Следете не

Lifestyle

На денешен ден.. (12.03)

Објавено пред

на

1365.- Отворен бил Универзитетот во Виена, една од најстарите установи од овој вид во светот. Првиот универзитет во Европа е основан во Болоња, во 1119 година, вториот во Париз, Франција, во 1150 година, третиот во Оксфорд, Англија, во 1214 година, четвртиот во Кембриџ, Англија, во 1229 година, петтиот во Прага, Чешка, во 1348 година, шестиот во Краков, Полска, во 1364 година итн.

1507.- Загинал италијанскиот генерал Чезаре Борџи, вонбрачен син на папата Александро Шести кој со помош на француските трупи и поддршката од неговиот татко, по трите воени походи од 1499 до 1502 година, го скршил отпорот на феудалната династија на италијанската покраина Ромања. Во делото „Владетелот“ Николо Макијавели го величал, тврдејќи дека само владетел со таква безобѕирност можел да ја обедини Италија.

1832.- Роден е англискиот капетан Чарлс Канинг Бојкот. Во 1880 година додека управувал со дел од Ирска, бил предизвикан ненасилен отпор за одбивање соработка. Таквиот вид на ненасилен протест бил наречен според неговото презиме – бојкот.

1848.- Во Виена избиле големи студентски демонстрации против полицискиот режим на канцеларот Клеменс Метерних.

1861.- Роден е италијанскиот писател и политичар Габриел Данунцио, изразит стилист. Најдлабока трага во литературата оставил со збирките песни „Рајска поема“ и „Алкиона“. Во политиката бил исклучителен претставник на италијанскиот национализам, па дури и фашизам. Дела: романите – „Оган“ и „Сласт“, драмите – „Мртов град“, „Франческа да Римини“ и „Ѓоконда“.

1881.- Во Солун е роден турскиот државник Мустафа Кемал, познат како Кемал Ататурк, татко на модерна Турција. Под неговото водство во 1922 година исфрлен бил последниот султан Мухамед Шести, а во 1923 година Турција била прогласена за република. Тој бил еден од творците на Балканскиот сојуз во 1934 година.

1890.- Роден е рускиот балетан и кореограф Владимир Фомич Нижински, еден од најголемите балетани во историјата на балетот чија кариера траела само четири години, бидејќи во 1917 година заболел од неизлечлива душевна болест. Неговите креации никој не ги надминал, а скоковите во балетот „Сон за ружа“, поради невообичаената креативност и убавина останале како недостигнат идеал.

1912.- Американскиот капетан Алберт Бери го извел првиот скок со падобран од авион.

1913.- Канбера станала престолнина на Австралија.

1913. – Роден е Петар Богданов – Кочко, македонски композитор, оперски пејач (тенор) и организатор на музичкиот живот во Македонија. Учесник е во НОВ на Македонија. Бил делегат на Првото заседание на АСНОМ. По војната, еден е од основачите на Операта на Македонскиот народен театар и на првото музичко училиште, а бил и прв претседател на Друштвото на музичарите на Македонија. Како пејач оствари низа значајни улоги.

1914.- Умрел американскиот инженер Џорџ Вестингхаус, пронаоѓач на воздушните сопирачки за локомотиви и трамваи. Во 1886 ја основал компанијата „Вестингхаус електрик корпорејшн“.

1922.- Роден е американскиот писател Жан Луј Керуак, познат како Џек Керуак. Дела: романите – „На пат“, „Д-р Сакс“, „Маги Касиди“, „Богот Сар“, „Сатира во Париз“, поетските книги – „Мексико Сити блуз“, „Химна – Боже моли се за мене“, „Расфрлени песни“, патописот – „Осамен патник“.

1925.- Во Пекинг умрел Сун Јат Сен, кинески револуционер и државник. Во 1905 година ја основал Кинеската револуционерна лига, а во 1912 година ја основал партијата Куоминтанг. Во 1917 година бил избран за претседател на Јужна Кина. По победата на Октомвриската социјалистичка револуција во Русија работел на обединувањето на земјата и ја објавил револуционерната програма на Куоминтанг, во која ја вклучил и Комунистичката партија на Кина. Роден бил на 12 ноември 1866 година.

