Култура
Queen Don’t stop me now прогласена за најсреќна песна во историјата (ВИДЕО)
Неколку неповрзани истражувања покажаа дека слушањето на весела и динамична музика влијае на расположението на слушателот. А сега, група научници се обидоа да ја пронајдат совршената „среќна песна“.
Невронаучникот Џејкоб Џолиџ креираше формула за откривање среќни песни преку проучување на 126 песни кои беа издадени во период од 50 години.
Британската електронска компанија Alba направи истражување во кое Британците одговараа која песна ги прави да се чувствуваат најсреќни. Кога беа познати резултатите, Џолиџ ја скрати листата на 126-те песни со најмногу гласови и продолжи со анализирање на секоја од нив. Тој го анализираше темпото, октавата и жанрот на секоја од песните, а ги зема предвид и текстовите.
„Шемата беше многу, многу јасна. Просечното темпо на ‘среќната песна’ е значително повисоко отколку кај просечната поп песна. Ако темпото на просечната поп песна е 118 удари во минута (bpm), листата на ‘среќни песни’ имаше просечно темпо од околу 140 до 150 bpm“, пишува во истражувањето на Џолиџ.
Со преку две третини од гласовите и со одобрување добиено од формулата на Џолиџ, најсреќната песна на светот е „Don’t Stop Me Now“ од групата „Квин“.
Откако истражувањето на Џејкоб Џолиџ беше објавено во јавност, тој доби многу негативни коментари и критики, кои го обвинуваа дека резултатот од истражувањето е невалиден.
Поголемиот дел од коментарите се однесуваа на начинот на кој беше направено истражувањето, бидејќи Џолиџ користел само мислења на испитаници од неговата земја. Интернет коментарите велат дека секоја земја си има своја „среќна песна“ и затоа не се сложуваат дека „Don’t Stop Me Now“ е универзален извор на среќа за секого.
Култура
Честитки по повод верскиот празник „Рамазан Бајрам“ на сите припадници на исламската вероисповед
Токму денес на сите наши читатели, поддржувачи на пишаниот збор од информативен и јавен карактер – Ви го честитаме срдечно највозвишениот ден од исламскиот календар, празникот Рамазан Бајрам, посакувајќи празнична радост во сите муслимански семејства.
/Порта.мк
Култура
Денес се слави „Благовец“ празник на мајките, честит именден на Благој, Благица, Блаже..
Името на празникот Благовештението е истоименито со Евангелието.
Тие носат исто име. Евангелие е Благовестие, Благовештение. Празникот така и се нарекува на грчки јазик: Евангелизмос (ЈО Еујаггелисмовч), а на старомакедонски (црковно-словенски) јазик: Благовештение(БлаговѕГен·е). Составено е од два збора: блага + вест, радосна вест.
Свето Благовештение е Богородичен празник, односно еден од празниците посветени на Пресвете Богородица. Тие се поврзани со животот на Божјата Мајка. Таков е и овој празник. Со право некои го сметаат и за двоен празник: Господов и Богородичен. Господов, бидејќи на овој ден Господ Исус Христос се воплотил зачнал, а Богородичен, бидејќи Богородица постанала Божја мајка.
Полното име на празникот е: Благовештение на Пресвета Богородица. Се сретнува, обично во руски и црковно-словенски богослужбени книги и како Благовештение на Пресветата Владичица наша Богородица и Приснодева Марија.
Бил именуван и како: Благовештение на Марија од ангелот, Зачнување Христово, Почеток на искупувањето, Почеток на спасението, Благовештение за Христа, а во ВИИ век е усвоено името: Благовештение на Пресвета Богородица.
Благовештение го празнуваат и Источната и Западната црква.
Неговото народно именување е Благовец, Благоец, Благостене, Благовден, Половина Велигден, Блошчење, Кукувден.
Благовец празник на мајките
Благовец е празник на Божјата Мајка, а според старата црковна традиција е и празник на сите мајки Денот на мајките. Новото нецрковно време го заменуваше со празнувањето на 8 Март, па се подзаборава дека Благовештение е празникот на мајките.
