира 1 милијарда евра во вештачка интелигенција

Италија планира да формира инвестициски фонд со почетна инвестиција од 1 милијарда евра. Италија сака да промовира проекти за вештачка...

Магазин23 часа

Google Wallet наскоро ќе поддржува Apple Pass

Поддршката за пропусници со формат „pkpass“ на Apple за паричниците на Google Wallet наскоро би можела да стане поедноставна, што...

Магазин23 часа

Претплатите на Google Play Pass пораснаа за 120% во текот на изминатата година

Google Play Points има над 220 милиони членови на 35 пазари пред лансирањето во Бразил што се очекува оваа година....

Спорт23 часа

(ВИДЕО) Кичевчанецот Драган Силјаноски официјално го презеде кормилото на македонската фудбалска репрезентација до 21 година

Кичевчанецот Драган Силјаноски, поранешниот македонски репрезентативец и официјално е назначен за директор на репрезентацијата на Македонија до 21 година. Во...

Хороскоп1 ден

Хороскоп за понеделник (18 март)

ОВЕН Повеќето денови ќе бидете многу емотивни и склони кон промени во расположението. Исклучително е важно да се држите до...

Автомобили2 дена

Кинеска автомобилска компанија бележи продажен пораст на возила во февруари

Агенцијата Автостат објави дека февруари во Русија завршил со повеќе од 104.000 регистрации на нови автомобили. Тоа е дури 30...

НАЈЧИТАНИ