Следете не

Без категорија

Дознајте повеќе за „Vozi.com“ новата специјализирана платформа за огласување на автомобили, делови и услуги поврзани со возила

Avatar

Објавено пред

на

Во Август 2020 беше пуштена во употреба специјализираната платформа за огласување на возила
vozi.com, стартап бизнис кој никна од град Битола. Денес специјално за нашиот портал имавме чест да разговараме со ко-основачот и генерален менаџер,
Александар Станковиќ и да слушнеме нешто повеќе за оваа специјализирана платформа.

Што е vozi.com ?

Vozi.com е стартап бизнис кој се специјализира за огласување и продажба на нови и користени возила, како и продажба на делови и понуда на услуги поврзани со возила, фокусиран на балканскиот регион.
Во Август 2020 ја лансиравме нашата онлајн платформа на која бесплатно може да се огласуваат и
пребаруваат возила за продажба, која стана една од најбрзорастечките платформи за огласување во
Македонија. Тоа е само првиот чекор од многуте планирани за проширување на бизнисот.

Што ве поттикна да го отворите vozi.com ?

Како ентузијасти и љубители на возила, тимот на vozi.com активно ја следи автомобилската сцена на
балканот повеќе од 15 години преку учества на автомобилски изложби, надградување и сервисирање како и
купување и продажба на возила и делови.

Во тој период стекнавме голема мрежа на пријатели преку кои ја препознавме потребата за
специјализирана платформа која нуди квалитет при огласување за продажба и купување на возила и
делови, но пред се квалитетни стандарди кои во моментот ги нема на балканот, особено на Македонскиот
пазар.

Што ја прави вашата платформа за огласување различна од другите ?

Нашата платформа е професионално изработена, како технички така и визуелно.
Изградена е спрема дефинирани стандарди за огласување, наменета e исклучиво за индустријата за возила
и нуди бесплатно огласување. Самото тоа ја прави доста уникатна.

При поставување на оглас, огласувачите ги одбираат течничките информации за возилото од база на
информации која е професионално конструирана, наместо да ги напишат истите рачно, а со тоа
доставуваме стандардизиран и точен приказ на технички информации.

Секогаш се грижиме огласите да се објавени со квалитетни слики, и најважно од се, сите огласи поставени на платформата содржат цена, нешто кое е беше препознато кај купувачите како најголем проблем на Македонскиот пазар. Исто така на платформата нудиме многу корисни алатки, како што се пресметка за трошоци на регистрација за возило, приказ на просечна вредност на определено возило, превземање на купопродажен договор, повеќејазична поддршка итн.

Меѓутоа она што би сакал да го нагласам, и кое верувам дека не прави различни од другите е посветеноста и грижата за нашите корисници.
Нашата цел е да споиме продавачите и купувачите на брз и едноставен начин. Тимот на Vozi.com активно
комуницира со корисниците и работи на подобрување на платформата и стандардите спрема нивните
барања и потреби.

На сите продавачи им помагаме во процесот на поставување на нивните огласи на платформата, а на
купувачите им обезбедуваме брз пристап до истите.
Кога еден оглас ќе се објави на другите платформи истиот останува таму, односно прикажан на одредена
група на корисници, но тоа не е случајот кај нас.

Ние се грижиме огласот да е веднаш одобрен и пуштен низ многуте канали за огласување, на самата
платформа, на социјални мрежи, email известување и дирекна комуникација со потенцијални купувачи кои
ги имаме во нашата база на корисници.

Што е следно за vozi.com ?

Иако сме уште нови на пазарот, имаме големи планови за во иднина. Како што спомнав нашата платформа
за огласување е само првиот чекор.

Без да откријам многу за нашите планови, би рекол дека една од нашите цели е до средината на 2021 да
опфатиме поголем дел од Македонскит пазар и воедно да се прошириме на пазарите на едни од соседните
држави, а потоа ќе отпочнеме со дополнителни сервиси и услуги кои се планирани настрана од самата
платформа за огласување.

Без категорија

Хороскоп за денес (13 април) вторник

Avatar

Објавено пред

на

ОВЕН
Не дозволувајте моментите да поминат така, обидете се да ги искористите давајќи се од себе за да создадете значајна врска со луѓето што ги сакате. Колку повеќе внимание им давате на другите луѓе, толку подобро ќе се чувствувате и на крајот ќе имате подобра врска. Не е време да чувате тајни, да ги споделувате своите скриени мисли со драги луѓе.