На Благовец е денот на мајките, затоа што Богомајката Богородица е заштитничка на сите мајки кои зачнале и станале мајки. Тоа е ден на мајката која дала нов живот. Тогаш децата и благодарат на мајката, ја гушкаат и и даваат дарови во знак на љубов, почит и внимание.
Мајките, пак, ги благословуваат децата и тие да имаат свои рожби и радости.
Денес, бакнете ја мајка ви. На овој ден се покажува особена сострадалност и помош кон сирачињата, кон бедните и кон унесреќените.
Именден
Именден празнуваат: Благој, Блаже, Блажо, Благин, Благомил, Благомир, Благовестин, Благун, Евангел, Вангел, Блага, Благица, Благана, Блажена, Благојка, Благуња, Благодатка, Благовеста, Бонка, Вангелија, Евангелица и др.
Датум на празникот
Празникот Благовец е секогаш на 7 април (односно 25 март, по стар стил). Датумот не го менува и е од групата на постојаните празници.
Постојат две причини за поврзувањето на Благовец со овој датум: Првата е поврзаноста со Божик, а втората, со создавањето на човекот.
Уште од древноста, секогаш се празнувал на овој датум. Благовец е строго поврзан со Божик. Се празнува точно девет месеци пред Божик. Неговата поврзаност со Христовото раѓање не му дава да биде изместен, бидејќи тој е датумот на зачнувањето (7 април / 25 март с.к.), а девет месеци потоа е Раѓањето на Господа Исуса Христа (7 јануари / 25 декември с.к.).
Култура
Соопштение за Крстопоклона Недела и за празникот Благовештение
Минувајќи ги деновите на благословениот пост, се наоѓаме веќе на неговата средина, во која е забодено чесното дрво на Крстот Христов за поклонение, за да нацрпиме сила за до крајот. Но оваа година ни се дава удвоена сила поради тоа што до Крстот Христов е и Пресветата Богородица, односно во Крстопоклона Недела се слави и Благовештението на Пресветата.
Затоа, со особена радост ве покануваме на сеноќното молитвено бдение во Манастирот на Светото Благовештение – Пречиста Кичевска, коешто ќе започне во сабота, на 6 април, во 20:30 часот. На наша голема чест и радост на бдението молитвено ќе присуствуваат Митрополитот на Имврос и Тенедос г. Кирил од Вселенската Патријаршија, Митрополитот на Дидимотихо, Орестијада и Суфли г. Дамаскин од Црквата на Грција, како и Митрополитот Европски г. Пимен, Епископот Делчевско-каменички г. Марко и секако, нашиот Старец и Игумен, Епископ Антаниски г. Партениј.
Света Архиерејска Литургија ќе биде отслужена одделно од бдението и ќе започне во недела, во 09:00 часот.
Благодатта на Пресветата Царица во нејзиниот Свештена Пречистанска Обител ги повикува сите да земат удел во радоста на манастирската слава.
Петок
– 19:00 Акатист на Пресвета Богородица
Сабота
– 16:00 Мала Вечерна
– 20:30 Бдение
Недела
09:00 Божествена Архиерејска Литургија
-
Хороскоп2 дена
Хороскоп за среда (17 април)
-
Хороскоп17 часа
Хороскоп за четврток (18 април)
-
Кичево1 час
ОУ Д-р „Владимир Полежиноски“ од Кичево оваа недела ќе биде домаќин на гости од Романија и Полска, додека утре ќе се одржи „Safe Spot Festival“
-
Хроника3 часа
Вчера во кумановско се случила тешка сообраќајна несреќа, жител од Куманово се здобил со тешки телесни повреди костатирани во комплексот клиники „Мајка Тереза“ во Скопје.
-
Магазин1 ден
Социјалната мрежа X воведува претплата за нови корисници
-
Спорт2 дена
Фудбалските федерации во регионот, вклучувајќи ја и нашата дадоа своја безусловна поддршка за актуелниот претседател на УЕФА, Александар Чеферин
-
Спорт16 часа
Кралскиот клуб по „пенал рулетот“ обезбеди полуфинале, Начо: „Магична ноќ, за ова се живее“
-
Магазин1 ден
Кинескиот одговор на ChatGPT достигна 200 милиони корисници