И понатаму продолжува периодот на стабилно, суво и сончево време со мала локална облачност. Повремено ќе има услови за изолирана попладневна нестабилност проследена со краткотраен пороен дожд, грмежи и засилување на ветерот, особено во сабота и во текот на следната недела. Ќе дува слаб до умерен ветер од северен и од североисточен правец, и истиот повремено на некои места ќе засилува.

Температурите ќе бидат пријатни и максималните ќе се искачуваат во интервалот од 27 до 34 степени.

Од недела, па во текот на следната седмица нашата територија ќе се наоѓа под влијание на МНОГУ ТОПЛА воздушна маса која ќе биде со потекло од југ (северните предели на Африка. Температурите на воздухот ќе бележат тенденција на многу брз пораст и ќе се искачуваат во интервалот од 33 до 39 степени.

Од средината на следната седмица , исто така температурите во најтоплите предели има услови и да надминуваат 40 степени, а УВ ИНДЕКОСТ ќе има МНОГУ ВИСОКА вредност (коефициент 10).

Пишува: Славчо Попоски

Нестабилното време ќе се задржи до самиот крај на денешниот ден а локална нестабилност ќе имаме уште утре кога ќе има пороен дожд, грмежи и засилен ветер.

Локално сеуште ќе има услови за појава на НЕВРЕМЕ проследено со обилен пороен дожд, силен ветер, силни електрични празнења и појава на град. Температурите ќе се искачуваат во интервалот од 25 до 33 степени.

Веќе од среда под влијание на стабилна и сува воздушна маса, времето ќе биде стабилно, суво и сончево со мала локална облачност.

Ќе дува слаб до умерен, а утре кон крајот на денот и навечер и во среда и тоа особено Долж Повардарието ЗАСИЛЕН ветер од северен правец.

Сепак температурите ќе бидат релативно пријатни, што значи не се очекуваат екстремно високи температури. Минималните ќе се спуштаат во интервалот од 14 до 22 степени, додека нешто посвежо утро ќе имаме во четврток кога минималните температури ќе се спуштаат во интервалот од 9 до 19 степени во најтоплите предели.

Максималните температури ќе се искачуваат во интервалот од 25 до 34 степени.

И во скопскиот регион од среда ќе имаме целосно стабилизирање на времето и многу повеќе сонце. Утре кон крајот на денот и навечер, како и во среда ќе дува умерен до засилен северен ветер. Температурата ќе се искачува во интервалот помеѓу 28 и 29 степени.

Овие денови УВ ИНДЕКСОТ ќе има МНОГУ ВИСОКА вредност (коефициент околу 10).

Одсега гледано, нов изразен топлотен бран со потекло од Африка, нашата територија треба да ја зафати некаде од околу 25, 26 јули. – Состојбата ќе се следи.

Од следните часови па се до вторник нашата територија ќе се наоѓа под влијание на циклонска активност и на влажна и нестабилна воздушна маса која на повеќе места ќе условува врнежливо време.

Ќе има и развој на нестабилна облачност проследена со пороен дожд, грмежи и засилен ветер.

Локално процесите ќе бидат ИНТЕНЗИВНИ и застепени во форма на НЕВРЕМЕ проследено со интензивен пороен дожд кој може да услови локални поплавувања, силен ветер, електрични празнења и појава на град.

Поинтензивни процеси особено се очекуваат во западните, југозападните и северните предели.

Температурите ќе се искачуваат во интервалот од 26 до 35 степени.

Доста нестабилно време се очекува и во Скопје и околината со повремен пороен дожд, грмежи, засилен ветер и услови за локална појава на НЕВРЕМЕ. Температурата овие денови во Скопскиот регион ќе се искачуваат во  интервалот од 30 до 33 степени.

НАПОМЕНА: Локално обилните врнежи за релативно кратко време кој се очекуваат во следниот период може да условат зголемување на нивоата на реките и езерата во Македонија, особено во западните, југозападните и северните предели.

Можно е излвање на помалите реки, па затоа доколку граѓаните се движат и тоа особено со автомобил во близина на реките да бидат КРАЈНО ПРЕТПАЗЛИВИ.

Исто така граѓаните да бидат КРАЈНО ПРЕТПАЗЛИВИ и во случај на појава на НЕВРЕМЕ.

Пишува: Славчо Попоски