Временска прогноза Македонија

Од утре нов бран на дожд и грмежи, додека од Четврток може да очекуваме снег и ниски температури!

Нов влажен бран од запад се очекува утре кога повторно ќе има врнежи од дожд насекаде низ државава, нестабилност проследена со пороен дожд и грмежи и тоа особено во југоисточните предели каде локално можно е процесите да бидат застапени во форма на невреме.

Максималните дневни температури ќе се искачуваат во интервалот од 10 до 18 степени.

Од Среда под влијание на значително постудена воздушна маса од север ќе дува умерен до засилен ветер од северен правец кој ќе услови големо опаѓање на температурите (за околу 10 степени), ќе има и локални врнежи од дожд додека на повисоките места и на планините ќе има врнежи од снег каде се очекува формирање на снежна покривка, во Среда доцна попладне и навечер како и во Четврток послаби врнежи од снег ќе има и на некои пониски места.

Значително постудено ќе биде токму во Петок, каде се очекува температурите да се спуштат под -10 степени.