Култура
Почина Бранко Лустиг, продуцентот на култните филмови “Gladiator” и “The Schindler’s List”
Најпознатиот хрватски продуцент Бранко Лустиг почина утринава во Загреб, пишуваат хрватските медиуми.
Лустиг почина на 87-годишна возраст, а причината за смртта сè уште не е позната.
Освен што беше најпознат хрватски продуцент, Лустиг е и двоен добитник на Оскар за филмовите “The Schindler’s List” од 1993 година и “Gladiator” од 2000 година.
Роден е во Осијек во 1932 година, а поради еврејското потекло бил затвореник во злогласните концетрациони логори Аушвиц и Берген-Белсен за време на Втората светска војна.
Поминал повеќе од 50 години во филмската индустрија, а кариерата ја започнал работејќи на филмовите “Ne okreći se, sine” и “Kozara”. Во седумдесеттите години на минатиот век работел со странски копродукции, а таа работа и познанствата му овозможиле да замине во Лос Анџелес во 80-тите години.
Набрзо го запознал Стивен Спилберг со кој го создал филмот “The Schindler’s List” , освоил Оскар и станал влијателен продуцент во Холивуд. Пo “The Peacemaker” со Џорџ Клуни и Никол Кидман, почнал да соработува со Ридли Скот со кој, по “Gladiator”, соработувал и на филмовите “Hannibal”, “Black Hawk Down”, “Kingdom of Heaven”, “A Good Year” и “American Gangster”.
Пред 10 години Лустиг одлучил да се врати во Хрватска, а оваа година беше прогласен за почесен граѓанин на Загреб за исклучителниот придонес за промовирање на вредноста на демократското општество, филмската уметност и културата на разбирање на различностите.
Култура
Кичевчанецот Зоран Стефаноски го претстави својот нов соло проект наречен Fly Above
Неговиот седми музички проект „Fly Above“ штотуку е објавен на Youtube, зад себе има уште шест музички проекти наречени “The Beginning”, “Between Passion And Suffering”, “Empire Of Slaves”, “Butchered Hope”, “Wrath Of The Innocent” и “Hand Of Salvation And justice”кој може да ги преслушате на неговиот Youtube канал.
Кичевчанецот, освен што е комплетен автор, тој е и комплетен изведувач на темата, аудиото, миксот и мастерингот се на Христијан Ѓоргиевски, а сето тоа визуелно ни го претставија Александар Вренцовски и Ненад Милошески
Послушајте, споделувајте и се надеваме ќе ви се допаднe.
Култура
Честитки по повод верскиот празник „Рамазан Бајрам“ на сите припадници на исламската вероисповед
Токму денес на сите наши читатели, поддржувачи на пишаниот збор од информативен и јавен карактер – Ви го честитаме срдечно највозвишениот ден од исламскиот календар, празникот Рамазан Бајрам, посакувајќи празнична радост во сите муслимански семејства.
/Порта.мк
Култура
Денес се слави „Благовец“ празник на мајките, честит именден на Благој, Благица, Блаже..
Името на празникот Благовештението е истоименито со Евангелието.
Тие носат исто име. Евангелие е Благовестие, Благовештение. Празникот така и се нарекува на грчки јазик: Евангелизмос (ЈО Еујаггелисмовч), а на старомакедонски (црковно-словенски) јазик: Благовештение(БлаговѕГен·е). Составено е од два збора: блага + вест, радосна вест.
Свето Благовештение е Богородичен празник, односно еден од празниците посветени на Пресвете Богородица. Тие се поврзани со животот на Божјата Мајка. Таков е и овој празник. Со право некои го сметаат и за двоен празник: Господов и Богородичен. Господов, бидејќи на овој ден Господ Исус Христос се воплотил зачнал, а Богородичен, бидејќи Богородица постанала Божја мајка.
Полното име на празникот е: Благовештение на Пресвета Богородица. Се сретнува, обично во руски и црковно-словенски богослужбени книги и како Благовештение на Пресветата Владичица наша Богородица и Приснодева Марија.
Бил именуван и како: Благовештение на Марија од ангелот, Зачнување Христово, Почеток на искупувањето, Почеток на спасението, Благовештение за Христа, а во ВИИ век е усвоено името: Благовештение на Пресвета Богородица.
Благовештение го празнуваат и Источната и Западната црква.
Неговото народно именување е Благовец, Благоец, Благостене, Благовден, Половина Велигден, Блошчење, Кукувден.
Благовец празник на мајките
Благовец е празник на Божјата Мајка, а според старата црковна традиција е и празник на сите мајки Денот на мајките. Новото нецрковно време го заменуваше со празнувањето на 8 Март, па се подзаборава дека Благовештение е празникот на мајките.
На Благовец е денот на мајките, затоа што Богомајката Богородица е заштитничка на сите мајки кои зачнале и станале мајки. Тоа е ден на мајката која дала нов живот. Тогаш децата и благодарат на мајката, ја гушкаат и и даваат дарови во знак на љубов, почит и внимание.
Мајките, пак, ги благословуваат децата и тие да имаат свои рожби и радости.
Денес, бакнете ја мајка ви. На овој ден се покажува особена сострадалност и помош кон сирачињата, кон бедните и кон унесреќените.
Именден
Именден празнуваат: Благој, Блаже, Блажо, Благин, Благомил, Благомир, Благовестин, Благун, Евангел, Вангел, Блага, Благица, Благана, Блажена, Благојка, Благуња, Благодатка, Благовеста, Бонка, Вангелија, Евангелица и др.
Датум на празникот
Празникот Благовец е секогаш на 7 април (односно 25 март, по стар стил). Датумот не го менува и е од групата на постојаните празници.
Постојат две причини за поврзувањето на Благовец со овој датум: Првата е поврзаноста со Божик, а втората, со создавањето на човекот.
Уште од древноста, секогаш се празнувал на овој датум. Благовец е строго поврзан со Божик. Се празнува точно девет месеци пред Божик. Неговата поврзаност со Христовото раѓање не му дава да биде изместен, бидејќи тој е датумот на зачнувањето (7 април / 25 март с.к.), а девет месеци потоа е Раѓањето на Господа Исуса Христа (7 јануари / 25 декември с.к.).
-
Хороскоп1 ден
Хороскоп за вторник (23 април)
-
Хороскоп10 часа
Хороскоп за среда (24 април)
-
Македонија2 дена
Од ноќеска бензинот со нова покачена цена, дизелот се намалува
-
Lifestyle2 дена
Колку долго можеме да ја чуваме мократа облека во машината за перење?
-
Магазин2 дена
Netflix налути многу корисници со еден потег, но се покажа како одлична одлука
-
Магазин22 часа
iPhone 16 може да остане без физички копчиња
-
Магазин22 часа
Meta се затвора во Турција
-
Спорт16 часа
КМФ „Форца 2015“ е освојувач на Купот на Македонија во футсал