Следете не

Свет

Што „зуи“ од Антарктикот? (ВИДЕО)

Објавено пред

на

Истражувајќи ја антарктичката ледена површина, кај Росовата ледена плоча, од страна на научниците беа снимени мистериозни звуци, по што беше направено истражување со цел да се дознае на кој начин се создаваат истите.

Откако во 2014 година истражувачи поставиле 34 сеизмички монитори во снегот, на врвот на најголемата ледена покривка на Антарктикот – Росовата ледена плоча, инструментите снимиле речиси постојани звуци на „зуење“.

Ледената плоча која може да се спореди со големината на соединетата американска држава Тексас, која плови по Јужниот Океан, отворила нов простор за истражување и научниците се обиделе да објаснат зошто и како настануваат овие звуци.

Имајќи предвид дека звукот е нечуен за човечкото уво, тие овие ниски фреквенции ги приспособиле на оние кои сетилото за слух може да ги регистрира.

Експертите потоа во списанието „Геофизички истражувачки писма“ ги објавија сознанијата, заедно со аудио снимка на која може да се слушнат „звуците“ од арктичкото тло.

„Кога би можеле да ги слушнеме овие вибрации тие би биле слични на зуење што го произведуваат илјадници штурци кога ќе ги прекријат крошните.

„Кога би можеле да ги слушнеме овие вибрации тие би биле слични на зуење што го произведуваат илјадници штурци кога ќе ги прекријат крошните и тревниците во текот на летото“, кажа Даглас Макајел, геолог на Универзитетот на Чикаго.

Научниците што ги проучуваат геолошките проблеми на ледените брегови објаснија зошто се создава овој звук.

Антарктикот се соочува со забрзано губење на масата, односно со топење на мразот и овие бариери го задржуваат околниот мраз на своето место, односно спречуваат негово неограничено слевање во океанот и кревање на неговото ниво.

Првичната цел на истражувањето била следење на промените на Росовата бариера под притисок на релативно топлиот воздух над површината и на морската вода која го црпи мразот одоздола.

Се смета дека вибрациите се создаваат поради силните ветришта кои дуваат преку снежните дини на површината на Росовата ледена плоча, и токму тие предизвикуваат вибрирање на мразот.

Свет

Сан Франциско им дозволува на полициските роботи да користат смртоносна сила

Објавено пред

на

Одборот на супервизори во Сан Франциско гласаше да им се дозволи на полициските роботи да користат смртоносна сила во екстремни околности, и покрај силните приговори.

Неутрализирање на опасните поединци

Полицискиот оддел во Сан Франциско (SFPD) побара дозвола од Одборот на супервизори да распореди роботи кои можат да убиваат осомничени под одредени околности. Сега одборот го одобри тоа барање, и покрај силното противење од групите за граѓански слободи.

Според новата политика, роботите може да се користат „како смртоносна опција кога ризикот од загуба на животи на граѓаните или полицајците е неизбежен и ја надминува секоја друга опција на сила достапна за SFPD“.

Полициската управа во Сан Франциско моментално има десетина функционални роботи. Засега тие се користат за проценка на потенцијални експлозивни направи и во ситуации со слаба видливост.

Полициската управа во Сан Франциско наведува дека роботите не поседуваат оружје. Сепак, администрацијата би можела да распореди роботи опремени со експлозиви. Роботите потоа „ќе ангажираат, онеспособат или дезориентираат насилно, вооружено или опасно осомничено“. Роботите опремени на овој начин ќе се користат само во екстремни околности. Тие ќе се користат за да се спречи понатамошна загуба на невини животи“.

Не сите се согласија со одлуката

Според извештаите, властите во Сан Франциско мора да ја дефинираат употребата на роботи и друга воена опрема поради законот во Калифорнија што стапи на сила оваа година. Арон Пескин, член на одборот на супервизори, го додаде делот во првичната нацрт-политика на SFPD. „Роботите нема да се користат како употреба на сила против која било личност“, рече Пескин. Но, SFPD го измени предлогот и им дозволи на роботите да користат, или „опција за смртоносна сила“.