БИК
Емоциите ќе преовладуваат денес, затоа повеќе испланирајте мирни моменти со саканата личност. Страста ќе преовладува во љубовта, но ако сте слободни, доволно е да поминете време со некој што го сакате. Поедноставете ги работите за да избегнете какви било трауматски настани. Постар член на семејството ќе биде среќен да ви каже нешто.

БЛИЗНАЦИ
Е-пошта или телефонски повик е она што ќе ви го разубави денот и дефинитивно ќе влијае на иднината. Слободно уживајте во нови освојувања и испробајте нешто за што претходно немавте храброст или доволно слобода. Денот е поволен и за учество на саеми и за оние деловни состаноци на кои ќе сретнете луѓе со слични интереси.

РАК
Додека промената на плановите на почетокот ќе ве вознемири, тоа всушност ќе ве одведе до интересна авантура што не сакате да ја пропуштите. Излезете во друштво, движете се меѓу оние луѓе кои ви се убави, но за кои никогаш не сте имале доволно време. Комуникацијата ќе открие многу интересни факти кои ќе ви помогнат да донесете одлука.

ЛАВ
Не ограничувајте се само затоа што некој не го одобрува тоа што го правите или планирате. Имајте на ум дека некои луѓе имаат разбирање само за веќе испробаното и безбедно. Бидете внимателни кога разговарате со деца и членови на семејството, бидејќи тие можат да предизвикаат чудни емоции кај вас што ќе ги сменат вашите деловни планови.

ДЕВИЦА
Колку и да сакате да го избегнувате, денес ќе одите по тенок мраз. Некој ќе ви даде впечаток дека сè е во ред, иако всушност сето тоа ќе зависи од тоа што само што сакате да кажете или да направите. Не претерувајте во ништо, особено не во нудење услуги. Ако потрошите премногу пари на работи што не ви се потребни или на пороци, ќе се чувствувате навистина лошо.

ВАГА
Направете нешто убаво за пријателите, семејството или соседите бидејќи за возврат ќе добиете нешто што нема цена. Оние од вас кои имаат помали деца, треба да одвојат попладне за нив и да смислат забавни активности за да ви помогнат подобро да се поврзете со нив. Ако ви пречи здравјето или физичкиот изглед, свртете се на предизвикувачки спортски активности.

ШКОРПИЈА
Обидете се да ги направите сите денешни активности од позната и пријатна атмосфера. Денот не е поволен за патувања затоа што ќе бидете премногу склони да се предадете на одвлекувањето на вниманието, како и да заборавите на главните цели. Можете да постигнете многу ако се организирате подобро со поставување рок за секој чекор. Оставете време и за тајни состаноци.

СТРЕЛЕЦ
Повеќе денови ќе бидете фокусирани на работата. Не трошете премногу време и енергија на оние работи што не можете да ги промените. Постојат работи за кои во моментот не сте целосно свесни и кои ќе се покажат со текот на времето. Ако ве вознемирува атмосферата на работа, не обвинувајте се себе си, туку повеќе некој од претпоставените.

ЈАРЕЦ
Направете нешто убаво за оние што ги сакате. Општо земено, луѓето денес ќе го ценат времето што ќе го одвоите за нив, особено ако им понудите помош или совет. Во љубовта, обидете се да ги соберете мислите за да донесете најдобра можна одлука. Ако видите дека сте се обиделе премногу пати и дека ситуацијата секогаш се врти во круг, време е да донесете одлука за откажување.

ВОДОЛИЈА
Некој нема да го сака начинот на кој зборувате или плановите што само планирате да ги реализирате. Сепак, не обрнувајте премногу внимание на она што другите ви го кажуваат затоа што големи се шансите наскоро да добиете шанса да заработите дополнителни пари. Не одбивајте ништо, но пред да продолжите понатаму, проверете дали сè е како што изгледа.

РИБИ
Без оглед на моменталниот договор, слободно вклучете се, но не заборавајте да преговарате. Денот е идеален за сите видови состаноци насочени кон пари. Сепак, внимавајте на деловните партнери и оние клиенти кои ја покажаа својата непостојаност во минатото. Во вашиот приватен живот, некој ќе ви ја отвори душата, не претерувајте со повратните информации.

Прочитај повеќе...

