Најдобриот српски тенисер Новак Ѓоковиќ призна дека веќе неколку дена има проблеми со повреда на зглобот на десната рака, пренесуваат британските медиуми.

Ѓоковиќ настапуваше за „Тим Европа“ на Лејвер купот во Лондон. Тој во саботата одигра два меча, еден во сингл и еден во двојки, а претходно денеска беше поразен од Феликс Огер-Алијас со 6:3, 7:6.

– „Се борев со болките на десниот зглоб во последните четири/пет дена, но го држев под контрола. Денеска не беше лесно, бидејќи не можев да сервирам брзо и прецизно како што сакав. Не играв за три месеци не го користев многу зглобот. Можеби затоа ме болеше малку, но делумно е и поради двата меча што ги одиграв вчера. Се надевам дека ќе се поправи до мојот прв натпревар во Израел. Не е истиот зглоб со кој имав проблем пред неколку години, за време на Олимпијадата во Рио де Жанеиро“, изјави Ѓоковиќ.

Тој од Лондон ќе отпатува за Израел каде следната недела ќе игра на АТП турнирот во Тел Авив.

– „Мојата цел е да се пласирам на завршниот турнир во Торино. Сега сум 15-16-ти на листата за оваа година, а треба да бидам на 20-та за да се квалификувам на завршниот турнир како грен слем шампион. По тел Авив, ќе играм во Астана, а потоа и на Мастерсот во Париз и се надевам во Торино“, изјави Ѓоковиќ.

Македонија одигра добро во Тбилиси, но загуби. Капитенот Енис Барди вели дека сепак резултатот е најважен и верува дека сега и тој аспект ќе биде многу подобар против Бугарија во Скопје. Фудбалската репрезентација утревечер го игра последниот меч од Лигата на нации.

– „Заслуживме мнгу повеќе според играта, но фудбалот се игра на резултат и не е добро кога ќе загубиш. Се надеваме дека утре ќе бидеме многу подобри и дека на крајот ќе освоиме три бода. Имаме нови фудбалери, тие имаат квалитет, даваат голови во клубовите, но треба да дојде моментот да се вклопиме добро и во националниот тим. Би сакал да им дадеме и малку повеќе трпение, и Мио и Мице се одлични напаѓачи. Мислам дека имам одлична генерација и ќе направиме големи работи. Нашата цел е јасна, тоа е Европското првенство во 2024 година“, изјави капитенот Енис Барди.

Извор: makfudbal.mk

Фудбалската федерација на Македонија ги повикува навивачите кои ќе ја бодрат македонската А репрезентација на утрешниот натпревар против Бугарија на Националната арена „Тодор Проески“, како и до сега, да им бидат поддршка на нашите фудбалери во текот на мечот.

Ги повикуваме сите љубители на фудбалот и поддржувачи на македонската репрезентација со фер и коректно навивање да им помогнат на „Рисовите“ да дојдат до победа на последниот натпревар од групата во Лига на нации.

Апелираме на воздржаност од неспортско навивање, користење пиротехнички средства, неспортски транспаренти, користење на ласери, насилно однесување и фрлање предмети на терен.
Единствено со фер, спортско и коректно навивање покажуваме почит кон нашиот национален тим и почит за противникот.

Воедно, праќаме информација до сите кои ќе го следат натпреварот на Националната арена „Тодор Проески“ дека влезовите на нашиот најголем стадион ќе бидат отворени од 18:45 часот до 20:30 часот.

Ги повикуваме сите љубители на фудбалот, навивачи и поддржувачи на македонската репрезентација навреме да бидат на своите места на Националната арена.

Продажбата на билети за натпреварот Македонија – Бугариjа се организира исклучиво преку продажната мрежа на MKTickets.

Продажбата се одвива исклучиво со физичко присуство на купувачите. Електронска (on-line) продажба на билети нема.

МАКЕДОНИЈА – БУГАРИЈА (Национална арена „Тодор Проески“, 26. септември)

Цени на билети:

Северна Трибина

Блок 13, 14, 18, 19, 20 и 24     250 денари

Блок 21 и 23                             250 денари

Јужна Трибина

Блок 1, 2, 5 и 6                         250 денари

Блок 3 и 4                                 350 денари

Едно лице може да купи најмногу четири (4) билети. Покрај неговите податоци (задолжително презентирање на документ за идентификација), клиентот внесува и податоци за други навивачи за кои купува билети.

ПРОДАЖНИ МЕСТА:

Скопје:
• ЛитератураМК – City Mall
• ЛитератураМК – East Gate
• ЛитератураМК – Веро Центар
• Литература – ТЦ Буњаковец
• ЛитератураМК  – ул. Македонија
• Југотон ГТЦ 1
• ЈК Травел – ТЦ Бисер
• Макпетрол – Козле
• Макпетрол  – Илинденска
• Макпетрол – Влае

Велес:
• Унисон

Прилеп:
• ТА Бран

Куманово:

• Тобако Агора

Тетово:
• Тобако Монако
• Гранд Тобако

Гостивар:
• Тобако Вона 5

Охрид:
• ТА Вис Пој

Битола:
• ЛитерараМК
• Tobacco Brothers

Струмица:
• ЛитератураМК
• ТА Сафари

Радовиш:
• ТА Халкидики