Следете не

Спорт

„Проголтав многу работи поради репрезентацијата“ – интервју со првиот човек на ФФМ

Објавено пред

на

Македонскиот фудбал успешно го заврши „проектот – Европско првенство“. На задоволство, буквално, на секој поединец во Македонија. Но, на огромно задоволство и на првиот човек на ФФМ, Муамед Сејдини кој ќе остане запишан како првиот претседател на фудбалската федерација под чие водство националниот тим е дел од друштвото на најдобрите на Стариот континент. Мина Сејдини, сепак, и бурен период изминативе години на чело на ФФМ па сега, по првичното стивнување на емоциите во Тбилиси, отворено проговорувајќи за историскиот успех, од свој агол…

„Може само да им честитам на фудбалерите за оваа радост која ни ја приредија на сите нас. Покажаа неверојатна сила, храброст и единство, сосема заслужено издвојувајќи се како нови наши спортски херои. Знам под каков притисок поради големите очекувања беа пред натпреварот во Грузија, но го издржаа сето тоа и покажаа големина во Тбилиси. Но, верувајте некако бев убеден во овој успех, уште пред да почнат финалните баражи со Косово и со Грузија во Лигата на нации. Многу труд и енергија беа дадени изминатиот период за да сето тоа се пропушти така лесно.

Среќен сум кога гледам како и Албанците сега со сето срце навиваат за македонската репрезентација…

Во Тбилиси ве понесоа емоциите па се впуштивте и на терен меѓу фудбалерите…

„Ме понесоа емоциите, а ме понесе и нивната радост. Прекрасно беше да се гледа сето тоа… Не можев да се воздржам на единството кое го демонстрираат, на радоста која заеднички ја споделуваат, на песните на терен, на солзите кои заеднички ги делат. Јас најмногу сум горд на заедништвото кое го отсликува оваа репрезентација без разлика на вера и нација. Знаете ли колку ме прави среќен кога гледам како и Албанците во Македонија сега со сето срце навиваат за македонската репрезентација. А, да не се лажеме, не било секогаш така во минатото. Може само да кажам дека успеавме, и на тој план.“

Меѓутоа имаше и „теории на заговори“ во јавноста пред натпреварот со Косово во полуфиналето од Лигата на нации. Под силен товар и притисок беа и репрезентативците Албанци во селекцијата.

„Огромен камен ми падна од срцето кога победи Македонија. Затоа што, без разлика колку јас ја знам вистината, во фудбалот се може да се случи на терен. Не сакам ниту да помислам што се ќе беше ако загубевме, не сакам ниту да замислам на што се ќе беа подложени истите овие фудбалери кои сега се слават. А, фудбал е тоа… секако дека може и да загубат.“

Проголтав многу работи само во интерес на репрезентацијата

Но, не само неофицијални шпекулативни прозивки, имаше и прозивки за начинот на кој ја водите федерацијата, незаинтересираноста за репрезентацијата…

„Добро, проголтав многу работи изминатиов период само и само во интерес на репрезентацијата. Мојата суета ја оставив на страна затоа што знаев дека имаме многу повисоки цели. И верувајте така ќе биде и секогаш во иднина. Молчев иако ме погодија многу нешта, но само затоа што знаев дека нема потреба некој да го нарушува мирот на репрезентацијата, затоа што знам дека трпението ги лечи сите рани. Трпението и заедништвото се клучните моменти кои на крај и не доведоа до овој огромен успех. Единството, меѓу различните ставови и различните карактери, кое владее во репрезентацијата но и во структурите на ФФМ верувајте е клучот Македонија да се најде фудбалски меѓу најдобрите во Европа.“

И капитенот Горан Пандев на прес-конференција отворено истакна дека во моментите кога беше крајно неизвесно неговото доаѓање во Скопје пред мечот со Косово некои од ФФМ не се потрудиле да прашаат и како е, секако алудирајќи на вас.

“Горан Пандев е најголемото име во историјата на македонскиот фудбал, и секој негов став, размислување или сугестија треба не само да се почитува, туку и да ве натера на делување во интерес на фудбалот. Меѓутоа верувајте јас никогаш не сум имал, сакал и инсистирал на директен контакт со фудбалерите за да не се свати на погрешен начин, и од фудбалерите и од јавноста. Можеби е грешка што ете тогаш не остварив директен контакт, но јас така размислувам. А сите знаат дека ФФМ беше максимално инволвирана потегнувајќи бројни релации за да се реши случајот. Во конкретниот случај верувајте цело време бев во тек со ситуацијата. На селекторот, кој секако е контактот со фудбалерите, во неколку наврати му пренесов да се побара се што треба за фудбалерите. Дека подготвени сме и имаме можност да испратиме и приватен авион само да ги донесеме Пандев и Елмас во Македонија. Но, јас ниту сум сакал ниту некогаш во иднина ќе се експонирам меѓу репрезентативците. Никогаш не сум бил ниту во хотел, ниту во соблекувална меѓу нив затоа што сметам дека не ми е таму местото. Тие си имаат свое поле на дејствување, јас свое, но сето тоа единствено кон заедничката цел – успехот кој сега го добивме.”

