Спорт
Познати сите учесници во четвртфиналето на Лигата на Европа
Челзи го декласираше Динамо Киев со 5:0 како гостин по „хет-трикот“ на Оливие Жиру и со вкупен резултат од двете средби 8:0 го елиминира со неочекувана леснотија украинскиот клуб.
Наполи загуби на гостувањето кај Ред Бул во Салцбург со 1:3, но продолжува напред, откако ги победи Австријците со 3:0 во Неапол.
Валенсија се спаси со гол на Гонзало Гедеш во дополнителното време на реваншот со Краснодар, кој заврши со резултат 1:1. Во првата средба, „лилјаците“ беа победија со 2: 1 против рускиот тим, кој беше на чекор од четвртфиналето по погодокот на Магомед-Шапи Сулејманов во 85-тата минута. Меѓутоа, во 93. минута Гедеш ги шокираше домаќините и ја рангираше шпанската екипа за следната фаза.
Во Лондон, Арсенал победи со 3:0 против Рен и се реваншира за поразот со 1:3 на француска земја. Два гола за „топџиите“ постигна Пјер Емерик Обамејанг, а еден погодок реализира Ејнсли Мејтланд-Најлс.
Виљареал го надигра со 2:1 дома Зенит и со вкупен резултат 5:2 го елиминира тимот од Санкт Петербург, додека Ајнтрахт Франкфурт отстрани италијанскиот гигант Интер по победата од 1:0 во реваншот во Милано.
Првиот натпревар заврши 0:0, а Лука Јовиќ беше стрелец на единствениот погодок во реваншот, откако реализира во 5-тата минута.
Два судири мораше да се решат по дополнително време. Бенфика го победи со 1:0 Динамо Загреб во регуларното време (гол на Жонас), а во продолженијата „орлите“ од Лисабон реализираа уште два погодоци (дело на Феро и Алекс Грималдо) и ги елиминираа Хрватите со вкупен резултат од двете средби 3:1.
Најдраматично беше во чешката престолнина, каде Славија Прага успеа да го исфрли од турнирот еден од најголемите фаворити за трофејот – Севиља.
Во регуларното време, двете екипи завршија со 2:2 и го повторија резултатот од првиот натпревар. Во продолженијата, Шпанците први постигнаа гол и изгледаа дека се со едната нога во четвртфиналето, но Чесите не се предадоа. Тие стигнаа до 3:3 уште во крајот на првото продолжение, а во последните секунди на второто, Ибрахим Траоре беше прецизен за 4:3 и сензацијата беше факт.
Лига Европа, 1/8-финале, реванш-дуели:
Од 18:55:
Динамо Киев – Челзи 0:5 (во првиот натпревар 0:3)
0:1 Жиру (5)
0:2 Жиру (32)
0:3 Алонсо (45 + 1)
0:4 Жиру (59)
0:5 Хадсон-Одој (78)
РБ Салцбург – Наполи 3:1 (во првиот натпревар 0:3)
0:1 Милик (14)
1:1 Дабур (25)
2:1 Гулбрандсен (65)
3:1 Лаитген (90 + 2)
Краснодар – Валенсија 1:1 (во првиот натпревар 1:2)
1:0 Сулејманов (85)
1:1 Гедеш (90 + 3)
Од 21:00 часот:
Интер – Ајнтрахт Франкфурт 0: 1 (во првиот натпревар 0:0)
0:1 Јовиќ (5)
Бенфика – Динамо Загреб 3:0 по продолженија (во првиот натпревар 0:1)
1:0 Жонас (71)
2:0 Феро (94)
3:0 Грималдо (105)
Славија (Прага) – Севиља 4:3 по дополнително време (во првиот натпревар 2:2)
1:0 Нгаду-Нгаџуи (15)
1:1 Бен Једер (44-пенал)
2:1 Сучек (47-пенал)
2:2 Мунир (54)
2:3 Васкез (98)
3:3 Ван Бурен (102)
4:3 Траоре (119)
Арсенал – Рен 3: 0 (во првиот натпревар 1:3)
1:0 Обамејанг (5)
2:0 Мејтланд-Најлс (15)
3:0 Обамејанг (72)
Виљареал – Зенит 2:1 (во првиот натпревар 3:1)
1:0 Морено (29)
2:0 Бака (47)
2:1 Ивановиќ (90 + 1).
Спорт
Ѓоковиќ: Српскиот „ас“ силно го посакува 25-иот „Грен слем“ и мисли само на победа, ништо друго.
Новак Ѓоковиќ, најдобриот светски тенисер силно ја посакува 25-тата. Грен слем титула во кариерата и тоа не го крие. Српскиот „ас“ во интервју за „CNN“ истакна дека мисли само на победи бидејќи таков му е менталитетот.
Можеби на почетокот на сезоната Новак Ѓоковиќ не делуваше премногу мотивирано, но светскиот рекет број еден дефинитивно е тоа, како што изгледа повеќе од било кога.
