Следете не

Здравје и убавина

Кои намирници немаат рок на траење?

Објавено пред

на

Рокот на траење на храната може да биде доста збунувачки. Не само што има повеќе датуми за да се разберат (тоа се “рок на траење” и “најдобро да се употреби до …”), но понекогаш овие датуми можат да бидат сосема погрешни. Се случува, во незнаење да фрлиме многу работи, иако нема потреба од тоа. Еве една листа на намирници кои никогаш не се расипуваат.

Сол
Сол, било да е морска или камена, не може да се расипе и останува засекогаш свежа, како што била на денот кога сте ја купиле.

Шекер
Шекерот не е проблем да се чува свеж, туку да се спречи да не стане цврст како камен. Шекерот никогаш нема да се расипе бидејќи не дозволува развој на бактерии. Единственото нешто што морате внимателно да направите е да го чувате подалеку од влага и инсекти.

Мед
Медот има неограничен рок на траење. Може да ја смени бојата или да се кристализира, но и понатаму ќе биде добар за јадење. Ако медот се кристализира, едноставно ставете ја отворената тегла во топла вода и мешајте додека кристалите не се растопат.

Ориз
Дури и ако дебел слој прашина е фатен на кутијата, оризот ќе биде подеднакво добар како и првиот ден. Ова важи за сите видови на ориз: долги и кратки зрна, бели, басмати … Но, не и за кафеавиот ориз, кој повеќе е склон кон расипување поради поголемо количество на масло. Единствено што треба е да се грижите за чување на оризот е од инстектите.

Бел оцет
Можете да купите голема количина бел оцет, без страв за расипување. Имено, може да трае вечно. И да ве потсетиме дека, освен во салати и супи, исто така можете да го користите како одлично средство за чистење.

Екстракт од ванила
Чистиот екстракт од ванила засекогаш ќе остане свеж, бидејќи се чува во чист алкохол. Но, бидете внимателни дали навистина се работи за вистински екстракт од ванила, бидејќи вештачкиот нема долг рок на траење. Имајте го ова на ум.

Жестоки пијалоци
Не мора да брзате да ја испиете секоја капка алкохол што ја имате во домот. Добро затворено и на ладно место, чуваното шише може да трае онолку колку што е потребно. Ормар со жестоки пијалоци обично е нешто што се наследедува, но не мора да се грижите за квалитетот на пијалокот наследен од баба. Со текот на времето, пијалаците малку можат да го променат вкусот, но веројатно тоа нема да го почувствувате.

Осушен грав
И сув грав може да стои долго време. Единствено што е можно да му треба е подолго време да омекне пред да го готвите, а понекогаш и воопшто нема да омекне, особено ако стоел две или три години. Но, добро работа е што нема да ја изгуби својата хранлива вредност.

Сируп од јавор
Иако оваа намирница често не ја користите во вашиот дом, но доколку ја имате дома знаејте дека ни ова нема рок на траење. Сличен на медот, сирупот од јавор, најчесто се користи како прелив за палачинки или некои други слатки.

Пченкарен скроб
И оваа храна има неограничен животен век, но мора да ја чувате на ладно место и добро затворена. А како што залихата на пченкарен скроб не се троши толку брзо, слободно можете да ја користите подолго време.

Инстант кафе
Инстант кафето во фрижидер може да се чува засекогаш, без разлика дали пакувањето е отворено или не.

Здравје и убавина

Истражување покажало кое време е погодно за појадок

Објавено пред

на

Доста познато е дека појадокот е најважниот оброк во денот, но веста е дека експертите сметаат дека треба да се јаде во рани зори.

Имено, според новото истражување, појадувањето до 7 часот би можело да го продолжи животниот век.

Претходните истражувања покажаа дека јадењето доцна навечер го нарушува внатрешниот часовник на телото и го зголемува ризикот од развој на дијабетес тип 2 и срцеви заболувања. Сепак, само неколку студии се осврнаа на прашањето дали времето за појадок има слично влијание. Затоа научниците од Универзитетот во Њујорк сакале да откријат дали времето на првиот оброк во денот е поврзано со долговечноста.