Одборот ја одобри таа верзија со дополнителни амандмани, одборот наведува дека службениците можат да користат роботи наполнети со експлозив само откако ќе се исцрпат сите алтернативни опции или други тактики. Исто така, само ограничен број високи функционери ќе можат да одобрат употреба на роботи како смртоносна опција.

Од сите членови на одборот на Сан Франциско, само Шаман Волтон, Дин Престон и Хилари Ронен гласаа против употребата на смртоносна сила. Престон рече дека дозволувањето на SFPD да користи роботи за да убива луѓе е „длабоко вознемирувачки“ и „тажен момент“ за градот.

Во својата изјава, Престо рече дека способноста на полицијата да вооружува роботи „ќе ги стави црните и кафените луѓе на непропорционален ризик од повреда или смрт“. Во меѓувреме, Рафаел Манделман, раниот поддржувач на употребата на роботи како смртоносна сила, ја бранеше својата позиција. Тој рече дека конечната верзија на политиката „предлага разумни ограничувања за употреба на роботи“ и покрај „хиперболата изразена од многумина кои се противат на тоа.

Извор: Engadget

Прочитај повеќе...

Свет

Европската централна банка тврди дека биткоинот може да стане ирелевантен

Објавено пред

на

Тие веруваат дека ова сценарио, во кое биткоинот губи поголем дел од својата вредност, ќе беше евидентно уште пред катастрофата со крипто берзата FTX, по што цената на акцијата падна под 16 илјади долари.

Традиционалните финансиски институции никогаш не биле љубители на криптовалутите, сметајќи дека тој пазар е нестабилен, неизвесен и крајно ризичен за инвестирање. Некои се збогатија многу благодарение на крипто, но некои земаа кредити и инвестираа заштеди и изгубија добар дел.

Сегашната состојба на овој пазар секако не е охрабрувачка и како и секогаш има две гледишта за неа. За оние кои гледаат позитивно на работите, ситуацијата е стабилизирана по турбулентен период и, како и во минатото, станува збор само за негативна фаза проследена со оживување на цената на криптовалутите.

Но, за некои, како еден од директорите на Европската централна банка, Улрих Биндсеил, и аналитичарот на банката, Јирген Шаф, сведоци сме на последните шокови на биткоинот пред оваа криптовалута да стане целосно ирелевантна. Тие сметаат дека сценариото во кое биткоинот губи најголем дел од својата вредност било евидентно уште пред катастрофата со крипто берзата FTX, по што цената на биткоинот паднала под 16 илјади долари.

После тоа благо се зголеми, но споменатите членки на Европската централна банка, како и дел од аналитичарите, сметаат дека тоа е само краткорочно зголемување, по што повторно ќе следи пад. Според нив, биткоинот не е погоден за инвестирање, со оглед на тоа што е исклучително испарлива валута, а не е погоден ниту за плаќање: Трансакциите преку биткоин се гломазни, бавни и скапи. Биткоинот никогаш не бил користен во значителна мера за правни трансакции во реалниот свет, се вели во блог пост напишана од Биндсеил и Шаф.

Тие нагласуваат дека се уште постои „тврдоглав пристап“ според кој просторот за криптовалути мора да биде отворен за иновации без разлика на цената и предупредуваат на нејзиното негативно влијание врз животната средина, како и на фактот дека оваа технологија досега постигнала ограничени вредност за општеството.

Да потсетиме дека ова не е прв пат оваа банка да испраќа отровни стрели кон крипто индустријата – пред половина година претседателката Кристин Лагард коментираше дека криптовалутите се безвредни.

Извор: CNBC

Прочитај повеќе...

Свет

Кина утре ќе го лансира вселенското летало Shenzhou-15 кон својата вселенска станица

Објавено пред

на

КИНА ќе го лансира вселенското летало Shenzhou-15 до својата вселенска станица на 29 ноември во 23 часот (1508 часот по Гринич), објави во понеделникот Кинеската вселенска агенција, во, како што се планира, последна мисија за завршување на распоредувањето на станицата.