1930.- Водачот во борбата за независност на Индија Махатма Ганди започнал кампања за граѓанска непослушност против британската колонијална управа и нејзините намери да воспостави монопол во производството на сол.

1935.- Во Њујорк умрел Михаило Пупин, физичар со светски углед. Бил професор по физика и математика на Универзитетот „Колумбија“ во САД, го пронашол системот на повеќекратна фотографија и ги открил секундарните рендгенски зраци. Човештвото најмногу го задолжи со решението на проблемот на телеграфски и телефонски пренос на далечина. За својата научна дејност посмртно ја добил Пулицеровата награда во 1924 година, како и многу други награди со светско значење. Роден бил во селото Идвор, во Банат (Војводина), на 4 октомври 1858 година.

1935.- Персија го добила новото официјално име на земјата – Иран.

1938.- Германските трупи влегле во Австрија, а Адолф Хитлер два дена подоцна објавил дека Австрија станала дел од Третиот Рајх, на што западните сили реагирале со „скрстени раце“ настојувајќи на секој начин да избегнат војна со нацистите.

1940.- По поразот во „зимската војна“ започната со советската инвазија кон крајот на 1939 година, Финска потпишала мировен договор со кој се откажала од Карелијската долина и градот Виброк на исток од земјата.

1945.- Петнаесетгодишната Ана Франк била убиена во германскиот нацистички логор Берген-Белзен. Нејзиниот дневник станала симбол на страдањата на Евреите во Втората светска војна, во која Германците систематски и плански го истребуваа тој народ во Германија и во сите окупирани земји во Европа. Нејзиното семејство по доаѓањето на нацистите на власт во Германија во 1933 година пребегнало во Амстердам, каде од 1942 до 1944 година живеело во тајно скривалиште кое  Гестапо успеал да го открие. Од нејзиното семејство војната ја преживеал единствено нејзиниот татко. По Втората светска војна нејзиниот дневник бил пронајден, а во 1947 година бил објавен. Дневникот е пишуван во време на двете години поминати во скривалиштето.

1946.- Родена е американската актерка и пејачка Лајза Минели. Кариерата ја почнала пеејќи во ноќните клубови и во њујоршките театри во Бродвеј. Филмови: „Кабаре“, (Оскар), „Кажи дека ме сакаш“, „Среќната Леди“, „Тишина, се смееме“, „Њујорк, Њујорк“, „Артур“.

1947.- Претседателот на САД Хари Труман во Конгресот ја прокламирал доктрината за помош на земјите загрозени од комунизмот („Труманова доктрина“). Првите средства им биле дадени на Грција и на Турција.

1950.- Во Санта Моника, Калифорнија, САД, умрел Хајнрих Ман, германски писател (брат на Томас Ман), генијален критичар на своето време и на граѓанското општество. Негови познати дела се „Царство“, „Седум години“, „Силата на човекот“, „Човекот од слама“ и „Професорот Урнат“. Роден бил во 1871 година.

1968.- Островот Маурициус во Индискиот Океан, британска колонија од 1810 година, станал независна членка на Британскиот комонвелт. Истиот ден во 1992 година Маурициус бил прогласен за република, прекинувајќи ги така и симболичните врски со британската круна.

1971.- Премиерот Хафез ел Асад на референдум бил избран за претседател на Сирија.

1972.- Владите на Британија и на НР Кина решиле да разменат амбасадори, иако дипломатските односи меѓу двете земји биле воспоставени уште во 1950 година.

1978.- Левите партии за првпат во историјата на Франција добиле апсолутно мнозинство во првиот круг од парламентарните избори.

1984.- Во Велика Британија почна генерален штрајк на рударите.

1987.- Во Советскиот Сојуз била извршена првата успешна трансплантација на срце.

1992.- Во индискиот град Бомбај во серија експлозии кои ги подметнале исламски терористи загинале повеќе од 300 луѓе. Индија за овие експлозии го обвинила исламскиот сосед Пакистан, но Исламабад го отфрлил ова тврдење. По една година од масакрот, исламските терористи во Бомбај предизвикале нова серија на експлозии  во кои загинаа најмалку уште 200 луѓе.

