Следете не

Занимливости

Нови вознемирувачки податоци за штетното влијание на боите за коса!

Avatar

Објавено пред

на

Се докажа дека трајните бои за коса реагираат со димот од цигари и други загадувачи на воздухот, па создаваат една од најканцерогените формули познати на човекот – Н Нитрозамин. Велат дека сите информации за евентуалната штета веќе биле познати, и дека оваа студија само ги споила точките и ја поврзала со опасноста од ракот.

Со оглед на тоа дека повеќето жени редовно ги користат овие препарати, научниците сметаат дека ризикот по здравјето мора да се обелодени преку поширока масовна кампања.

Предупредуваат дека хемикалиите наречени секундарни амини кои се содржат во бојата за коса можат да продрат низ кожата и да останат таму со седмици и месеци, па дури и со години после нанесувањето на боја. Со време овие амини реагираат со димот од цигари и останати издувни гасови формирајќи го смртоносниот Н Нитрозамин.

Н Нитрозамин е забранет да се употребува во козметичката индустрија поради поврзаноста со појава на рак. Професорот Дејвид Левис, еден од авторите на студијата вели: “Во оваа фаза не можеме да бидеме сигурни за количината на Н Нитрозамин кој се создава при реакцијата ни пак нивото на ризикот кој овие состојки го претпоставуваат, но е јасно дека постои потенцијален ризик!“

“Во интерес на безбедноста на потрошувачите, императив е да отвориме независна истрага и да го дефинираме нивото на токсичност на овие компоненти и да го одредиме конкретниот ризик“, вели Левис како заклучок.

Иако со години бојата за коса се поврзува со појавата на рак, вклучувајќи рак на градата, мочниот меур, јајниците, како и леукемија, козметичката индустрија упорно го негира ова тврдење.

© Порта.мк Преземањето на авторски содржини (текстови и фотографии) од оваа страница е дозволено само делумно со наведување на извор (хиперлинк) до содржината што се превзема.

Занимливости

Поучна приказна: „Сè се враќа, сè се плаќа“

Avatar

Објавено пред

на

Човекот го подигна погледот бавно. Изгледаше на жена која е многу богата, со нови алишта и никакви проблеми. Тој си помисли дека сака да го исмејува, како и сите други досега.

„Остави ме на мира” – промрмори тој.

На негово зачудување, жената продолжи да стои. Таа се насмевна „Гладен ли си?” го праша. „Не, не сум, одговори тој саркастично, тукушто вечерав со претседателот, сега оди си.” Но одеднаш тој почувствува нежен допир на неговото рамо.

„Што правиш,жено?” одговори гневно. „Ти реков да си одиш.”

Тогаш се појави еден полицаец „Има ли некој проблем госпоѓо?”- праша тој.

Нема никаков проблем, господине, само се обидувам да го застанам човеков на нозе, ќе ми помогнете ли?

Полицаецот ја испружи раката. Тоа е стариот Џек, се врти тука неколку години, зошто ви е?

Го гледате ресторанот онаму? Ќе го однесам таму нешто да јаде и ќе го изнесам од ладново на кратко.

„Ти жено луда ли си?- викаше бездомникот. Но тогаш почувствува дека некој го крена – остави ме полицаецу, немам направено ништо лошо.

Ова ти е добра понуда Џек, не ја пропуштај.

Конечно, со тешки маки го однесоа Џек во ресторанот. Беше тоа време кога појадокот заврши, а ручекот се уште не почнал, гостите беа заминати и немаше многу гужва. Менаџерот дојде на нивната маса.

„Што се случува полицаецу? Дали овој човек е во неволја?

„Оваа жена го доведе овој човек овде да се нахрани” – одговори полицаецот.

„Не овде, викна менаџерот, да имаш тука таков човек е лошо за бизнисот”.

Стариот Џек се насмевна без своите заби, и рече: „Ти реков жено, не ни сакав воопшто да доаѓам овде.”

Жената се сврте кон менаџерот на ресторанот и му рече: „Господине, дали ја познавате фирмата „Еди и партнерите” подоле на улицата?

„Секако, тие одржуваат неделно состаноци во нашите сали.”

„И дали заработувате доволно од храната која се служи на тие состаноци?”

„Јас сум Ана Еди, претседател на таа компанија. Мислев дека тоа ќе направи разлика.”

„Дали би ни се придружиле полицаецу?”

„Не, благодарам госпоѓо, јас сум на должност.”- одговори полицаецот.

„Може еден чај пред да одите? – Може. Одговори полицаецот гледајќи го менаџерот како заминува.” Навистина му покажавте каде му е местото.”

„Немав таква намера. Верувале или не, јас си имам причина за ова.”

Таа седна на масата и го праша нејзиниот зачуден гостин „Џек, дали ме познаваш?”

„Па ми изгледаш познато” – одговори стариот Џек.