За таа цел, тие неколку децении следеа повеќе од 34.000 Американци на возраст над 40 години.

Волонтерите го забележаа времето на оброци, а научниците ги споредија со стапката на смртност за време на студијата.

Резултатите, објавени во списанието Journal of Nutrition, покажаа дека оние кои појадувале помеѓу 6 и 7 часот наутро имале шест отсто помали шанси да умрат предвреме од сериозни болести како што се срцеви заболувања или рак, отколку оние кои појадувале редовно во 8 часот наутро како 12 отсто помал ризик од рана смрт од оние кои го консумирале првиот оброк во 10 часот, известува Б92.

Се смета дека прескокнувањето на појадокот или јадењето доцна го нарушува „часовникот за исхрана“ на телото – внатрешно програмирање кое го контролира ослободувањето на диететски хормони, како што е инсулинот.

Овој хормон помага во согорувањето на гликозата од крвотокот, а неговото ниво го достигнува својот врв во раните утрински часови. Јадењето подоцна може да значи дека телото постепено произведува помалку инсулин и го зголемува нивото на гликоза во крвта, што доведува до дијабетес и срцеви заболувања.

Извор: vesti-online

Прочитај повеќе...

Здравје и убавина

Овие намирници дефинитивно содржат најмногу протеин

Објавено пред

на

Познато е дека месото е најбогатиот извор на протеини, но овие шест видови на зеленчук содржат аминокиселини, така што за да ги добиете сите хранливи вредности од нив потребно е правилно да ги користите.

Грашок

Половина шолја грашок содржи три ипол грама протеини. За да направите идеално избалансиран оброк, подготете свежа супа од грашок, грашок на пареа со друг варен зеленчук по избор.

Спанаќ

И Попај го јадел затоа што знаел колку е богат со протеини. Половина шолја спанаќ содржи три грама протиени.

Компир

Речиси сите знаат дека и компирот е богат со протеини. Испечете го компирот или сварете го и искористете ги неговите протеини.

Брокула

Не само што е богата со влакна туку содржи и два грама протеини во една порција, Брокулата можете да ја подготвите на многу начини, па така таа никогаш нема да ви здосади.

Прокељ

Оваа намирница не ја обожуваат баш сите но таа е вистинска ризница на протеини, витамин К и калиум. Помага во борбата против супстанците кои предвизвикуваат рак.

Пченка

Покрај тоа што е многу вкусна намирница, пченката исто така е богата и со протеини. Подгответе ги салата од пченка или едноставно испечете ја пченката и уживајте.

ФОТО: NatureFriend

Прочитај повеќе...

Здравје и убавина

Дали избегнувањето алкохол додека земаме антибиотици е лоша комбинација или не?

Објавено пред

на

Избегнувањето на алкохол додека земаме антибиотици е едно од оние логични здравствени правила во кои едноставно безусловно веруваме, како правилото дека после оброк треба да чекаме 30 минути пред да влеземе во морето…

Правилото за алкохол и антибиотици е исто така одличен изговор доколку сакате да ја поминете сабота вечер дома, бидејќи повеќето луѓе ќе го прифатат како оправдано. Но, колку е точно ова правило?

Иако постојат анегдоти за тоа како алкохолот посилно „удира“ кога се меша со антибиотици, сепак секојдневно не слушаме приказни за тоа како луѓето морале да одат во болница бидејќи ги измешале овие две работи. Овој совет датира од 1950-тите

Кога биле измислени антибиотиците, тие се сметале за супер-лек, а потоа разорните болести (од обични инфекции до сифилис) можеле одеднаш да се излечат за само неколку дена или недели.

Сифилисот и другите сексуално преносливи болести предизвикани од бактерии, исто така, почнаа успешно да се лекуваат со антибиотици (тогаш беше откриен пеницилинот), и секој можеше да излезе и да слави!

