Кичево

(МЕГАГАЛЕРИЈА) Изнесување на чудотворната икона и Пасхалната литија во Св.Богородица – Пречиста

Објавено пред

3 месеци

на

мај 4, 2019

Од

Навистина подобен за прослава на Преблагословената Богомајка се покажа Пречистанскиот храм, украсен со сплет од најнежни цветови и озарени лица на многубројните благовесници на Пасхалната радост, што утрово се собраа да земат удел во богослужбата и во торжествената литија со познатата чудотворна Крнинска икона на Пресвета Богородица и иконата на тројцата Пречистански преподобномаченици. А најрадосни меѓу нив беа лицата на Иван Постоловски, Зоран Попоски, Кристијан Тодороски, Стојанче Станкоски, Стево Станкоски, Саше Лазарески, Даниел Данески, Бобан Арсоски, што се удостоија да ги носат на своите раце тие два чудесни образи.

Прекрасната и идилична манастирска околина беше достоен амбиент за оваа радосна поворка, која со воскресни химни Го објавуваше Победителот на смртта и Небесната слава на Неговата најсвета Мајка. Огреана, пак, од благодатта на празникот, Пречистанската Обител блескаше уште посилно, сведочејќи дека навистина е дом на Онаа која денес изобилно ги излева своите води и ги оросува со свежина верните срца.