Следете не

Кичево

Таа возбуда кога се враќам дома, во Кичево, искачуваш Стража, ја гледаш Илиница и Калено!

Објавено пред

на

Бевме гимназијалци и имавме соништа. Мегаломански. А какви би биле ако не мегаломански кога си млад?… Нејсе. Во основа сите посакувавме она што сака секој човек. Успешно да завршиме студии, да имаме семејство и дом. Дом тука, каде ќе продолжиме да бидеме тука едни до други и едни за други. Дома, во Кичево.

Тој град кој колку и да го критикувавме, уште во четврток вечер се враќавме од студии дома за да можеме викендот да го фатиме од почеток, па до крај. Да излеземе, да се видиме, да шетаме, да ги изгазиме нашите улици и да се искачиме уште еднаш на Кале, нашиот центар на светот.

Едно е да посакуваш, друго е каде ќе те однесе патеката на животот. Годините врвеа. Секој од нас се соочи со предизвиците кои не беа за деца. Пораснавме. Мојата генерација и немаше многу шанси. Ако не си ги направевме шансите ние самите, друг тешко дека ќе ни ги дадеше. Иако кога ќе седневме на кафе, на излет, на прошетка, во друштво се трудевме да ги потиснеме на момент горчливите предизвици и уште помалкуте излези од нив, бевме повторно оние деца од пред неколку години, животот потоа не потсетуваше дека имаме незавршена работа пред нас.

И стигнаа и запросувања и свадби, стигнаа и првите дечиња и крштевки. Предизвиците си останаа. Децата бараат леб, а лебот мора да го вадиш некаде. Никој од нас несакаше да замине, ама… Ама во Кичево и толку се можеше. Секој од нас мораше да го побара излезот.

Се раззаминавме по светот, остана да се гледаме само по фејсбук, да се слушаме само по скајп и вајбер и да да се договориме кога ќе се видиме. Па кој до каде е, кој што прави, кој како се снашол. Да имаш пријатели во секоја временска зона… не е интересно.

Седиме пред некое време со „кичевската дијаспора“ во Скопје. „Дабче“ (оти демек е кичевска вода), муабет, тутун, лаф-муабет, нормално на кичевски. И секој муабет ни е таму, за Кичево. Нормално, сите сме со кичевски лични карти. Уште не не напушта тој фанатичен ентузијазам дека еден ден ќе се вратиме назад, кај што сме посадени. Ниедно сонце не е исто со она таму, и кој ќе рече поинаку – лаже! Јас знам да кажам дека пријателите кои заминаа во Швајцарија и Германија, и почесто доаѓаат од мене во Кичево. А сите исто правиме: на работа – дома, дома – на работа. Тука немаш никој свој (освен своите кичевчани). А и со нив додека се усогласиш кога да се најдеш, поминале месеци.

И ќе дојде тој ден да се вратиш во Кичево. Само ние ја знаеме возбудата кога ја искачуваш Стража и кога оддалеку ќе ја видиш Илиница и Калено. Но реалноста секогаш е се’ посурова кога ќе стигнеш дома. Добар дел од населбата е иселен. Добар дел ми треба да се подзамислам за да ги препознаам оти остареле. И тоа не ми е сеедно, јас ги паметам поинакви и понасмеани. Само домашните секогаш се трудат да се направат дека ништо не се сменило. Без да им кажам, знаат дека ми тежи.

Порано доаѓав дома и уште невлезен вртев телефони каде ќе се најдеме и што ќе правиме со другарите. Сега нема кому да завртам. Речиси и нема со кого да испијам кафе. Сите заминаа. Никој не остана. И кога треба да се видиме, којзнае кога и дали ќе успееме. Го земам постариот син да го прошетам низ Кичево, градот откаде потекнува. И тој и помалиот се родени во Кичево, во нашата болница. Прво да вдишат кичевски воздух.

Му ја покажувам мојата градинка, го потсетувам на анегдотите на кои се сеќавам (имавме убаво детство), го носам кај моето училиште, на Китино Кале-центарот на светот. И тргнуваме да ги шетаме улиците. Секогаш се повеќе не си го препознавам моето Кичево. Таму каде некогаш се чекавме, игравме, шетавме сега зјаат празни куќи. Луѓето или се отселиле или засекогаш заминале од светов. Добар дел од оние стари и убави куќи, особено во чаршијата се урнати и на нивно место се изградени невкусни грдосии.

Кичево од моите спомени живее сеуште на тие улици и во секој момент можам да го почувствувам мирисот и времето. Колку и да го бришат и обезличуваат. Дури и ние сме сеуште таму. Дел од нас секогаш ќе остане на калдрмата и ќе не чека да се вратиме.

Син ми го сака Кичево. И помалиот го сака. Сакаат кога се таму. Иако ретко, толку ни дозволува времето. Можеби поради тоа што јас не го вадам од уста цело време. А јас не го вадам ни од мисла. На момент мислам дека го гледаат онака како што сум им го раскажувал. Времето за да го доживееме е кратко. Одиме дома и правец назад, во „дијаспора“.

Секоја младост е убава. Мислам ако ја имаш како што ја имав јас, знаеш дека си одживеал време за кое вредело да се живее. И дотука е во ред. Не е во ред да не си таму каде природно требало да ти пораснат децата. Зајадливо ни префрлаат – па зошто заминавте? Да скратиме, никој несакал да замине. И товарот од тоа го знае секој кој е сам во туѓата средина каде никој нити го викнал, нити го барал. На ниедно место, 50, 100 или илјадници километри од Кичево.

