Полека, но сигурно наближува најголемиот спортски настан за оваа година. Уште 12 дена нѐ делат од најпознатата трка во Македонија и на Балканот, Виз Ер Скопски маратон, кој ќе се оддржи по 19ти пат. Маратонот е сертифициран од страна на АИМС и Светска атлетика и е дел од квалификациските трки за Светско првенство во старосни категории, под капата на ABBOTT WORLD MARATHON MAJORS, кое ќе се одржи во Чикаго на 8 октомври оваа година.

Сите заинтересирани тркачи, кои сè уште не се пријавиле на настанот, тоа можат да го направат заклучно со 20^ти септември 2023 на официјалната страна на Виз Ер Скопски маратон http://skopskimaraton.com.mk/prijavuvanje/.

19^то издание на Виз Ер Скопски маратон, ќе се оддржи во недела на 01.10.2023 година со традиционалните трки, кои се дел од оваа спортска манифестација. Стартот на маратонот ќе биде пред Собранието на Р. Македонија, додека целта ќе биде Плоштадот „Македонија“. Стартот на сите трки ќе биде во 08:00 часот.

Подигнување на стратните пакети сите учесници ќе имаат можност да го направат на 29^ти и 30^ти септември 2023, (петок и сабота), на Маратон и Спорт Експо 2023, во СЦ Јане Сандански, од 10:00 до 20:00 часот. При подигнување на пакетите, тркачите ќе треба да прикажат потврден меил од пријавата или документ за идентификација.

Секој учесник на Виз Ер Скопски маратон добива вредносен ваучер од 20 евра од насловниот спонзор на трката, Виз Ер, кој можат да го користат до наредното издание на маратонот.

Виз Ер Скопски маратон е во организација на Сојузот на спортови на Скопје, во соработка со Атлетски Клуб „Работнички“ од Скопје, а под покровителство на Град Скопје, Делегацијата на ЕУ и Агенцијата за млади и спорт.

Подетални информации поврзани со маратонот може да се најдат на официјалната веб страна на трката: skopskimaraton.com.mk, како и на официјалните профили на Виз Ер Скопски маратон на социјалните мрежи Facebook и Instagram.

Секторот за внатрешни работи Скопје, односно Единицата за безбедност на патниот сообраќај на 27/28.08.2023 поради снимање на музички спот од страна на Друштво за продукција и услуги „Мелем продукција“ ДООЕЛ, Скопје ќе преземе мерки за посебен режим на сообраќај во центарот на Скопје.

Имено, во периодот од 23.00 на 27 август до 06.00 часот на 28 август затворен за сообраќај во двете насоки на движење ќе биде бул.„Илинден“, на потегот од крстосница со бул. „Св. Климент Охридски“ до ул.„Наум Наумовски Борче“, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците опфатени со посебниот режим на сообраќај, велат од МВР.

Екипа на ТВ Алсат денеска била нападната додека била на должност и снимала на јавно место, така што прво вербално, а потоа и физички напад се случил во Старата скопска чаршија, додека двете новинарки на Алсат Ера Ѓакова и Сара Хоџа заедно со снимателот биле на терен. Лице кое има продавница во близина, без повод и причина со остар предмет им се заканувал на новинарките и на снимателот, дури и по живот. Потоа, без повод и причина, лицето физички го нападнало снимателот, нанесувајќи му повеќе повреди на различни делови од телото.

– „Си ја работевме нашата работа бидејќи новинарството многу голем дел е на терен. Снимавме на јавно место во Старата скопска чаршија без да нарушиме ничија приватност. Неочекувано ни се појави еден кој има дуќан во Старата чаршија, па сфативме дека е бербер. Почна да ни се заканува, особено на снимателот. Заканите беа – ќе те распарчам, пцовки и разни навреди. И покрај тоа што се обидовме да заминеме, лицето се врати во продавницата и излезе. Почна физички да го напаѓа снимателот, снимателот падна на земја и има повреди на различни делови од телото“, за нивниот медиум вели новинарката Ера Ѓакова.

При физичкиот напад била оштетена и опремата на снимателот, така што ЗНМ веднаш контактираше со новинарката од Алсат, Ера Ѓакова која беше видно вознемирена го потврдила инцидентот и даде конкретни информации дека:

• Екипата со која снимале на терен била нападната без причина од страна на непознато лице, ситуацијата била непредвидлива и многу вознемирувачка, особено за нападнатиот снимател а и за колешката Сара Хоџа на која ова не и е прв пат да биде нападната, „лицето по нападот се врати во дуќанот а потоа повторно излезе, но кога виде дека веќе се собраа минувачи да помогнат а и дека е повикана полициска екипа се упати во непознат правец”.

ЗНМ бара од Министерството за внатрешни работи да спроведе брза и ефикасна истрага во интерес на пронаоѓање и санкционирање на напаѓачот.

Заканите по живот се кривични дела предвидени во Кривичниот законик а МВР и ОЈО, треба итно да ги истражат и процесираат со цел да ги казнат оние кои го прекршуваат законот но и да превенираат евентуални вакви кривични дела во иднина, истакнаа од Здружението на новинари на Македонија, па оттука и ние прашуваме, до кога новинарите ќе бидат мета и цел на вакви напади, неможејќи да си ја работат својата работа?