Во текот на претстојната ноќ ќе има повремен локален дожд и снег на планините.

Поради спуштање на значително постудена воздушна маса од север ќе започне да дува северен и североисточен ветер кој полека ќе засилува на интензитет, во текот на ноќта и утре услови за провејување на снег ќе има и на местата со помала надморска височина, особено во северната половина од државава.

Максималните дневни температури од утре ќе бидат многу пониски и ќе се искачуваат во интервалот од 3 до 10 степени.

Разведрување на времето насекаде ќе има во текот на утрешната ноќ, токму поради ова и температуритењ на воздухот во вторник наутро ќе бидат насекаде негативни и ќе се спуштаат во интервалот од -11 до -3 степени.

Нова промена на времето и врнежи ќе има од четврток.

Инфо: Славчо Попоски

Утре ќе имаме позначителна облачност, додека во вечерните и во ноќните часови ќе има услови за сосема слаб и локален дожд, на повисоките места и на планините ќе има слабо провејување на снег. Исто така поради продор на значително постудена воздушна маса која се спушта од север, ќе започне да дува северен и североисточен ветер кој во текот на утрешната ноќ и во понеделник ќе биде со умерен, повремено и со засилен интензитет.

Максималните дневни температури утре ќе се искачуваат во интервалот од 7 до 14 степени, додека од понеделник ќе бидат значително пониски и ќе се искачуваат во интервалот од 3 до 9 степени.

Поради разведрувањето, во вторник наутро ќе имаме многу студено утро со минимални температури на воздухот кој ќе се спуштаат во интервалот од -11 до -3 степени.

Нова промена на времето и врнежи ќе имаме од среда во текот на ноќта кон четврток, детални информации околу ова понатаму.

Подготви: Славчо Попоски

Студениот воздушен бран полека но сигурно и се приближува на нашата територија и кај нас ќе стигне во недела, а најмногу ќе се почувстува од понеделник кон крајот на денот и во вечерните и ноќните часови, кога температурите на воздухот значително ќе опаднат а сево ова ќе биде проследено и со умерен до засилен ветер од северен правец.

За време на викендов исто така облачноста постепено ќе се зголемува, а од недела попладне ќе има услови за слаби локални врнежи од дож и снег на планините, во понеделник услови за провејување на снег ќе има и на повисоките места.

За време на викендов максималните дневни температури на воздухот ќе се искачуваат во интервалот од 7 до 15 степени, додека наутро ќе биде студено со негативни температури на повеќе места.

На самиот почеток од следната недела максималните дневни температури ќе се искачуваат во интервалот од 4 до 13 степени во најтоплите предели од државава.

Во понеделник попладне и навечер температурите позначително ќе опаднат со што особено студено утро ќе имаме во вторник со минимални температури кој ќе се спуштаат во интервалот од -11 до -3 степени.

Подготви: Славчо Попоски