„Може сум постара, и може со годините сум поправена за разлика од младите години, кога ти работеше тука, а јас се појавив на таа врата, смрзната и гладна.”

„Госпоѓо…?” не можеше да верува дека оваа убава дама некогаш била гладна.

„Тукушто излегов од факултет, дојдов во овој град да барам работа, но не можев да најдам ништо. Кога снемав пари ме избркаа од станот, одев по улици со денови, беше февруари, ми беше ладно и многу гладував. Го видов ова место и влегов мислејќи дека имам можност нешто да јадам.”

Џек се насмевна. „Сега се сеќавам.” – рече тој. Јас бев позади шанкот и ти се појави и ме праша дали може да работиш нешто за да јадеш, и јас реков дека е против политиката на компанијата.

„Знам, продолжи жената. Тогаш ти ми го направи најголемиот сендвич кој некогаш сум го видела, ми рече да седнам на масата и знаев дека се ќе биде во ред.”

„Па, ти започна ли свој бизнис?”

„Најдов работа истото попладне. Но, потоа почнав свој бизнис кој со Божја помош стана успешен. Таа извади визит картичка и му рече да дојде кај неа на работа, кај заменик директорот да му даде некоја работа во фирмата, и може и аванс за да купи алишта и место за живеење за да застане на нозе.

„Ако некогаш ти затреба нешто, мојата врата е секогаш отворена за тебе.”

Му потекоа солзи во очите на стариот Џек, „Како некогаш да ти заблагодарам? Праша тој.

„Не ми заблагодарувај на мене, туку на Бог. Тој ме доведе до тебе. Фала ти Господе.”

На излегување, пред да се разделат со полицаецот „Ти благодарам за помошта, полицаецу” рече таа.

„Напротив, госпоѓо Еди, ти благодарам тебе, видов денес чудо кое никогаш нема да го заборавам и благодарам на чајот.

© Порта.мк Преземањето на авторски содржини (текстови и фотографии) од оваа страница е дозволено само делумно со наведување на извор (хиперлинк) до содржината што се превзема.

Прочитај повеќе...

Занимливости

(ВИДЕО) Светско а наше! Дејан Киревски од Битола направи машина за дезинфекција, како и маска за заштита од Корона вирусот

Avatar

Објавено пред

на

Битолчанецот Дејан Киревски измисли автоматска машина за дезинфекција без допир.

Видео записот на Дејан Киревски веќе е достапно на ЈуТјуб платформата и котира одлично меѓу популацијата.

Во време кога владее можноста од зараза од Коронавирус овој начин на заштита од вирусот за многумина ќе биде добредојден, а може да го пробате бидејќи согласно мерките поради настанатата ситуација работите налагаат да седиме дома и да се занимаваме со некоја работа. 🙂

Погледнете го овој импресивен начин на изработка на машината, како и изработката на усната маска за заштита, уживајте и не заборавајте! #СедетеДома #ЗаштитиСе

Сите видеа достапни на неговиот официјален ЈуТјуб канал ТУКА

© Порта.мк Преземањето на авторски содржини (текстови и фотографии) од оваа страница е дозволено само делумно со наведување на извор (хиперлинк) до содржината што се превзема.

Прочитај повеќе...

Занимливости

Ова се сите тајни на авионските „црни кутии“

Avatar

Објавено пред

на

Црната кутија им служи на експертите за реконструкција на авионските несреќи. Што е всушност црната кутија и како функционира?

За експертите од германскиот Сојузен завод за истрага на воздухопловни несреќи (BFU), евалуацијата на црните кутии е секојдневна работа. „Мислам дека секоја втора седмица имаме такво нешто“, вели Јенс Фридеман, портпарол на заводот. „Такви евалуации се прават и за случаи кои не се толку спектакуларни, на пример и кај таканаречените сериозни инциденти“. Сериозни инциденти се случаи кои можат да се опишат како „за влакно избегнати несреќи“.

Црната кутија првенствено е посебно заштитен уред за снимање, сличен на хард диск или мемориска картичка. Тука се бележат сите релевантни податоци за летот, но и разговорите во пилотската кабина. Порано овие компоненти се снимале на два различни уреди. Во меѓувреме, постои и комбинирани уреди кои ги имаат и двата вида податоци. Сепак, според прописите, во леталото мора да има два такви комбинирани уреди.

Тестови за издржливост

Црната кутија мора да биде во состојба да издржи разни видови несреќи. Пред да се дозволи вградување во леталото, уред се тестира дали може да издржи: судир со бетонски ѕид при брзина од 750 километри на час, статичко оптоварување од 2,25 тони најмалку пет минути, 1.100 степени Целзиусови еден час и притисок на вода на длабочина од 6.000 метри.

За полесно да се пронајдат во море, уредите во контакт со солена вода испраќаат сигнал кој може да биде примен во радиус од околу два километри. Со оглед на толку краткиот опсег, тоа значи дека местото на несреќата мора да биде релативно прецизно познато.