План за изградба на комплетно нов стадион со капацитет од околу 12.000 седишта

Успехот е тука. ФФМ ќе добие загарантирани 9,25 милиони евра од УЕФА за пласманот на ЕП. Се има ли било каков план и стратегија за инвестирањето на тие средства, кои сигурно ќе бидат и повеќе, за дополнителен развој на македонскиот фудбал?

„Веќе од претходно кажавме дека 30% од средствата или нешто повеќе од три милиони евра ќе бидат награда за фудбалерите кои се најзаслужните за овој успех. Но, секако дополнително ќе бидат сериозно инвестирани пред се за конечно инфраструктурно докомплетирање на стадионите во земјава, иако веќе тоа е стартувано и набрзо ќе заврши во Битола, Прилеп, Штип, Џепчиште, Кавадарци, Охрид… Македонија мора секаде да има стадиони како што треба на кои и секој гледач ќе се чувствува пријатно. Секако неизбежно е и дополнително инвестирање во младите категории затоа што е тоа иднината на фудбалот.“

Се планира ли некаков позначаен проект?

„Постои идеја сега да се изгради стадион до ФФМ. Мојата идеја е да биде со капацитет меѓу 10.000 и 12.000 седишта, и да бида согласно највисоките европски стандарди како би можеле да играат сите репрезентативни селекции. Но, се е тоа засега само план. Нема ништо во моментов конкретно околу тоа, па ќе видиме. Важно е дека овој огромен успех кој ни го подарија фудбалерите мора да го искористиме на најдобар можен начин како Македонија во иднина секогаш би била во континуитет на местото меѓу најдобрите на Стариот континент“.

Интервју за порталот Екипа.мк

Одобрено од ФФМ.

Спорт

Алиоски: Точно знаеме што да подобриме, најважно е да веруваме во себе и во тимот, одиме на победа!

Објавено пред

на

Македонската А репрезентација на 17. јуни ја очекува вториот натпревар од Европското првенство. Украина е селекцијата на која ќе им се спротивставиме на Националната арена во Букурешт.

Нашиот репрезентативец, Езѓан Алиоски зборуваше за очекувањата од натпреварот.

– Горди сме на натпреварот што го одигравме против Австрија. Резултатот не беше добар за нас, но мораме да размислуваме позитивно. Се фокусираме на мечот со Украина, имаме време за закрепнување и ќе бидеме подготвени. Го анализираме противникот и треба да ги корегираме грешките од првиот натпревар. Треба да го играме нашиот фудбал, да веруваме во себе. Овој натпревар е како финале за нас, но и за Украина.

Тактички треба да бидеме на ниво, но и да бидеме многу внимателни. Украина игра добар, офанзивен фудбал. Постигнаа два гола против Холандија, влегуваат како фаворити на мечот и тоа е добро за нас. Имаме квалитет, ќе излеземе без страв и со верба во позитивен резултат. Точно знаеме што треба да подобриме и важно е бидеме на ниво во текот на сите 90. минути. Имаме квалитет да постигнеме два гола дури и да сме во негатива.

Најважно е да веруваме во себе и во тимот.

Прочитај повеќе...

Спорт

И ФФМ прати допис до УЕФА за најстрога казна кон Арнаутовиќ кој расистички го нападна Алиоски

Објавено пред

на

Марко Арнаутовиќ расистички го нападна Езгјан Алиоски, а Фудбалската федерација на Македонија застана во заштита на македонскиот репрезентативец. Поднесен е официјален допис до УЕФА.

„Фудбалската федерација на Мaкeдонија најостро го осудува националистичкиот испад на австрискиот репрезентативец Марко Арнаутовиќ, после постигнатиот гол на вчерашниот натпревар со Македонија упатени кон македонскиот репрезентативец Езгјан Алиоски. Истовремено ве информираме дека поднесовме официјален допис до УЕФА во кој бараме најстрога казна за австрискиот репрезентативец Марко Арнаутовиќ.

Како “Куќа на фудбалот” секогаш сме против национализам, дискриминација и сите други форми на навреди и испади кои не се во духот на фудбалот и вредностите за кои сите заедно се залагаме.

Секогаш ќе застанеме и ќе ги браниме интересите и достоинството на македонските репрезентативци каде и да настапуваат”, истакнаа од ФФМ.

Прочитај повеќе...

