Според најновите податоци, во светот досега се регистрирани 1.018.082 лицa заразени со новиот коронавирус. Од нив починати се 53.251, а оздравеле 213.218 луѓе.

– Принцот Чарлс ќе отвори болница во Најтингел, која ќе може да прими до 4.000 пациенти кои се заразени со новиот коронавирус, објавија британските медиуми.

– Само во една црква во САД се заразиле со коронавирус 71 лице. Станува збор за округот Сакраменто, во Калифорнија, едно од најголемите жаришта на заразата вои САД.

– Германците предупредуваат дека училишната настава од далечина, која е воведена поради ширењето на Ковид-19, не е добра на долгорочен план. Тие наведуваат дека тоа не е стандарден модел, кој го применува школството, и се повикуваат на истражувања, според кои таквиот вид на настава овозможува само една четвртина од усвоеното знаење.

– Шпанскиот град Захара де ла Сиера е изолиран од светот и нема ниту еден случај на заразен со коронавирус.

– Во Кина потврден 31 нов случај на зараза со коронавирус и четири смртни случаи. Сега вкупниот број изнесува 81.620 заразени, 3.322 починати, а 76.571 се излекувани и пуштени од болница.

– Јапонците бараат прогласување вонредна состојба поради пандемијата на Ковид-19, а премиерот Шинѕо Абе одбива да го направи тоа.

– Кинескиот град Вухан им испрати официјално предупредување на граѓаните да не излегуваат од домовите доколку немаат потреба.

– Во Киргистан прв смртен случај од новиот коронавирус. Во земјата досега се потврдени 130 заразени лица.

– Две нови жртви на коронавирусот за само еден ден во Бугарија, со што нивниот број достигна 12. Во земјата има 477 заразени случаи.

– Со наредба на црногорското Министерство за здравство ублажени се мерките за ограничено движење, односно на граѓаните им е овозможено и движење за време на викенд до 13 часот, со стриктно придржување кон сите останати мерки.

– Гугл објави извештаи од 131 држава околу тоа дали се намалиле посетите на продавници, паркови и други места за собирање минатиот месец, откако многу влади наложија да се остане дома со цел да се спречи ширењето на коронавирусот.

– Кина ги советува странските дипломати да не доаѓаат во Пекинг. Кинеското Министерство за надворешни работи соопшти дека има заразени со Ковид-19 меѓу странските дипломати и ги советува да не доаѓаат во кинескиот главен град додека трае здравствената криза.

Извор: 24вести.мк

Легендарниот турски голман Рушту Речбер се бори за живот, а турските медиуми прстот во вперија кон неговата сопруга Исил која го заразила сопругот со корона вирус. Исил се вратила во Турција после патување во Соединетите Американски Држави, но ги прекршила прописите за задолжителен двонеделен карантин. Како што пренесува „Милиет“ таа место во карантин, веднаш отишла во својот козметички салон каде покрај сопругот заразила уште неколку лица.

Речбер е примен во болница пред два дена со симптоми на корона вирус, а состојбата нагло му се влошила. Некои медиуми соопштија дека екс-фудбалерот бил ставен и на респиратор.

„Шокирани сме колку бргу се развиваат симптомите на неговата болест“, изјавила Исис која испрати емотивна порака на социјалните мрежи упатена до својот сопруг.

„Вирусот не може да те победи. Не се грижи за мене, јас сум добро. Не ме интересира што ме линчуваат, важно е ти да оздравиш“, порача Исил која исто така изјави дека тестовите покажале дека таа и нејзините деца се негативни на корона вирус.

Речбер е апсолутен рекордер по број на настапи за Турција (124 натпревари) учествуваше на три Европски првенства и на едно Светско.

sportmedia.mk

Летното сметање на времето ќе почне ноќеска-недела, на 29 март, во 2 часот наутро, со тоа што часовникот ќе се помести еден час напред на 3 часот.

Летното сметање ќе заврши на 25 октомври во 3 часот, со поместување на стрелките еден час наназад.

Од 2021 година треба да стапи во сила предлогот за укинување на задолжителното поместување на часовникот за еден час во земјите од Европската Унија. Предлогот беше усвоен од Европскиот парламент, но секоја членка на ЕУ ќе има можност да избере дали ќе остане на летно или на зимско сметање на времето.

Владите што планираат трајно да останат во летно сметање на времето треба да ги наместат своите часовници во последната недела во март 2021 година, а оние што го претпочитаат зимското сметање на времето треба да го наместат часовникот на последната недела од октомври 2021 година.