Затоа, во 1950-тите и 1960-тите, лекарите ги советувале своите пациенти да не консумираат алкохол за време на терапијата за да не носат лоши одлуки и да ја шират болеста додека не биде целосно излечено. Само алкохолот не ја намалува ефикасноста на антибиотиците

Многу луѓе веруваат дека алкохолот ќе ја намали способноста на антибиотиците да ги уништат бактериите со кои се борат – дури 81% од пациентите во болница во Лондон мислеле дека е така. Но, се чини дека антибиотиците продолжуваат да ја вршат својата функција дури и кога алкохолот се појавува во нашето тело, но симптомите што ги имате може да се влошат.

Исто така, алкохолот може да ја влоши состојбата на вашиот имунолошки систем, што ја оневозможува успешната борба против инфекцијата. Проблемот лежи и во фактот што алкохолот го спречува квалитетниот сон и го намалува нивото на енергија и го дехидрира вашето тело, а сето тоа се важни фактори кои се важни за целосно закрепнување (без разлика дали антибиотиците ќе продолжат да делуваат нормално). Алкохолот може да ги влоши несаканите ефекти од антибиотиците

Иако ефективноста на антибиотиците ќе остане непроменета, некои несакани ефекти може да се влошат кога се мешаат со алкохол. Најчестите несакани ефекти на антибиотиците вклучуваат гадење, вртоглавица, чувство на слабост и дијареа, од кои сите се несакани ефекти и (претерано) консумирање алкохол. Затоа, оваа комбинација едноставно може да ги влоши работите.

Извор: b92.net

Прочитај повеќе...

Facebook

Последни објави

На денешен денПред 6 часа

На денешен ден: 4 декември

1154.- Николас Брекспеир, првиот и единствен Англичанец што бил избран за папа, бил устоличен за поглавар на Римокатоличката црква како...

СпортПред 11 часа

(ВИДЕО) Поим за фер плеј, им дозволија на противникот да постигнат гол

И тоа се случува во фудбалот. Во третолигашки меч домашната екипа постигна гол на среќа во истиот момент кога фудбалерот...

ХороскопПред 13 часа

Дневен Хороскоп [4 декември] – сабота

ОВЕН Може да очекувате парична награда или унапредување за трудот кој сте го покажале во претходниот период. Една личност се...

МакедонијаПред 18 часа

Тешка сообраќајка кај с.Лескоец на патот Охрид-Ресен

Тешка сообраќајна несреќа се случи вечерва на патот Охрид – Ресен, кај селото Лескоец. Настанот го потврди и портпаролот на...

Временска прогнозаПред 19 часа

Променливо облачно, во вечерните часови повремени локални врнежи од дожд, утре кратка сталибизација, од недела нови врнежи од дожд и снег

Моментално променливо облачно со умерен, а повремено и засилен ветер од јужен и од југоисточен правец, во вечерните часови покасно...

LifestyleПред 19 часа

Кичевска компанија генерален застапник за најпознатите козметички производи од „Cream Team“, купувајте онлајн по екстра цени!

Ексклузивно за прв пат во нашата држава може да ги купите познатите грчки козметички производи од компанијата „Cream Team“ претставувани...

ТехнологијаПред 20 часа

Слаба заинтересираноста за „Windows 11“, што велат претпоставките и статистиката

Корисниците многу бавно го прифаќаат Windows 11, а можна причина се строгите барања за надградба и фактот што Windows 10...

СпортПред 22 часа

До 14 јануари рок за пререгистрација на фудбалери од македонската лига

Фудбалската федерација на Македонија праќа информација до клубовите од МФЛ дека пререгистрацијата на фудбалери во машка конкуренција ќе биде спроведена...

КичевоПред 23 часа

Малолетно девојче и возрасен човек од Кичево каснати од кучиња скитници

На 02.12.2021 година во 19.15 часот, Ф.Ф. (39) од Кичево, во надлежната полициска станица пријави дека на ул. „Партизански одреди“...

СветПред 1 ден

СЗО повторно проговори за омикрон

Светската здравствена организација соопшти дека затворањето на границите „купува време“ во борбата против новиот вид коронавирус – омикрон. Претставниците на...

НАЈЧИТАНИ