Екипажот се состои од тројца астронаути: Феи Јунлонг, Денг Кингминг и Џанг Лу, соопшти агенцијата на прес-конференција. Вселенската станица во рок од една недела ќе им биде предадена од тројцата астронаути кои пристигнаа на почетокот на јуни.

„За време на престојот, екипажот Shenzhou-15 ќе го пречека товарниот вселенски брод Tianzhou-6 и ќе го предаде вселенскиот брод Shenzhou-16 со екипаж, а планира да се врати на кинеското место за слетување Донгфенг во мај следната година“, рече Џи Чиминг, портпарол.

„Во моментов, комбинацијата на вселенската станица е во стабилен статус со целата опрема што функционира добро и е подготвена за рандеву со екипажот, приклучување и предавање“, додаде Ји. Во април 2021 година, Кина започна со изградба на вселенска станица со три модули со лансирање на модулот Тианхе, главното живеалиште за астронаутите.

Во јули и ноември беа пуштени во употреба преостанатите два лабораториски модули, Вентиан и Менгтиан, каде што ќе се вршат научни експерименти.

Завршувањето на вселенската станица, дизајнирана да трае најмалку 10 години, ќе биде пресвртница во амбициите на Кина во ниската орбита на Земјата, при што стареењето на ISS на НАСА потенцијално ќе биде надвор од функција до крајот на деценијата.

/Index

Прочитај повеќе...

Facebook

Последни објави

Кичево4 часа

Од средина на ноември до сега вкупно 13 луѓе од Кичево биле жртви на напади од бездомни кучиња, решение за сега очигледно нема

Од средина на месец ноември па се до денес, вкупно 13 луѓе биле цел на кучиња скитници кои биле нападнати...

Гејминг4 часа

Microsoft сака да ја донесе Call of Duty на конзолите на Nintendo

Фил Спенсер ја објави 10-годишната посветеност на компанијата да ја направи CoD достапен на конзолите на Nintendo доколку се постигне...

Временска прогноза5 часа

Обновена временска прогноза: Доаѓа дожд и невреме за викенд

Може слободно да се каже дека за време на викендот, како и во почетокот од следната седмица регионот и Македонија...

На денешен ден11 часа

8 декември – Светот „На денешен ден“

1542.- Родена е Мери Стјуарт, кралица на Шкотска од 1560 година. Поради нејзината про-католичка политика, била принудена да абдицира во...

Хороскоп19 часа

Хороскоп за четврток (8 декември)

ОВЕН Барате начин како да ги оправдате причините поради кои сеуште се наоѓате на место на кое многу ваши соработници...

Спорт21 час

Познати противниците на младите женски репрезентации во фудбал до 17 и 19 години за турнирот кој ќе се одржи во Македонија

Младите женски селекции на Македонија до 17 и до 19 години ги дознаа противниците за следните квалификации што ќе се...

Култура21 час

Утре се празнува Св.Ѓорѓија, голем ден, куќна слава и именден, нека е за многу години домаќини!

Верниците со православна вероисповед го празнуваат посен свети Ѓорѓија. Освен како семејна слава, овој голем ден се празнува и како...

Кичево1 ден

Кичевските села „Козица, Белица, ХПП Белица и Белица 1“ во петок ќе бидат со времен прекин на електрична енергија

Поради зафати на електродистрибутивната мрежа на ден 09.12 – петок, ЕВН КЕЦ Кичево ќе работи на терен, така што прекини во снабдување...

Македонија1 ден

Бензините повторно поевтинуваат, дизелот и автоплинот остануваат со иста цена

Малопродажните цени на бензините ЕУРОСУПЕР БС-95 и ЕУРОСУПЕР БС-98, се намалуваат за 2,00 ден/лит, во однос на малопродажните цени утврдени...

Временска прогноза1 ден

Временска промена со моќен циклон, Попоски најавува дождлив викенд со снег на некои места

Моќниот циклон кој за време на викендот ќе го погоди целиот Балкански Полуостров, ќе донесе ОПАСНОСТ од локални ПОПЛАВИ.  Со продорот...

НАЈЧИТАНИ