Спорт

Трајковски: Фокусот е да победиме против Украина, со тоа ќе имаме големи шанси да ја поминеме групата

Објавено пред

на

Александар Трајковски, македонскиот репрезентативец го коментираше вчерашниот дуел со Австрија и поразот од 3:1. Тој смета дека Австријците не се ништо подобри од нашата селекција, и дека само двата евтини примени гола на крајот придонеле за поразот.

„Искрено мислам дека одигравме 70. минути добар фудбал компактно и се боревме до крај потоа ги примивме тие наивни голови од еден центаршут и еден аут. Не можам да кажам дека Австријците беа поквалитетни од нас. Ние создадавме шанси, игравме наш фудбал, покажавме дека можеме со секого и мислам дека ако продолжиме вака дека ќе дојдеме до поволен резултат. Оваа Македонија никогаш нема да се предаде, имаме уште два натпревари до крај, па потоа ќе видиме што ќе се случува“, рече Трајковски.

Тој се заблагодари на публиката за поддршката од трибините и верува дека ќе им се оддолжи со добри игри и резултати на другите два меча

„Благодарност што дојдоа толку многу луѓе, на крај сакавме од првиот меч да имаме позитивен резултат, но се надеваме дека во следните два меча ќе дојдеме до тоа. Ќе се обидеме да ја поминеме оваа група, и да ги направиме горди фановите. Ние ќе се бориме до крај“, вели Трајковски.

Репрезентативецот вели дека има доволно време за селекцијата да се подготви за следниот меч со Украина

„Имаме уште време до натпреварот, треба да собереме сили за следните два натпревари. Ќе ја гледаме мечот да видиме каде сме грешеле, имаме време да се одмориме. Атмосферата останува иста, доволно сме мотивирани, затоа што знаеме дека има шанса да поминеме понатаму. Нема потреба да паѓаме доле, главата горе“, вели Трајковски.

Трајковски смета дека дуелот со Украина ќе биде клучен меч.

„Со Украина ќе биде клучен натпревар. Има после и со Холандија, но ако ја победиме Украина имаме големи шанси да ја поминеме групата. Затоа мора да се фокусираме на тој меч.“.

Прочитај повеќе...

Facebook

Последни објави

Временска прогнозаПред 2 часа

Покачување на дневните температури, во попладневните периоди продолжува нестабилното време

Денес времето во Македонија ќе биде сончево и потопло со умерена локална облачност. Попладне особено во планинските региони ќе има...

СпортПред 3 часа

Алиоски: Точно знаеме што да подобриме, најважно е да веруваме во себе и во тимот, одиме на победа!

Македонската А репрезентација на 17. јуни ја очекува вториот натпревар од Европското првенство. Украина е селекцијата на која ќе им...

На денешен денПред 3 часа

На денешен ден – 16 јуни

1671 година – Водачот на востанието Дон Козак и селанец, Степан Стењака Тимофејевиќ Разин, беше јавно погубен во Москва. Во...

ХороскопПред 10 часа

Хороскоп за денес (16 јуни) среда

ОВЕН Можно е да ве преплавуваат негативни мисли, ќе бидете особено нетрпеливи овие два дена. Вашата ароганција може да ве...

ЗанимливостиПред 13 часа

Студија тврди дека пронајдени биле „вселенски печурки“ на Марс

Една неодамнешна студија тврди дека пронашла докази за форми на живот слични на габи на површината на Марс. „Вселенските печурки“...

МакедонијаПред 16 часа

Ковид-19 денес: 29 нови случаи, 9 од Скопје, 5 од Кичево..

Министерството за здравство (МЗ) денеска информираше дека во изминатото деноноќие се потврдени 29 нови случаи на Ковид-19, односно, регистрирани се...

КичевоПред 17 часа

Бакарди: Потребни се работници со искуство за претстојната сезона

Нашите партнери од Bacardi Lounge Bar – Кичево ве известуваат дека поради проширување на својата дејност и надополнување на својот...

АвтомобилиПред 20 часа

Црни кутии во автомобилите во ЕУ од 2022 година: Ќе снима брзина, време на сопирање и други параметри

Сепак, тоа нема да ги замени форензичарите, затоа што секогаш ќе биде потребен човечки фактор за читање на податоците. Како...

МагазинПред 20 часа

Microsoft го објави датумот на крај на Windows 10

Популарниот оперативен систем ќе престане да постои по животниот циклус од точно 10 години Microsoft штотуку објави датум за завршување...

LifestyleПред 21 час

Бангладеш: Откриено како да се претвори пластиката во ванила

Научниците во Бангладеш откриле начин како да се претвори употребената пластична амбалажа во арома на ванила, користејќи генетски модифицирани бактерии....

НАЈЧИТАНИ