Следете не

Кичево

Капите на мајстор Трајче од Кичево се носат на сите континенти (ФОТО)

Објавено пред

на

Еден од занаетите што е, речиси, пред целосно исчезнување е капарскиот занает, и во моментов, прашање е дали во целата земја останале уште три или четири активни мајстори. Еден од тие мајстори, кој им пркоси на времето и на годините, е 80-годишниот Трајче Ѓорѓијоски од Кичево. Тој уште на 15-годишна возраст почнал да се занимава, поточно, да го учи шивачкиот занает, а попатно го совладал и капарскиот занает и повеќе од 60 години со успех го работи.

– Шивачкиот занает почнав да го учам во 1953 година во Кичево и откако во голема мера ги совладав тајните на овој занает, се заинтересирав и почнав да го работам и капарскиот занает. Бидејќи во нашиот град немаше многу работа, одлучив да се преселам во Суботица и таму продолжив да го работам овој занает во два производствени погона. По тригодишен престој во овој град, повторно се вратив во Кичево каде што отворив и шивачки и капарски дуќан кај старата железничка станица. По двегодишна работа во сопствениот дуќан, ми беше понудено да се вработам во трговија што јас и го прифатив, а со капарскиот занает продолжив да се дружам во слободно време и во ноќните часови. И така до ден-денес – раскажува мајсторот Трајче за времето кога почнал да го работи овој занает, како и за златните времиња на капарството во Македонија.

Но времињата се променија. – Иако бев вработен во трговија, сепак во попладневните и во вечерните часови задолжително седнував крај машината да изработам повеќе примероци на капи. Во зависност од формата и од сезоната, за изработка на една капа ми беа потребни од 30 до 45 минути. Интересот за моите производи беше многу голем, бидејќи кај мене доаѓаа селаните од сите села во нашиот регион, Поречијата, Дебарца, па и Демирхисарско. Интересот за носење капи беше доста голем до средината на 1990-тите години, кога нагло почна да се празни македонското село, а со тоа ги загубивме и најголемите и најважни муштерии. Моја практика беше на секои купени четири капи, на моите муштерии задолжително да им подарувам по една капа, како благодарност што се мои редовни купувачи – додава Ѓорѓијоски, кој и покрај поодминатите години и денес по неколку часа активно работи и произведува капи, кои според формата и дезенот, сѐ уште се барани од нашето население.

Но се бараат и поспецифични форми и дезени.
– За разлика од пред дваесетина години, интересот за купување капи е многу намален и сѐ помал е бројот на граѓани што носат капи, а најголеми купувачи денес се младите, кои бараат специфични форми и дезени. Можам да се пофалам дека мои капи се носат и во Америка, Австралија и низ цела Европа. Нашите печалбари кога доаѓаат во Кичево преку летото купуваат капи од кај мене, а има и такви што порачуваат преку своите пријатели што престојуваат во земјава. Денес иако не може да се живее од овој занает, сепак љубовта кон него никогаш не згаснува. Јас и покрај своите 80 години и денес секојдневно се дружам со машината и со материјалите и шијам капи. Бидејќи и во другите градови повеќе нема мајстори капари, кај мене доаѓаат или порачуваат и муштерии од Тетово, Гостивар, Охрид, Струга, Битола и од Прилеп. И покрај малата заработка од 30 до 50 денари од една капа, сепак сѐ додека ме служат здравјето и меморијата, ќе шијам капи и ќе бидам исполнет со занаетот што повеќе од 60 години со огромна љубов го работам – завршува мајстор Трајче, кој може со часови да зборува за својот занает и за средбите со луѓето, кои купувале и порачувале капи од неговиот дуќан.

Извор: Зоран Антоски /НоваМакедонија

Кичево

Кичевски магацинско-дистрибутивен центар за прехрамбени производи има потреба од двајца Комерцијалисти за град Кичево

Објавено пред

на

Магацинско-дистрибутивниот центар за прехрамбени производи „УНИОН ЕМ ЕМ“ од Кичево, како увозник и застапник за брендовите на „GOLD,WALTZ, SALBOS, COCOLINE, Sarajevska Mlekara“, поради проширување на својот работен ангажман во таа област има потреба од двајца КОМЕРЦИЈАЛИСТИ за реон територија на град Кичево.

Услови за аплицирање: „Поседување на важечка возачка дозвола минимум „Б“ категорија.

Сите заинтересирани добиваат работа на неопределено, додека работните активности се од понеделник до петок по 8 часа на ден, службено возило и телефон“

Апликацирањето започнува од 07.12.2022 (среда) и истото може да го поднесете во вид на „CV“ или оставање телефон за контакт преку електронска пошта [email protected] или директно со јавување на телефонскиот број 078/476-961.

Прочитај повеќе...

Кичево

Дали и оваа година Кичево ќе остане без новогодишни украси?