1994.- Англиската англиканска црква ракоположила 32 жени за свештеници, прекинувајќи ја 460-годишата доминација на мажите.

1995.- Во Белград умрел Мија Алексиќ, еден од најомилените и најпознатите актери во некогашната СФРЈ. Роден бил во 1923 година.

1999.- Полска, Чешка и Унгарија, како први членки на поранешниот Варшавски пакт, влегле во НАТО.

1999.- Умрел американскиот виолинист од еврејско потекло Јехуда Мењухин, еден од најголемите виолинисти на 20. век. Почнал да свири на петгодишна возраст, а светската кариера ја направил како „чудо од дете“ со неговата интерпретација на „Виолински концерт“ на Феликс Менделсон со кој на седум години се претставил на концертот во Сан Франциско. Музичката критика овој настан го оценила како сензационален. Во 1963 година ја основал „Школата Јехуда Мењухин“ за музички надарените деца.

2000.- Папата Јован Павле Втори побарал прошка за вината на Римокатоличката црква поради постапките спрема Евреите, еретиците и жените.

2003.- Пред влезот на зградата на Владата на Србија бил убиен српскиот премиер Зоран Ѓинџиќ. На предлог на владата, вршителот на должноста претседател на Србија, Наташа Миќиќ прогласила вонредна состојба.

2011.- Еден од најактивните вулкани Маунт Карангенат, еруптирал и исфрлил лава и облак на гас, неколку часа по разорниот земјотрес во Јапонија. Вулканот, со височина од 1.784 метри, се наоѓа на Сиауу, остров-архипелаг на Сулавези.

2013.- На 90-годишна возраст во својот дом во Минхен умрел последниот учесник во неуспешниот атентат врз Адолф Хитлер, од јули 1944 година, Евалд-Хајнрих фон Клајст. Роден бил во 1922 година како потомок на стара аристократска лоза од Померанија (денеска во Полска). Како 22-годишен поручник на Вермахтот, тој се борел на Источниот фронт, а со него во текот на јануари 1944 година се поврзал полковникот Клаус фон Штауфенберг. Тој му го изложил планот за убиство на Фирерот, според кој младиот војник требало на Хитлер да му го претстави новиот модел на униформа. Под униформата требало да има појас со експлозиви, што Фон Клајст требало да го активира и да се убие себе си и диктаторот. Поручникот се согласил, но планот не се реализирал.

2014.- Во Скопје по подолго боледување почина писателот Србо Ивановски. Србо Ивановски е еден од најзначајните автори, претставници на втората генерација повоени македонски писатели. Зад себе оставил обемен и разновиден опус во кој, меѓу другите, влегуваат и следните книги: „Лирика„, „Желби и меѓи“, „Средби и разделби“, „Бели крикови“, „Маѓепсан патник“, „Пена од планината“, „Близу до животот близу до смртта“, „Жена на прозорецот“, „Осамени“, „Мартин Нуната“, „Леонида трча окрвавен“, „Кога тетин Клименте шеташе над градот“… Србо Ивановски добитник бил на високи книжевни награди, меѓу кои: „Кочо Рацин“, „13 Ноември“, „Стале Попов“ и „Книжевен жезол“ за опус на Друштвото на писателите на Македонија. Српското издание на неговата книга песни „Маѓепсан патник“ во 1976 година ја добило наградата „Бранко Миљковиќ“. Роден бил во 1928 година во Штип.

Lifestyle

За полесно да помине времето: Ако ви претстои првиот авионски лет, еве што треба да знаете

Објавено пред

на

Без оглед на ситуацијата, веруваме дека ќе ги најдете советите кои можат да ви го направат поудобно времето на аеродромот. Ви ги пренесуваме во следните редови.

Цените на аеродромот не се наивни. За да избегнете да плаќате три пати повеќе за обична кеса со чипс или бисквити, најдоброто нешто што можете да направите е да го носите она што сакате да го јадете од дома.

Спакувајте празно шише со вода

Секогаш е препорачливо со себе да носите празно шише со вода, кое обезбедувањето нема да ви го земе и кое можете да го наполните со вода во бањата на аеродромот кога ќе почувствувате жед.

