Македонија
Од денес полициски час од 16 до 5 часот, додека 27.000 дозволи беа издадени за движење
Забраната за движење на населението на територија на целата држава, од денеска почнува во 16 и завршува во 5 часот наутро во работните денови. Во деновите од викенд (сабота и недела) ќе има целодневен полициски час за сите граѓани, односно од 16 часот во петок до 5 часот во понеделник.
Согласно одлуката на Владата, лицата над 67-годишна возраст од денеска можат да се движат надвор само од 10 до 12 часот од понеделник до петок, а младите до 18 години во работни денови ќе може да излезат од дома само од 13 до 15 часот.
На јавни места е забрането движење на повеќе од двајца граѓани во групи, освен ако се работи за родител со свои деца кои имаат до 14 години. За земјоделските активности, дозволено е движење во територијата на селата и тоа само за работни потреби.
Забраната не важи за полицијата, армијата, здравствените работници, како и за маркетите и рестораните кои се доставувачи на производи. Аптеките ќе работат непречено.
– Исклучоците важат за вработените лица во МВР, припадниците на Агенцијата за национална безбедност, Министерството за здравство, Министерството за одбрана, противпожарните територијални единици, Царинската управа, земјоделските лица и фармери кои работат и се движат во атарот на руралните средини и оние кои одгледуваат раноградинарски култури и имаат неодложни активности за одгледување на истите во овој период, млеко производителите, како и другите лица и институиции опфатени во исклучоците за овие мерки и забрани, соопшти Владата.
Што се однесува до маркетите, тие треба да го прилагодат своето работно време согласно забраните за движење на територијата на државата и непречено да го организираат работниот процес.
Општинските кризни штабови треба да определат маркети кои ќе обезбедуваат најнеопходни намирници за врема на забраната за движење, а оние маркети кои се регистрирани да вршат достава на храна преку он-лајн порачки, непречено да ја извршуваат својата работа во сабота и недела. Штабовите, заедно со МВР, треба да го организираат движењето на лицата волонтери што ќе ги доставуваат најнеопходните намирници до домовите на граѓаните.
Владата вчера соопшти дека вработените во Скопје кои не живеат во главниот град, односно патуваат на работа, од денеска треба да бидат упатени да работат од дома. Административните и јавните службеници пак, треба да завршат со работните задачи и обврски навреме, со цел да можат да стасаат дома пред 16 часот кога почнува полицискиот час.
Министерствата и останатите органи на државната управа, пак, треба да го прилагодат работното време согласно со забраната за движење, односно административните и јавните службеници треба да завршат со работните задачи и обврски навреме, со цел да можат да стасаат дома пред 16 часот кога почнува полицискиот час, се наведува во соопштението на Владата.
Министерот за информатичко општество и администрација, Дамјан Манчевски, вчера соопшти дека се издадени вкупно 27 илјади дозволи за движење за време на полицискиот час, за различни категории претставници на институции или други категорија граѓани. Појасни и дека таква дозвола може да добијат и оние кои негуваат немоќно и болно лице.
До МИОА по електронски пат треба да се достават лични податоци за барателот на дозволата, односно име и презиме, матичен број и телефонски број, како и медицинска потврда што ја докажува медицинската состојба на лицата за кои тие се грижат. Дозволата се издава исто така електронски и секој ќе ја добие на својот мејл, рече Манчевски.
Новите мерки, според министерот за здравство Венко Филипче, во моментов се доволни, но сепак државата е подготвена да воведе и поригорозни, доколку се укаже потреба за тоа.
-Засега нема најава дека статистиките ќе поминат во некаква позагрижувачка форма, односно дека ќе почне експоненцијално да расте бројот на пациенти заболени од коронавирусот. Сметаме дека овие мерки се доволни, целосно ограничен викенд, разграничување на двете старосни групи и согласно тие резулати сме подготвени да интервенираме во мерки, вели Филипче.
Јавното обвинителство вчера излезе со збирен податок дека досега поднело кривични пријави против повеќе од 500 лица за непочитување на мерките за спречување на болеста Ковид-19.
Само во Скопје се пријавени 178 лица кои не ги почитувале пропишаните мерки. Пријави се поднесени и за граѓани на Дебар, Прилеп, Битола, Куманово, Струмица, Гостивар, Тетово, Гевгелија, Кавадарци, Делчево, Радовиш, Берово, Свети Николе, Штип, Охрид, Кичево, Струга и Кочани. Според членовите 205 и 206 од Кривичниот закон, за прекршителите на мерките се предвидени парични и затворски казни.
Македонија
Викендов започнува летното сметање на време, ноќта во недела стрелките на часовникот ги поместуваме еден час по напред
Летното сметање на времето во 2024 година започнува викендов, односно на 31 март (недела) во 02:00 часот по полноќ, така што со поместување за еден час нанапред во 02:00 часот, се смета како 03:00 часот.
– Летното сметање на времето завршува на 27 октомври во 03:00 часот, така што со поместување за еден час наназад времето во 03:00 часот, се смета како 02:00 часот.
Одлуката на Владата за воведувањето летното сметање на времето е согласно Законот за сметање на времето и согласно европски директиви. Инаку Владата, на предлог на Министерството за економија, вчера на седница донесе Одлука за денот и моментот на воведувањето и денот и моментот на завршувањето на летното сметање на времето во 2024 година.
Македонија
Од среда целосно затворање на делница Прилеп – Битола државен пат „P1101“
Времена измена на режим на сообраќај на државен пат Р1101 делница Прилеп – Битола заради интезивирање на градежни активности во врска со проект „Санација на трупот на патот кај мост на река Шемница на Државен пат Р1101 км 85+903, делница Прилеп – Битола“ и тоа од 27.03.2024 ќе има целосно затворање на делницата, истакна АМСМ.
Македонија
(ВИДЕО) Ноќва превој „Стража“ под снежна бура, апел за поголемо внимание додека минувате
Предмалку до нашиот портал пристигна видео од превој „Стража“ каде се забележува дека паѓа снег и се задржува на коловозот.
Имено состојбата моментално може да се карактеризира како алармантна со оглед на тоа дека законот за поседување зимски гуми и опрема заврши, така што апелираме за поголемо внимание додека преминувате преку овој превој.
До сега немаме дополнителни информации како се останатите превои каде често знае снегот да изненади и на пролет.
Исто така се забележани екипи на ЈП Македонија Пат кои работат активно на терен, така што се очекува овој снежен бран кратко да не создава дополнителни проблеми за движење.
Имајте безбеден пат, возете почитувајќи ги патните сообраќајни знаци и услови на патот.
-
Хороскоп1 ден
Хороскоп за четврток (28 март)
-
Хороскоп9 часа
Хороскоп за петок (29 март)
-
Кичево13 часа
Во петок сите патишта водат на хуманитарниот концерт за Владо Симјановски, бидете дел и уште еднаш да ја покажеме нашата хуманост на дело!
-
Кичево2 дена
ССНМ во Кичево организира работен состанок со новинари од локални медиуми
-
Спорт2 дена
Нова победа на македонската репрезентација до 18 години на силниот меѓународен турнир „Анталија Куп 2024″
-
Lifestyle2 дена
Дали знаете што значи WC?
-
Кичево19 часа
МВР: Вкупно 15 кичевски возила-јавни превозници вчера биле пратени на вонреден технички преглед
-
Магазин2 дена
iPhone конечно добива функција која Android ја има веќе 15 години