Оптимизмот не ме напушта. Ама проблемот е што мислам дека нешто не е во ред со мене што сеуште сум оптимист дека ќе се случи чудо. Кој да знае…

Маестрален извадок на текст од нашиот пријател Љупчо 07.05.2018.

Кичево

Кичевчанец пријавил принуда за измама на казна на негов внук

Објавено пред

на

На 12.09.2021 во 17.30 часот во Полициската станица Кичево, 40-годишен жител на кичевско село пријавил дека едно лице се обидело да го измами за сума од 300 евра. Според пријавеното, околу 17.00 часот на неговиот број му се јавило лице кое се претставило дека се познавал со неговиот татко и дека со неговиот брат се во Косово.

Како што е пријавено, тој побарал од него да ги даде парите на негов внук за да плати казна која им била напишана на граничен премин при транспорт на неговата почината сестра од Република Албанија во Република Македонија.

Исто така, според пријавеното, во 18.18 часот му се јавило лице кое му кажало дека околу 18.30 часот ќе дојде во село Колари да ги земе парите.

Во меѓувреме, тој го пријавил настанот, а по наредба на Јавен обвинител околу 18.30 часот кај с.Колари од слобода бил лишен Р.М.(45) од Тетово.

По целосно документирање на случајот против него ќе биде поднесена соодветна пријава

Извор: МВР

Прочитај повеќе...

Кичево

ОВР Кичево со санкционира 23 пешаци, поради преминување коловоз надвор од пешачки премин

Објавено пред

на

На 10.09.2021 година од 10 до 15 часот, при извршени сообраќајни контроли, полициските службеници регистрираа и санкционираа 50 пешаци при небезбедно преминување улица односно преминување коловоз надвор од пешачки премин (Охрид-16, Струга-09, Кичево-23, Дебар-02).

Дополнително, во Охрид  регистрирани се 03 прекршоци направени од возачи на моторцили и не се регистрирани диви такси превозници.

За медиумите известува портпаролот на СВР Охрид, г-дин Стефан Димоски

Прочитај повеќе...

Кичево

Бакарди: Потребни се работници за достава на храна, диспечери и куварка за во кујна

Објавено пред

на

Кичевскиот реномиран комплекс каде може да ги најдете највкусните јадења во градот има на располагање слободни работни места на позиција доставувачи на храна, диспечери за порачки на храна преку телефон и кувар за во кујна по можност (жена).

Истите ќе бидат во редовни смени по одлични услови за работа.

За сите информации контактирајте на 076/980-888 и 075/416-550

Прочитај повеќе...

Facebook

Последни објави

МакедонијаПред 23 минути

Коронавирус денеска, вкупно 557 новозаболени, починале 28 пациенти

Во последните 24 часа се направени 3.885 тестирање, а регистрирани се 557 нови случаи на КОВИД-19: • Скопје – 268...

СпортПред 4 часа

Македонската репрезентација до 17 години поразена од Србија, додека повозрасните одиграа нерешено со Унгарија

Репрезентацијата на Македонија до 18 години и на вториот контролен натпревар против Унгарија во Ѓер одигра нерешено 2:2. Двете селекции...

На денешен денПред 19 часа

На денешен ден (16 септември)

1380.- Умре францускиот крал Шарл V Мудриот. Тој се качи на престолот во 1360 година, а во Стогодишната војна успеа...

ХороскопПред 21 час

Денешен Хороскоп (16 септември) четврток

ОВЕН Не се потценувајте, туку поставете си цели што е потешко да се постигнат, бидејќи само тогаш ќе бидете целосно...

СпортПред 21 час

Кај македонските фудбалски репрезентативци до 17 години владее позитивна енергија пред мечот со Србија

Македонската репрезентација до 17 години предводена од селекторот Тони Јакимовски денеска на тренинг центарот „Петар Милошевски” се подготвуваше за утрешниот...

МакедонијаПред 1 ден

Денес нови 617 заразени од Ковид-19, починале 32 лица – најмладите во билансот се од Кичево и Македонски Брод

Во последните 24 часа се направени 4.621 тестирање, а регистрирани се 617 нови случаи на КОВИД-19: • Скопје – 314...

СпортПред 1 ден

Андонова: Не очекуваат два тешки натпревари. Шансата ќе ја бараме против селекцијата на Австрија

Женската А репрезентација на Македонија денеска го одработи последниот тренинг пред заминувањето за Англија за воведниот меч од квалификациите за...

БалканПред 1 ден

Тлото во Албанија не мирува, нов земјотрес регистриран предмалку, истиот се почувствувал и во Црна Гора

Умерен земјотрес беше почувствуван денеска во 14:27 часот во Албанија и Црна Гора. Црногорскиот Сеизмолошки оддел го регистрираше епицентарот на...

МагазинПред 1 ден

Gmail наскоро ќе може да остварува говорни и видео повици

Новото ажурирање на Gmail значи дека корисниците наскоро ќе можат да поканат пријатели и колеги, бидејќи Google сака да ја...

МагазинПред 1 ден

Биткоин утрово: Продолжи благиот раст

Во изминатите 24 часа, комплетниот пазар за дигитални производи се зголеми во вредност од 3,1 проценти. Биткоинот, најпознатата криптовалута во...

НАЈЧИТАНИ