Српскиот ас во интервју за Си-Ен-Ен проговори како веќе се визуелизирал како победник на Ролан Гарос и затоа едвај чека да започне турнирот на париската земјена подлога, пренесува Спутник.
– „Само победа, ништо друго, таков е менталитетот. Визуелизацијата е важна, кога ќе видите дека успевате во неа, затоа се радувам и едвај чекам да започне турнирот. Секако дека знам дека не сум единствениот кој ја посакува таа титула и со нетрпение го чекам предизвикот“, изјави Новак.
Најдобриот светски тенисер е свесен дека младите играчи како Карлос Алкараз и Јаник Синер се желни за титули, но тоа уште повеќе го мотивира.
– „Секако дека не сум единствениот кој сака да ја освои таа титула, но со нетрпение ја очекувам. Сакам да се натпреварувам со различни генерации. Влегуваат млади момци… сите се неверојатно гладни, спремни и брзи, ќе ја искористам мојата способност да се прилагодам за да им ја подготвам вистинската тактика. Разбирам што е потребно за да се остане на врвот и да се натпреварува со нив во борбата за титули“, изјави српскиот ас.
На крајот објасни дека нема многу време да размислува за победите и поразите кои се зад него, бидејќи секогаш има нов предизвик за него.
– „Многу е важно да живеете во моментот, да ја цените сегашноста, но во исто време да се сеќавате на минатото, вашиот пат и да ги цените луѓето кои ве опкружуваат. Секоја недела се случува нешто ново во тенисот и тоа треба да го цените и вие. Иако, повеќе ќе размислувам за тоа кога ќе ја завршам кариерата. Додека сте уште активни, размислувате само за следниот предизвик, следниот турнир. Имате можеби неколку дена во годината, можеби една недела да размислите што сте постигнале“, заклучи Ѓоковиќ.
Првиот светски рекет го прескокнува Мастерсот во Мадрид додека игра во Рим, кој е последната станица пред Ролан Гарос.
Извор: politis.rs
Спорт
КМФ „Форца 2015“ е освојувач на Купот на Македонија во футсал
Форца 2015 е освојувач на Купот на Македонија во футсал, по издвојуваната победа над тимот на Клими од Кавадарци, на финалниот натпревар одигран во спортскиот центар Гемиџии во Велес. Екипата на Форца 2015 во еден интересен натпревар успеа да слави победа со вкупен резултат од 6:2.
Зоран Левски го постигна првиот гол на средбата за предност на Форца 2015 од 1:0. Екипата на Клими брзо се вратија во игра и преку Мартин Никовиќ успеаа да го израмнат резултатот.
Во продолжението Форца ја наметна својата игра и успеа да постигне 5 голови за убедлива и сигурна предност. Стрелци на головите беа Харис Омеровиќ, Зоран Левески, Берат Рамадани, додека Иван Крстевски стрелаше два пати.
Голот за намалување на предноста и поставување на конечните 6:2 го постигна Димче Андов, истакнаа од ФФМ.
Спорт
Голем ден за македонскиот билиард, кичевчанец помеѓу шампионите
Во Софија Бугарија, покрај голема конкуренција на јуниорски играчи од 6 држави 🇲🇰🇧🇬🇷🇸🇲🇪🇧🇦🇺🇦 на пиедесталот во две категории се искачија 2 Македонски шампиони:
У-17 Андреј Ѓурчиновски 🇲🇰🏆
У-19 Блендијан Ќазими од Кичево 🇲🇰🏆
Огромни честитки и за финалистот во категорија У-17 Илија Димовски 🇲🇰🥈
Честитки до Македонските јуниорски натпреварувачи, нивните фамилии, нивните клубови и до сите што ги поддржуваат на нивниот веќе докажан шампионски пат!
Активностите во Македонскиот биљард покажуваат резултати, иднината на овој спорт е во сигурни раце.
Честитки и до организаторите на оваков тип на натпревари и се надеваме само овака да продолжи, покрај натпреварувања, да имаме и размена на искуства и дружења со сите наши соседи во регионот, истакна претседателот на Билиард федерацијата на Македонија, Дејан Сипковски.
Резултати од У-17 може да најдете ТУКА
Додека за У-19 резултатите исто така се запишани ТУКА
-
Хороскоп1 ден
Хороскоп за среда (24 април)
-
Хороскоп7 часа
Хороскоп за четврток (25 април)
-
Кичево18 часа
Жена жител на Куманово доживеала сообраќајна несреќа на патот Охрид-Кичево, се здобила со тешки телесни повреди откако возилото удрило во бетонска преграда
-
Временска прогноза13 часа
Времето утре ќе биде променливо облачно со повремени локални врнежи од дожд
-
Магазин2 дена
iPhone 16 може да остане без физички копчиња
-
Магазин2 дена
Meta се затвора во Турција
-
Спорт2 дена
КМФ „Форца 2015“ е освојувач на Купот на Македонија во футсал
-
Спорт22 часа
Ѓоковиќ: Српскиот „ас“ силно го посакува 25-иот „Грен слем“ и мисли само на победа, ништо друго.