Маестро Бојан Кузманоски од Кичево вчера на ЈуТјуб етерот го издаде своето прво „видео и аудио“ музичко остварување насловено како „Балкан Румба“

Видео записот е дело на Христијан Тришоски, а се снимаше во близина на с.Извор – кичевско во природен амбиент, додека за снимањето да добие професионална форма учествуваа и Дејан (тапани), Марко (гитара), Филип (Бас) и Даниел (зурла).

– Се надевам дека ќе ви се допадне мојот аранжман кој е еден од плејадата на музички дела кои ги работам во ова време-невреме на пандемијата Ковид-19, паралелно почитувајќи ги мерките – вистинско време е ние музичарите да си ја наполниме душата со нова музика – на кратко додаде Бојан

Уживајте..

Македонскиот култен треш состав Sanatorium се враќа на сцената со нова песна насловена „Параноја“. Моќна, брза и енергична…, онаква каква што нивните фанови и очекуваат од нив. Ваквиот кам бек се случува во моменти кога се чини дека тоа е најпотребно за публиката.

Новата композиција на Sanatorium е во целост авторско дело на членовите на бендот Перо Стефановски, Горан Атанасов, Горан Станковиќ, Бобан Василески и ex. гитаристот Константин Качев. Во снимањето на „Параноја“ учествуваа Бобан Василески, Александар Стефановски и Дарко Дарковски, а миксот и мастерингот се дело на Александрос Крисидис. Видео продукцијата е на тапанарот Горан Атанасов.

Во продолжение погледнете го видеото.