Ученици после 60 години му подарија душа и џагор на првото училиште по македонски јазик во с.Подвис – Кичевско (ГАЛЕРИЈА)

Првото училиште на мајчин македонски јазик во селото Подвис на 16 и 17 мај 2019 година беше посетено од ученици и наставници од ООУ “Гоце Делчев-Центар”, ООУ “Вера Јоциќ”-Гази Баба, ООУ Владимир ПОлежиноски –Кичево. За прв пат после 60 години детскиот џагор и звукот на училишнето звонче одекна низ планината.Подвис 2019 е проектна идеа на заљубеници и иницијатори,чувари на меморијата на едно време,луѓе и настани кои се бореле за слобода и сопствена држава.Ним им се поклонивме, раскажавме вистински сеќавања и ветивме дека ќе се бориме училишната распадната зграда да биде реконструирана и претворена во музеј. Ова место би сакале да биде посетувано од ученици, наставници, доброамерници и почитувачи и заљубеници во сопственото минато.Да ги возобновиме и да се потсетиме на сите заборавени места, луѓе и настани.Беше прекрасно дружење,научивме и чествувавме.Цртавме, пишувавме и се интервјуиравме.Им оставивме спомени на децата за еден различен и несекојдневен час, им покажавме дека секоја педа земја во секое место од нашата Македонија е исполенета со човечки приказни за едно време, различно но посебно доживеани кои треба да се раскажуваат за да не се заборавот.Ветивме, сите ние ќе бидеме чувари на меморијата на нашите прадедовци и почитувачи на сопственото минато за да ја подобриме иднината.Прекраснотии од убавини!! Игор Јуруков Благодарам, директоре Горан Карафилоски Благодарам, директорите Мито од Осломеј Благодарам за донацијата на храна.Зоран Костески благодарам за видео записот.
Подвижани бевте прекрасни домаќини, најубави питулици сте направиле и гостопримство домаќинско и од срце.

ВИ БЛАГОДАРИМЕ !!!!

Стои во фејсбук натписот на Наде Молеровиќ кој ви го пренесуваме во целост.

За преглед на галеријата и како изгледаше свечениот чин кликнете подолу.

Секоја чест!