Македонија Случувања

Сара допатува во Германија каде што ќе почне со лекување, покажавме хуманост на дело!

Девојчето од Охрид, Сара Настеска која ја обедини Македонија и дијаспората ги собра потребните финансиски средства и веќе со своето братче Виктор се во Германија каде треба да одпочне постапката за нејзино лекување.

Како што пренесува Охридскиот портал ОхридНет семејството упати емотивна порака до сите хумани луѓе кои учествуваа на било кој начин во најразличните акции за помош.

Почитувани граѓани ширум светот и од кај нас, ви се обраќаме со почит према сите вас сакајќи да Ве известиме дека целото наше семејство е во Германија, благодарение на сите вас и вашата хуманост започнавме реализација на нашата цел. Овозможено ни е авансно плаќање на дел од сумата која е потребна за лекување, а ги опфаќа двете деца. Бидејќи сите вие хумани станавте дел од нашето семејство, Ве молиме од срце да се помолите кон Бога, да биде успешно лекувањето на Сара од нејзиното помало братче Виктор – како донор!

Вечно благодарни, семејство Настески.