Култура

„Медена земја“ од 26 јули во кината во САД

Објавено пред

2 години

на

јули 25, 2019

Од

Порта.мк

Документарниот филм „Медена земја“ од 26 јули ќе се прикажува во кината во САД. Застапуван од американската компанија за производство и дистрибуција на филмови „Неон“, која ги откупи правата за прикажување во Северна Америка, македонскиот победник на „Санденс“ ќе има кинодистрибуција во селектирани киносали, вклучувајќи ги „Ламли Ројал“ во Лос Анџелес и „Куад синема“ во Њујорк.

Продукцијата на филмот информира дека дистрибутерот на филмот во САД, „Неон“, иако е млада компанија, во изминатите неколку години застапувал познати и наградувани нови наслови. На почетокот на проекциите режисерите Љубо Стефанов и Тамара Котевска имаат средби со публиката и со претставници на медиумите, во Лос Анџелес на 22 и 23 јули и во Њујорк на 25 и 27 јули.

Филмот беше прикажан во „Синема Детроит“ во Детроит, како и во „Реј старк фемили театар“ и на Универзитетот на Јужна Калифорнија во Лос Анџелес. На 24 и 25 јули следуваат проекции во Џејкоб Брнс филм центар, а наредниот ден и во „Куад синема“ во Њујорк. На 16 август ќе се прикажува во Форт Колинс во Колорадо.

„Медена земја“ ќе може да го погледне и публиката во Австралија на 31 јули на фестивалот „Stronger Than Fiction“ во Канбера, а на 2 и 18 август во Мелбурн. Во текот на летото ќе продолжи учеството на филмските фестивали, меѓу кои и на еден од најголемите во регионот ‒ Сараевскиот филмски фестивал, кој ќе се одржува од 16 до 23 август.

На крајот на август „Медена земја“ ќе биде прикажан пред домашната публика, на Фестивалот на креативен документарен филм „МакеДокс“, а потоа ќе биде на редовниот репертоар во македонските кина.

По триумфот на филмскиот фестивал „Санденс“ во јануари, документарецот беше прикажан и награден на повеќе од 20 фестивали. Филмот го очекуваат кинодистрибуции во САД, Канада, Велика Британија, Германија, Австрија, Полска, Белгија, скандонавските земји, Шпанија, Турција, Кина, Јужна Кореја и Австралија.

Тагови:Porta.mk Медена земја

Следно

Кичево гордо на своите интелектуалци, Сања дипломира со просек 9,67 на Архитектонски!

Не пропуштај

Мет Дејмон и Бен Афлек со нов заеднички проект: „Последниот двобој“

Култура

Lupin 2 – Продолжението на серијата пристигнува на Netflix побрзо отколку што очекувавте

Објавено пред

4 недели

на

февруари 1, 2021

Од

Порта.мк

Lupin 2 пристигнува. Netflix веќе најави продолжување на серијата, така што втората сезона ќе биде претставена ова лето на сервисот за стриминг.

Серијата дебитираше во јануари и се базира на романот за Арсен Лупен. Главната улога ја игра Omar Sy, кој го игра Assane Diopa, господин и крадец.

Првата сезона имаше пет епизоди и ја направија George Kay и François Uzan. Наскоро ги престигна Queen’s Gambit и Bridgerton и стана најпопуларна на платформата Netflix.

Прочитај повеќе...

Музика

(ВИДЕО) Влатко Миладиноски посвети песна за својата ќерка во негова изведба, станува збор за безвременската „Те кажувает, бре Илиној моме“

Објавено пред

4 недели

на

јануари 31, 2021

Од

Порта.мк

Ова неделно попладне нашиот кичевчанец Влатко Миладиноски на својот ЈутТјуб канал објави нов видео запис од безвременската стара македонска песна „Те кажувает, бре Илиној моме“.

Како што пишува Влатко на својата фејсбук страница песната е посветена на својата ќеркичка Илина која во еден миг се појавува во видеото и пријатно ги изненади музичарите

Маестралната изведба и обработка е дело на оркестарот на братот маестро Златко Миладиноски во емисијата „7/8“

Слушнете за што станува збор и уживајте:

Прочитај повеќе...

Култура

Св.Атанасиј – Танасовден зимен, од овој празник сѐ е полесно, нека е за многу години!

Објавено пред

4 недели

на

јануари 31, 2021

Од

Порта.мк

Денес на 31 јануари е Св. Атанасиј Велики, голем борец за вистинското православие.

Именден празнуваат: Атанас, (доаѓа од грчкото Атанасиос и значи бесмртен), Атанаска, Танас, Тане, Танаска, Насе, Насте…

Нашиот народ два пати го празнува споменот на свети Атанасиј Велики.

На 31/18 јануари се празнува празникот Танасовден ‒ зимен, а на 15/2 мај Танасовден ‒ летен.

Празникот Св. Атанасиј зимен народот го смета за средзимо, па се верува дека главните студови веќе се поминати. Затоа во народното верување тој е победник над силните студови и мразеви кои му се паднале при поделбата на должностите меѓу светците.

Сепак, како предупредување дека зимата не е замината, односно дека студовите можат да изненадат останала пословицата „Атанас фрли кожувот ја врз нас ја врз рас“. Во Гевгелиско мислеле дека Св. Атанас кој е „средзима“ и дека е лесен празник, не е аталија (кобен). Се држел како празник до пладне, а после и да се работи не се сметало за грев. Мислејќи на зимските студови овде се велело дека е тешко до Св. Атанасиј, а после и тој што е за умирање не се предава.

На Свети Атанасиј и денот е веќе подолг. Од 21 декември, кога денот почнува да се зголемува, денот од 31 јануари е подолг за еден час.

Прочитај повеќе...