Временска прогноза
НАЈАВА: Циклон и нов бран на врнежи од дожд и снег се движат кон нашиот регион
Почнувајќи од денес доцна попладне и навечер, па се до понеделник во текот на денот ќе бидеме под влијание на циклонска активност и на изразена влажна воздушна маса која ќе услови облачно време во државава со врнежи од дожд кој на повеќе места ќе бидат ПОИНТЕНЗИВНИ.
Најинтензивни врнежи ќе има во северозападните и во западните предели каде локално до понеделник ќе наврнат дури и над 60 л/м2 воден талог.
На планините врнежите ќе бидат од снег и тоа особено во северните и во северозападните предели. Ќе дува умерен, повремено на некои места засилен ветер од променлив правец.
Температурите на воздухот во текот на следните неколку денови ќе бидат над просекот, особено во јужната половина од државава и ќе се искачуваат во интервалот од 6 до 14 степени, додека во северните предели ќе биде нешто постудено со максимални температури кој ќе се искачуваат во интервалот од 3 до 7 степени.
За време на оваа циклонска активност локално ќе има услови и за нестабилност проследена со поројни врнежи од дожд, грмежи и засилен ветер, локално ќе има услови и за појава на замрзнат дожд, особено во северните предели кој ќе се наоѓаат под влијание на нешто постудена воздушна маса.
ПРЕДУПРЕДУВАЊЕ: Поради доста интензивните врнежи од дожд кој се очекуваат и понатаму, се очекува зголемување на нувоата на реките и на езерата низ државава. Можно е и нивно локално излевање, особено на оние помали реки низ државава и на оние реки кој се наоѓаат во близина на патиштата. Затоа сите оние кои планираат да патуваат да бидат КРАЈНО ПРЕТПАЗЛИВИ.
Инфо: Славчо Попоски
Временска прогноза
Дожд, облачно и ветровито, на некои места ќе има појава на грмежи
Денес времето ќе биде променливо облачно со повремени врнежи од дожд и услови за појава на ретки грмежи. Врнежите наместа ќе бидат пообилни и поројни (над 20 л/м²), особено кон крајот на денот и во текот на ноќта.
Ќе дува засилен ветер од југоисточен правец (над 60 км/час), кој истиот наместа ќе се засилува, истакна Управата за хидрометеоролошки работи.
Временска прогноза
Променливо облачно време, пладневните часови проследени со засилен ветер кој ќе создадат услови за краткотраен дожд во западните делови од Македонија
Времето утре ќе биде променливо облачно и релативно топло со сончеви периоди преку денот. Ќе дува умерен, а од пладневните часови наместа засилен ветер од јужен правец (над 60 км/ч). Од вечерните часови во западните делови ќе има услови за краткотраен дожд.
Во главниот град ќе биде променливо облачно со сончеви периоди и со слаб до умерен ветер од југоисточен правец.
Следните три дена, како што најавуваат од Управата за хидрометеоролошки работи ќе имаме врнежливо време, проследено со ветер над 60 км/ч. Врнежите од дожд некаде ќе бидат и по обилни.
Временска прогноза
Услови со утринска појава на магла по котлините, преку ден сончево и натпросечно топло за овој период од годината
Времето утре ќе биде слично на денес, односно наутро ќе има услови за појава на мaгла некаде во котлините. Преку ден ќе биде сончево и натпросечно топло за овој период од годината, со мала локална облачност. Ќе дува слаб ветер претежно од југозападен правец.
Во Скопје претежно сончево со мала локална облачност и тивко.
Температурите во јужните краеви на Македонија некаде ќе достигнат и до рекордни 20 степени, додека утринската ќе се движи околу 0.
Според првичните информации и од она што го најавуваат метеоролозите, после 10-ти февруари ќе следи промена на временската состојба, односно со зимата и снегот се уште не сме завршиле, но за тоа ќе прецизираме во текот на оваа седмица.
-
Хороскоп2 дена
Хороскоп за среда (17 април)
-
Хороскоп24 часа
Хороскоп за четврток (18 април)
-
Кичево8 часа
ОУ Д-р „Владимир Полежиноски“ од Кичево оваа недела ќе биде домаќин на гости од Романија и Полска, додека утре ќе се одржи „Safe Spot Festival“
-
Кичево5 часа
(ФОТО) Министерот за внатрешни работи Тошковски денес го посети ОВР Кичево, ПО Осломеј и Зајас
-
Хороскоп18 минути
Хороскоп за петок (19 април)
-
Хроника10 часа
Вчера во кумановско се случила тешка сообраќајна несреќа, жител од Куманово се здобил со тешки телесни повреди костатирани во комплексот клиники „Мајка Тереза“ во Скопје.
-
Магазин2 дена
Социјалната мрежа X воведува претплата за нови корисници
-
Спорт23 часа
Кралскиот клуб по „пенал рулетот“ обезбеди полуфинале, Начо: „Магична ноќ, за ова се живее“