Пријавете се за вашиот лет однапред

За да не чекате предолга редица на аеродромот, погрижете се да се пријавите за вашиот лет онлајн 24 часа однапред. Згора на тоа, некои авиокомпании наплаќаат дополнително за пријавување во живо, што е дополнителна мотивација за да го направите тоа од дома.

Облечете се во слоеви

Целосно неповрзано со временските услови, треба да се облекувате слоевито кога планирате лет. Аеродромот може да биде толку ладен среде лето што ќе зажалите што ќе облечете само тенок фустан. Истото важи и за зимските услови. Облекувањето во слоеви ќе ве спаси од несакани настинки.

Носете пренослив полнач со вас

Понекогаш навистина може да се случи да чекате со часови на аеродром. Во тој случај, телефонот ќе ви биде начин да го пополните тоа време. Но, многу лесно може да се случи батеријата да ви откаже во најлош можен момент. Во овој поглед, мудро е да носите пренослив полнач со себе ако се покаже дека сите приклучоци на аеродромот се зафатени.

Спакувајте го вашиот лаптоп на лесно достапно место

Кога летате, ќе треба да ја отстраните целата електроника за проверка од обезбедувањето, поради што е важно да ги имате на дофат. Навистина лоша идеја е да го ставите вашиот лаптоп на дното на рачната торба бидејќи ќе мора да ги извадите сите работи од него додека другите патници гледаат.

Фотографирајте го вашето паркинг место на аеродромот

Изгледа прилично смешно, но дали сакате да талкате низ паркингот барајќи го вашиот автомобил кога ќе се вратите од патот, бидејќи сте заборавиле каде сте паркирале. Фотографија од паркинг место во телефонот е вашиот најдобар пријател.

Прочитај повеќе...

Lifestyle

Кои намирници се препорачливи за жените доилки

Објавено пред

на

Една од важните работи за доилките е да пијат доволнa количинa на течности како што се: Вода, јогурт и млеко, лесни билни чаеви, супи, свежо цедени сокови.

Алкохолните напитоци треба да се изостават, а кафето и чаевите од видот на црн и зелен чај, да се сведат на минимум. Се препорачува внес на 3 порции млечни производи во текот на денот и тоа посебно збогатени со витаминот Д (1 порација = 250 мл млеко или јогурт = 80 грама немасно сирење = 50 гр кашкавал)

Треба да консумираат разновидно овошје и зеленчук во најразлични бои, а да ги избегнуваат намирниците кои предизвикуваат надуеност: грав, леќа, соја, кикирики.

Јаткастите плодови (ореви, лешници, бадеми) и семките (ленено, сончоглед, семки од тиква) да се консумираат секојдневно.

Треба да се внесуваат доволни количини на месо и риба, особено сардина.

Секојдневно треба да се користат намирниците кои се извор на јаглени хидрати: леб, тестенини, ориз, компир. Но, потребно е да се избегнува храна која содржи транс масти како масни пецива, кекси, грицки, соленки.

Повеќето лекови преминуваат во млекото, па задолжително пред пиењето на било каков лек консултирајте се со лекар.

/денар

Прочитај повеќе...

Lifestyle

Домашните миленици ја подобруваат меморијата, особено кај постарите луѓе

Објавено пред

на

Она што е добро за срцето понекогаш е добро и за мозокот. Една неодамнешна студија над 50-тите покажа дека сопствениците на домашни миленици имаат подобри резултати на тестовите за меморија.

Истражувањето на научниците од Универзитетот во Мичиген покажува дека ефектот на домашните миленици (‘pet effect’) не само што ги штити срцето и цревата, што е веќе добро позната теорија, туку може да игра важна улога и во зачувувањето на мозочните функции во старост, пишува Science Alert.

Резултатите се засноваат на национално репрезентативно истражување на повеќе од 20.000 возрасни лица кои биле прашани дали имаат домашно милениче и колку долго. Здравствената состојба на испитаниците потоа беше следена во период од шест години.

