Македонија Случувања

Ловџии: Утврдена трихинелоза кај дивите свињи во Македонија (ВИДЕО)

Љубителите на диви свињи да внимаваат со јадење на месото. Во цела Македонија е регистрирана трихинелоза, сериозно паразитско заболување, кое е опасно за човекот. Луѓето може лесно да се заразат со овие паразити, ако јадат месо од дива свиња, посебно на скара, колбаси или пушено месо кои не се доволно термички обработени. Паразитите ги напаѓаат мускулите, предизвикуваат гадење, повраќање, дијареа, отоци на очите и болки во мускулите кај луѓето.

„Станува збор за заразно презитарно заболување што претставува висок ризик по здравјето, како одговор на институцијата за безбедност на храната и за здравјето на потрошувачите, апелираме, ловците на диви свињи задолжително да достават примерок на лабораторско испитување за присуство на трихинела во местото.“ – изјави Зоран Атанасов, директор на Агенцијата за храна и ветеринарство.

Директорот на Агенцијата за храна вели дека кај домашните свињи болеста не е регистрирана, но се предупредува месото да се провери во лабораторија, пред да се јаде, зашто паразитетите не се гледаат со голо око.

„Апелираме до одгледувачите на свињи во домаѓинствата да спречат изложеност на домашните свињи со глодари и дивеч. Нис производите и помиите не треба да се чуваат на одгледувалиштата и не смее да се даваат како храна на животните. Храната мора да да се чува на начин со кој се спречува пристап на глодари и дивеч, а угинатите животни веднаш треба да бидат отстраната“ – вели Атанасов.

Директорот гарантира дека месото купено од продавница е безбедно, зашто сите пратки се испитуваат одделно. Но, сега посебен апел се упатува до ловџиите. Испитувањето на месото во лабораториите би ги чинело 500 денари, а не провереното може да ги чини и живот. Атанасов вели дека на заразените животни во шумите им нема спас, тие не можат да бидат излечени.

24.mk