На денешен ден во кобното утро на 26.02.2004 – владиниот авион – Кингер, се урна помеѓу селата Хусковичи и Ротимље, каде Македонскиот претседател Борис Трајковски, шест члена делегација и двајца пилоти загинаа на 15-километри јужно од Мостар.

Трајковски дипломирал на Правниот факултет во Скопје, во 1980 година, специјализира деловно право и право на работни односи.

Роден бил на 25 јуни 1956 година во Струмица. Повеќепати бил на студиски престој во САД. До 1997 година бил раководител на правната служба во градежното претпријатие „Слобода“ во Скопје. Од 1997 до 1998 година бил шеф на Кабинетот на градоначалникот на Општина Кисела Вода.

Тој бил претседател на Комисијата за надворешно-политички односи на ВМРО-ДПМНЕ и главен политички советник за надворешна политика на тогашниот македонски премиер Љубчо Георгиевски. Од 21 декември 1998 година ја извршувал функцијата заменик-министер за надворешни работи на Република Македонија.

На 15 декември 1999 година бил инаугуриран за претседател на Република Македонија.

Вечна слава!

ОУ „Кузман Јосифоски – Питу“ – Кичево денес одбележа 60 години од своето постоење. Поради пандемијата со COVID-19 одбележувањето помина без собири, но со видеомонографија подготвена со учениците од I до IX одделение под менторство на сите наставници во училиштето. Видеомонографијата премиерно беше поставена на нивната Facebook страна, но и на YouTube каналот во 10 часот утрово, истата беше дело на Фото Зоран, а се прикажуваше и во 19 часот попладнево.

Концептот на програмата беше фокус врз целокупниот воспитно – образовен процес: рецитали, музички точки, мали драмулетки на англиски јазик, особен акцент врз теми од природната група на предмети. Фокус врз едно модерно, иновативно училиште, кое поседува голем број на талентирани ученици и посветени наставници.

– „Нашето училиште во текот на своето постоење, подготвило многу кадри што оставиле белег во општествениот и научниот живот во нашиот град, како и во нашата држава. Затоа, сите ние можеме да бидеме горди што сме дел од ова училишно семејство, кое од година во година бележи особен развој“ – за нашиот медиум изјави директорот, Драган Андрески.

Во последните 24 часа се направени 2.972 тестирања, а регистрирани се 582 нови случаи на ковид-19 во:
-Скопје 274
-Прилеп 55
-Кавадарци 40
-Куманово 24
-Гевгелија 23
-Неготино 20
-Тетово и Велес по 18
-Охрид 13
-Струмица 12
-Битола и Кочани по 10
-Гостивар 9
-Штип и Струга по 8
-Крушево 7
-Крива Паланка и Богданци по 5
-Валандово 4
-Дебар и Виница по 3
-Ресен, Делчево, Пробиштип, Кратово и Демир Капија по 2, Кичево, Демир Хисар и Берово по 1

Починати се 13 лица, 6 пациенти од Скопје (64г, 66г, 72г, 74г, 77г и 89г), три од Прилеп (48г, 72г и 83г), и по еден смртен случај е пријавен од Штип (61г), Охрид (75г), Крива Паланка (83г) и Пробиштип (79г). Од пријавените смртни случаи сите се починати во болнички услови.

Регистрирани се 374 оздравени пациенти од:
-Скопје 160
-Охрид 59
-Струга 24
-Кавадарци 20
-Прилеп 14
-Тетово 12
-Гевгелија и Велес по 9
-Куманово 8
-Ресен 7
-Дебар 6
-Битола, Штип и Радовиш по 5
-Делчево 4
-Неготино, Гостивар, Крива Паланка и Берово по 3
-Струмица, Крушево, Валандово, Пробиштип, Кратово и Кичево по 2
– Кочани, Виница и Македонска Каменица по 1

Досега во земјата се направени вкупно 512.692 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 101.214, бројката на оздравени пациенти е 90.685, на починати е 3.111, а бројот на активни случаи изнесува 7.418.