Се испостави дека сопствениците на домашни миленици имале подобри когнитивни резултати од оние кои немаат. Овој ефект е забележан само кај луѓе над 65 години, кога симптомите на деменција обично почнуваат да се појавуваат.

Ако некое лице од таа возрасна група имало домашно милениче пет години, тој постигнувал подобри резултати во среднорочно и долгорочно помнење на зборови од врсниците кои немале миленичиња.

Ова откритие е само врска, а не јасен доказ дека „ефектот на домашно милениче“ навистина постои, забележуваат научниците.

Бројни истражувања покажаа дека домашните миленици се добри за здравјето, а постојат и многу теории зошто е тоа така.

Сопствениците на кучиња, на пример, се принудени да шетаат за своите миленици, а секојдневното вежбање е поврзано со здравјето на мозокот и функционално подолг живот.

Познато е и дека животните внесуваат нови бактерии во домаќинството, кои можат да го зајакнат имунолошкиот систем, особено цревата. Или миленичињата едноставно нè прават среќни бидејќи студиите сугерираат дека нивното присуство ја намалува осаменоста и стресот.

Во староста може да биде поважно отколку во помлада возраст. Докажано е дека изолацијата може да ја промени структурата и функцијата на мозокот.

И додека многу студии досега се фокусираа на тоа како сопственоста на кучиња и мачки влијае на емоциите и физичкото здравје, малкумина истражуваа како тие влијаат на мозочните способности.

Научниците од Мичиген веруваат дека тоа е така затоа што е потребно подолго време за да се покажат позитивните ефекти на домашните миленици врз нивните когнитивни способности.

Нивното истражување беше објавено во списанието Journal of Aging and Health.

Прочитај повеќе...

Facebook

Последни објави

Спорт3 часа

Денвер поразен од Филаделфија, во спектакуларен меч на МВП центрите Ембид и Јокиќ

Кошаркарите на Денвер се поразени на гостувањето кај Филаделфија со 126:119 во спектакуларен меч кој го одбележа МВП дуелот меѓу...

На денешен ден3 часа

29 јануари – На денешен ден

1412.- Во Нови Брдо бил издаден „Законот за рудниците на деспотот Стефан“. Тој е важен документ за српската писменост и...

Хороскоп5 часа

Хороскоп за недела (29 јануари)

ОВЕН Немојте да се впуштате во поголеми инвестиции денес. Најдобро е да избегнувате тешки физички активности. Оние кои се во...

Занимливости5 часа

Колкави плати земаат професионалните „MotoGP“ возачи, според последните информации за 2022-ра година

Секогаш незгодната тема е платата на MotoGP возачите. Некој би рекол недоволно со оглед на ризикот што го преземаат при...

Временска прогноза11 часа

Попоски: Рана најава за снежни врнежи, дали февруари ќе биде снежен месец?

Следува период на ЗНАЧИТЕЛНО ПОСТУДЕНО и променливо време со сончеви периоди. Повремено ќе има услови за локално и слабо провејување на СНЕГ. Исто така...

Скопје12 часа

Кичевчанка во Скопје пријавила дека таксист недолично се однесувал и ја допирал по телото

На 27.01.2023 во 04.33 часот во Полициска станица Аеродром, 19-годишна кичевчанка пријавила дека околу 04.20 часот додека со такси возило...

Здравје и убавина16 часа

Истражување покажало дека трчањето го продолжува животот

Дури и ако сте пушач, а редовно се занимавате со трачање, ќе живеете подолго од две до десет години. Луѓето...

На денешен ден1 ден

28 јануари – На денешен ден

814 – Чарлс I Велики, крал на Франките од 768 година и римско-германски император од 800 година, умрел кога бил...

Хороскоп1 ден

Хороскоп за сабота (28 јануари)

ОВЕН Пред вас е одличен ден за промени, па ако сте планирале некоја промена ќе бидете успешни и задоволни. Ви...

Временска прогноза1 ден

Засилен северен ветер, наутро ниски температури под нулата, ова е најновата метео анализа

Вечерва како и утре и тоа особено Долж Повардарието ќе дува умерен до засилен ветер од северен и од северозападен правец....

НАЈЧИТАНИ