Една од работите кои задолжително треба да почнете да ги практикувате во новата година (доколку досега не сте го сториле тоа) е поголемата физичка активност. Притоа имате многу опции што можете да ги одберете – практикување некој спорт, посетување теретана, како и планинарење (излетничкото, рекреативно планинарање). Последнава опција нуди многу придобивки, а дел од нив можете да ги прочитате во продолжение.

Рекреативното планинарење е одлична вежба чиј ефект меѓу другото се согледува и во следново:

1. Преку оваа физичка активност се намалува ризикот од појава на срцеви болести.

2. Го подобрува крвниот притисок и го регулира нивото на шеќерот во крвта.

3. Го подобрува балансот на телото.

4. Помага да воспоставите контрола врз тежината. Врз ова има влијание не само искачувањето, туку и фактот што носите одредена тежина на себе која помага во дополнителното согорување на калории.

5. Го подобрува вашето расположение (како што пренесува webmd, овој вид на активност помага да се справите со стресот и нервозата). Со тоа може да им послужи како терапија на луѓето кои се склони кон депресија.

6. Воедно, планинарењето е одлично за проширување на кругот на пријатели. Постојат друштва кои организираат колективно планинарење, со што доаѓате во контакт со нови личности.

7. Доколку почнете сериозно да ја практикувате ваквата активност, преку неа можете да посетите доста прекрасни места, во и надвор од нашата земја.

8. Еден од помалку познатите бенфити е дека планинарањето ја поттикнува креативноста. Едно истражување покажа дека минувањето време во природа ја зголемува способноста за решавање проблеми за 50%.

Неколку совети за почетници:

– Почнете полека. Ако имате намера да почнете посериозно да се посветите на оваа активност, прво почнете со посета на локални местенца што ги знаете (како на пример ритчиња кои нема да ви претставуваат поголем проблем со оглед на вашата сегашна кондиција). Постепено ќе стигнете до позиција да можете да искачувате уште поголема далечина.

– Добро би било кога би планинареле по нерамни патеки, затоа што на тој начин ја зголемувате работата на мускулите.

– Не одете сами, најдете друштво, некој пријател кој ќе ве придружува. Не само поради фактот што така е позабавно, туку и во случај да се случи нешто непријатно и непредвидено имате човек плус кој може да реагира.

– Бидете подготвени – носете вода и храна со себе, како и соодветни обувки за патеката што имате намера да ја искачите.

– Каде и да одлучите да се упатите добро запознајте ја патеката на која ќе се движите и воедно информирајте се за временските услови.

Кога ќе ги минете првите чекори, потоа можете да му се придружите на некое планинарско друштво и на тој начин да почнете посериозно да се посветите на оваа активност.

Lounge Bar Bacardi преку нашиот сервис ве известува дека во периодот од утре недела 18.08.2019 до петок 30.08.2019 ќе биде на колективен годишен одмор.

Локалот со работа ќе одпочне од петок 30.08.2019 – 15:00 часот, до тогаш Ви посакуваме убави и блескави моменти, каде и да сте!

Колективот на Bacardi.

Територијата на државава, неделава е зафатена од топлотен бран со температури од жолта (алертна) фаза. Според информациите од Управата за хидрометеоролошки работи, денеска и утре максималните температури на повеќе места ќе надминат и 35 степени. Се очекува температурите утре да достигнат 40 степени. УВ индексот ќе биде 9.

Зголемената влажност на воздухот ќе придонесе да се има чувство дека температурите се повисоки од измерените. Од утре до петок во попладневите часови ќе има услови за локален пороен дожд и грмежи.

Од Министерството за здравство апелираат граѓаните да ги почитуваат општите препораки за заштита од високите температури, односно да се заштитат од директна сончева изложеност, да избегнуваат престој на отворено во периодот од 11 до 17 часот, да носат светла и лесна облека, а при директна изложеност на Сонце да носат заштитни очила и капа (светлите бои ја рефлектираат светлината), да консумираат лесна храна и течности, посебно да внимаваат при подготовка и консумирање на храната, да избегнуваат термички необработени производи, на пример мајонези од домашни јајца, внимателно да консумираат сладолед и разни кремови, да внесуваат поголемо количество течности, најдобро обична вода за пиење, да избегнуваат алкохолни пијалаци, а при влегување во возило треба одреден период да го проветрат.

Во текот на ваквите екстремно топли денови, посочуваат од Министерството, граѓаните треба да останат во затворени простории (пред се климатизирани), при неопходен престој на отворен простор во овој период, да најдат можност за почести одмори под сенка, а хронично болните лица редовно да ја земаат пропишаната терапија.