Без категорија

Кичево: Лице во алкохолизирана состојба искршил апарати, па му се слошило, завршил во болница

Avatar

Објавено пред

на

Вчера на 19.03.2021 во 15:00 часот во Полициската станица Кичево било пријавено едно лице откако оштетило дел од апаратите во казино на бул.„Ослободување“ во Кичево, му се слошило и паднало во бессознание.

– Лицето било пренесено во Комплексот клини „Мајка тереза“ во Скопје, а по преземени мерки било утврдено дека се работи за В.Џ.(48) од Република Албанија, кој претходно испил поголема количина алкохол и таблети, информира МВР.

Извршен бил увид на местото и се преземаат мерки за расчистување на случајот

Прочитај повеќе...

Без категорија

Наскоро преку камера ќе може да се измери пулсот и ритамот на дишење

Avatar

Објавено пред

на

Google додава две важни функции на апликацијата Fit на моделите Pixel – и наскоро ќе ги додаде и на другите телефони со Android.

Имено, со помош на оваа апликација, корисниците ќе можат да го измерат пулсот и да го следат ритамот на дишење во иднина. Овие функции, се разбира, треба да се користат само за следење на општата здравствена состојба и проверка на параметрите, и тие во никој случај не можат да го заменат лекарскиот преглед.

За да ја измерите брзината на дишење (број на вдишувања во минута), доволно е да ја насочите предната камера на телефонот кон главата и градите. За пулсот, треба да го ставите прстот над камерата каде што се наоѓаат сензорите, пренесува порталот The Verge.

Лекарите го бројат бројот на вдишувања кај пациентите забележувајќи колку пати градите се зголемуваат и спуштаат, а апликацијата Fit треба да работи на сличен начин. Ние користиме вештачка интелигенција за да измериме различни параметри и да им помогнеме на луѓето да го одржат најдоброто можно здравје – пишуваат од Google Health.

ФОТО: researchgate.net

Прочитај повеќе...

Facebook

Последни објави

На денешен денПред 2 часа

На денешен ден – 18 април

1480 година – Родена е Лукреција Боргија, покровител на уметници и научници за време на италијанската ренесанса, вонбрачна ќерка на...

ХороскопПред 5 часа

Хороскоп за денес (18 април) недела

ОВЕН Овој викенд за Овенот ќе биде исполнет со страст и романтика. Ќе се чувствувате особено емотивно, страствено и полно...

Здравје и убавинаПред 8 часа

Се што е претерано е штетно по нашето здравје, неколку работи кои мора да се знаат

Се што не е умерено, се е штетно врз човечкиот организам, еве неколку примери кои можат да ни користат низ...

МакедонијаПред 10 часа

Ковид-19 денешен биланс: 824 новозаболени, 31 починати – од нив најмладиот починат е на 38 години од Битола

Во изминатите 24 часа од направени 3988 тестови, 824 се позитивни на коронавирус, а битката со Ковид-19 ја изгубија 31...

СпортПред 10 часа

Ф1: Луис Хамилтон ја освои 99-тата пол позиција во својата кариера

Луис Хамилтон, возачот на Мерцедес, ја освои пол-позицијата пред трката за Големата награда на Емилија Ромања во Формула 1 шампионатот....

АвтомобилиПред 15 часа

ЕУ забележа нагло зголемување на продажбата на нови автомобили

Вкупната продажба на автомобили во Европската унија се зголеми за 87,3 проценти во март во однос на истиот период минатата...

Временска прогнозаПред 15 часа

Доаѓа циклонска активност која носи врнежи од дожд и грмежи – ова се најновите метео детали

Нашата држава се наоѓа под влијание на циклонска активност која условува доста нестабилно време. Понатаму кон крајот на денов и...

КичевоПред 15 часа

Причина за сечење на 30 годишните врби во центарот на Кичево

Известување во насока за дознавање на вистината и елиминирање на секакви сомнежи околу одстранувањето на 27 годишните врби од пред...

На денешен денПред 1 ден

На денешен ден – 17 април

1492 година – Кристофоро Коломбо доби согласност и пари од шпанскиот крал Фердинанд V и кралицата Изабел за истражување на...

ХороскопПред 1 ден

Дневен Хороскоп ( 17 април ) сабота

ОВЕН Генерално сте задоволни со деловната ситуација, денешниот ден ви е многу поволен. Ве очекува исклучително интересно познанство. Ќе се...

НАЈЧИТАНИ