Се снимаат и приватните разговори

Делот од црната кутија, кој е некаков вид диктафон, ги бележи сите звуци во пилотската кабина. Покрај разговорите на пилотите, се снимаат и автоматските пораки на компјутерите, радио врските, разговорот со екипажот на авионот и најавите на патниците. Уредот ги регистрира и звуците на прекинувачот и моторите.

Секако дека се снимаат и сите приватни разговори на пилотите – поради што многу внимателното ракувањето со аудио датотеката е важно и од аспект на заштита на личните податоци. Разговорите може да се евалуираат само поради истрага на несреќа или некакви дефекти. Се снима максимално 120 минути, а постарите рекордери само 30 минути. Технички е возможно пилотот снимањето да го стопира или избрише. Во пракса, вели Јенс Фридеман, тоа никој не го прави.

Зголемување на количината на податоци

Кога станува збор за рекордерот на податоци за летот, втората компонента на црната кутија, пилотот не може директно да пристапи до зачуваната датотека. Во постарите авиони, пилотите мораат да го вклучат пред стартот на леталото, а модерните машини тоа го прават автоматски. Количината на собраните податоци станува се поголема. „Денес таму се забележани стотици, понекогаш и илјада параметри“. Тоа е линијата на летот, надморската височина, брзината, локацијата, температурата на издувните гасови на моторот, позицијата на тркалата…

Податоците им помагаат на експертите во истрагата за причината на несреќата или некој сериозен инцидент, заради понатамошно намалување на потенцијалните извори за грешка. Меѓутоа, тие не можат во потполност да го реконструираат летот. „Тоа не се симулира во симулатор или со анимација, но врз основа на параметрите можеме нешто да заклучиме“.

За евалуација на црните кутии постојат само неколку специјализирани агенции ширум светот. И притоа, не може секоја агенција да ја евалуира секоја црна кутија. Сојузниот завод во Германија може да ги евалуира западните кутии и неколку кутии од руско производство. Според Фридеман, можно е во иднина да има и видео снимки со специфичен дисплеј во пилотската кабина. Исто така, се работи и на јакнење на сигналот на локаторот под вода.

Инаку, црната кутија никогаш не била црна – пропишано е да биде светло портокалова.

© Порта.мк Преземањето на авторски содржини (текстови и фотографии) од оваа страница е дозволено само делумно со наведување на извор (хиперлинк) до содржината што се превзема.

Прочитај повеќе...

Facebook

Последни објави

ХроникаПред 3 часа

Дневен Хороскоп (30.03) понеделник #ОстаниДома #StopCovid19

ОВЕН Работа: Промените и важните случувања кои ги очекувате нема да стапат на сцена денеска, па важно е да бидете...

Здравје и убавинаПред 3 часа

Ова е најдобриот начин да го зачувате здравјето на својот мозок

Здравата исхрана може да има најголема улога во квалитетот на работата на организмот, што како последица на тоа е долг...

Временска прогнозаПред 8 часа

На зимата не и се оди, нова најава за снег во среда попладне и навечер

Метеорологот Славчо Попоски со најава за снег во среда. На зимата никако не и се заминува, очекувана снежна покривка во...

ГејмингПред 9 часа

Нашиот сервер во CS 1.6 ги доби и првите /top10 играчи, додека серверот е +4000 rank на GameTracker

Нашата мисија за останување дома и играње Counter Strike 1.6 е успешно реализирана и продолжува на наше огромно задоволство. Кичевчани...

МакедонијаПред 9 часа

До моментов 259 заболени лица од Корона вирус во Македонија

Бројката од 16 новозаболени од корона вирус што ја соопштив на конференцијата за печат треба да се зголеми за уште...

Без категоријаПред 12 часа

СВР Охрид: Изминатото деноноќие седум лица од Кичево не почитувале забрана за движење во полициски час

Безбедносната состојба на подрачјето на седум општини што ги покрива СВР Охрид е стабилна. Изминатово деноноќие, во периодот од 07.00...

ХороскопПред 1 ден

Денешен Хороскоп (29.03) недела

ОВЕН За сите личности родени во овој знак кои се занимаваат со приватен бизнис, денешниот ден значи можност за остварување...

Здравје и убавинаПред 1 ден

Ова е најмоќниот лек против воспаление на синусите

Овој лек од рен и оцет е навистина моќен во борбата против воспаленија на синуси и главоболките кои се задолжителен...

Без категоријаПред 1 ден

Донација на „АТВА Маркети“ во кичевската Општа Болница

Во време на вонредната состојбата со Коронавирусот каде во денешно време треба што повеќе да покажеме општествена одговорност према граѓаните,...

СветПред 2 дена

Од ноќеска летно сметање на времето, каде часовникот ќе се помести еден час напред

Летното сметање на времето ќе почне ноќеска-недела, на 29 март, во 2 часот наутро, со тоа што часовникот ќе се...

НАЈЧИТАНИ