Објавено пред

на

Доаѓаат предноводишните празници и секако најлудата ноќ. Оваа година најверојатно ќе прославиме слободни, без ограничувања поради олеснителните околности од пандемијата, фала богу.

Печалбарите дел се враќаат да прослават со најблиските, дел доаѓаат покасно.

Скоро секој град факт е дека се труди да биде препознатливо украсен за овие денови, но нашиот град Кичево, односно челниците веќе 5 години по ред финансиските средства предвидени за украсување истакнуваа дека ќе бидат распределувани во хуманитарни цели, онаму каде е најпотребно.

Поради новонастанатата енергетска криза, каква ќе биде одлуката за оваа година останува да видиме, иако градот располага со реквизити за новогодишно украсување, кои се употребувани изминатите години.

Имено кичевчани сигурно нема да останат рамнодушни и ќе ги украсат своите тераси, прозори и со тоа ќе го разубават своето живеалиште и секако градот во целина.

Во 2019 година ТУКА направивме еден вид мал натпревар во „најубаво украсена куќа или стан“ во Кичево, со тоа што сакавме да ја доловиме новогодишната атмосфера, преку вашите домови и вашите најразлични декорации, со илјадници сијалички обвиткани околу терасите, дрвцата и прозорците на куќите, но и со светлечки фигури на Дедо Мраз, Снешко, буквално се што е од новогодишен украс.

Доколку одлучиме и оваа година да направиме нешто слично, ќе ве известиме, до тогаш погледнете ја галеријата од 2019 и победникот ТУКА

Прочитај повеќе...

Кичево

(ФОТО) Вчера било украдено возило во Кичево, да помогнеме доколку некој го забележи!

Објавено пред

на

За жал живееме во тешко време на кражби, манипулации и несовесни работи кои го допираат дното на човештвото.

Вчера на 24.11.22 вечерта во Кичево од пред влез, од сопствен паркинг на ул. 11-ти септември, украдено е возило „Hyundai Accent“ (во прилог фото/се бара и под тие регистарски ознаки доколку сеуште се возат)

За да им помогнеме на семејството кои се сопственици на возилото, упатуваме апел до сите кои некаде ќе го забележат автомобилот веднаш да известат на тел бр. ☎️ 071/382-703 или во Полициската станица.

За немилиот настан известени се ОВР Кичево.

Сподели што повеќе луѓе да го видат возилото, со цел побрзо препознавање и пронаоѓање.

Ви благодариме.

Прочитај повеќе...

Facebook

Последни објави

Хороскоп2 часа

Хороскоп за среда (7 декември)

ОВЕН Може да очекувате фаза која ќе биде многу поволна за вас. Ќе успеете да остварите стабилизација на работа. Ве...

Кичево4 часа

Кичевски магацинско-дистрибутивен центар за прехрамбени производи има потреба од двајца Комерцијалисти за град Кичево

Магацинско-дистрибутивниот центар за прехрамбени производи „УНИОН ЕМ ЕМ“ од Кичево, како увозник и застапник за брендовите на „GOLD,WALTZ, SALBOS, COCOLINE,...

Lifestyle13 часа

Истражувањето открива: Како одложувањето на алармот влијае на нас?

Според новото истражување на Универзитетот Нотр Дам во Индијана, 57 отсто од возрасните обично сакаат да дремнат откако ќе се...

Lifestyle13 часа

Експерти: Луѓе кои никогаш не треба да пијат кафе

Кафето е одличен начин да добиете дополнителна енергија наутро или да го победите заморот среде работниот ден, а бројни студии...

Lifestyle13 часа

Дали навистина треба да ја миете косата двапати?

Дали вашата коса брзо се мрсни, само ден или два по миењето? Ако е така, веројатно ја миете косата често,...

Магазин13 часа

За да ги одржувате подолго свежи: Четири начини како да ги зачувате бананите

Ефективни трикови Сите знаеме дека бананите доаѓаат од тропските предели, па не е ни чудо што тие не можат да...

Lifestyle13 часа

„Форбс“ ги избра петте најпотценети градови на Балканот, меѓу кои и еден македонски на листата ВИДЕО

Реномираниот магазин Форбс објави листа на „најпотценети“ балкански градови, а на листата се најде и еден македонски град. Охрид Ако...

Автомобили13 часа

Honda започнува со производство на автомобили на водород во САД до 2024 година

Honda во производствениот процес вклучи автомобили со водородни горивни ќелии, а засега само во САД. Производителот на автомобили откри дека...

Временска прогноза14 часа

Променливо облачно време, за викендов нови врнежи од дожд

Територијата на Македонија се наоѓа под влијание на јужно струење на висина, и истото условува НАТПРОСЕЧНО ВИСОКИ температури на воздухот. Времето...

На денешен ден15 часа

6 декември – На денешен ден

1988.- Починал Рој Орбисон (Рој), една од најголемите ѕвезди на американската поп и кантри музика, автор на хитовите „Only the...

НАЈЧИТАНИ