Свет Случувања

Сите ја преживеаја авионската несреќа во Мексико само поради една работа (ВИДЕО)

Стручњакот за безбедност во воздушниот сообраќај Адријан Јанг вели дека патниците имаат поголеми шанси да преживеат авионски несреќи во авиони со поробусен дизајн.

Тој додаде дека таков бил авионот на компанијата „Аеромексико“, кој се урна синоќа, при што немаше жртви.

Јанг, истражувач на холандската консултантска фирма To70, изјави за АП дека процентот на преживеаните во такви несреќи е поголем бидејќи „авионите сега се појаки отколку што некогаш биле“.

Тој проценува дека сега има помала можност луѓето да бидат заглавени под урнатите седишта и подови, особено ако авионот е во едно ниво и со рамен под, како што беше случајот со авионот што се урна на северот од Мексико.

Јанг додаде дека во добриот исход помогнала и малата брзина на авионот при ударот и рече дека сè уште е рано за шпекулации за причините за оваа несреќа.

Мексиканските власти објавија дека меѓу 97-те патници и четирите члена на екипажот немало жртви. Спасувачите однесоа 49 лица во болница, а во повеќето случаи се работеше за помали повреди.

Ен-би-си њуз објави видео снимено од патник во авионот, на кое се слушаат вресоци и паника.