Следете не

Видео

(ВИДЕО) Во најава нов видео запис за божикна каланда – коледарска песна „Христос се роди денес“

Објавено пред

на

Видео записот за божиќната каланда – коледарска песна „Христос се роди денес“, е веќе во завршна фаза. Се очекува пред самиот празник, видео спотот да биде пуштен во јавноста, информираат на својата веб страница од Бигорскиот манастир.

Песната е во изведба на Верче Милошевска и традицискиот оддел при ДМБУЦ „Илија Николовски – Луј“. Режијата, монтажата и продукцијата на видеото е на Даниел Јовески. Песната е снимена во студиото „Фаме’с“.

Во организација на Здружението „Бадникови поворки“, а со благослов и соработка на Бигорскиот манастир, се направи музички аранжман за древната каланда „Христос се роди денес“. Аранжманот за музиката го направи Владимир Димовски, а во оркестарот музичари учествуваа, на виолина: Владимир Костов, Елена Талевска, Петар Тасески, Ѓоргина Поповска, Марија Јанчулеска, Владимир Цветковски, Коста Андоновски, Бранислав Автовски, Момчило Куфојанакис, Игор Милевски; виоли: Марија Димитријевиќ, Александар Стојчевски, Александар Лаовски; на виолончело: Кирил Јосифов, Паскал Краповски, Љупка Манчевска Каевиќ; на контрабас: Митко Иванов; на кларинет: Петар Христов, на канон: Тимко Чичаковски и на харфа: Симона Богоевска. Диригент и синтисајзер: Иван Еминовиќ.

Со ова, всушност, како што се посочува „Бадникови поворки“ и годинава го одржа ветувањето дека за секој Божик ќе возобновува по една стара коледарска песна.

Од Бигорскиот манастир наведуваат дека во севкупното остварување на овој проект учествуваа над 80 луѓе, меѓу кои познатите македонски актери: Јоана Поповска, Дубравка Киселички, Владо Јовановски, Горан Илиќ, Љупчо Бојковски, Владо Дојчиновски. Костимографијата ја направи Жаклина Крстевска Караѓозоска, а за шминката се погрижија Викторија Бурсак и Маргарита Миновски.

Каландата „Христос се роди денес“ е продолжение на процесот за возобнова на древните божикни традиции, со кои побожно се славело Рождеството Христово. Пеејќи ги Божикните каланди, верниците, особено најмладите, на Бадник го објавувале насекаде со радосно ликување доаѓањето на Божјото Слово на земјата. Но, во тоа празнично возвестување учествувале, се разбира, и возрасните, кои често, организирани во групи заедно со неколку музичари, попладнето на Бадник, оделе од куќа на куќа и пееле каланди. Годинешниов спот го прикажува токму тоа, информираат од Бигорскиот манастир.

Во продолжение текстот на каландата, како и прилогот со изјавите на дел од актерите:

Христос се роди денес

Добровечер, домаќини, ако има во вас желба,
да раскажам за светото раѓање на Христа Бога.

Христос се роди денес во Витлеем јудејски,
небесата се веселат, сета твар се радува.

Во пештера се раѓа, во јасли на животните,
Царот на небесата и Творецот на вселената.

Мноштво на ангели пеат: „Слава во висините“
и достојна за восхит е верата на пастирите.

Од Персија доаѓаат, тројца мудреци со дарови,
ги води светла ѕвезда, без да ги задоцнува.

Во овој дом што пееме, камен да не падне,
домаќинот на куќава, долго жив да биде.

И добра ноќ, одморете, па во црква брзо појдете,
на светата Литургија со многу побожност и радост.

И дома штом се вратите, на трпеза да каснете,
дајте и на сиромаси, за никој да не снема.

Дајте ни нам што пееме, колку има во вас желба,
и Христос Бог наш секогаш помошник да ви биде.

Видео

Што може да преживее Apple Watch Ultra? ВИДЕО

Објавено пред

на

Фото: Unsplash

Јутјуберот TechRax го стави првиот издржлив часовник на Apple – Watch Ultra – на неговиот екстремен тест за издржливост.

Apple Watch Ultra беше претставен на почетокот на септември и е првиот издржлив часовник на компанијата. Ова секако е задоволство за многу Јутјубери, кои решиле да го истетовираат, а меѓу нив е и TechRax.

Со цел да се тестираат многуте засилувања што ги користи Watch Ultra, како што се куќиштето од титаниум, дисплејот од сафир и заштитата за круна, TechRax користеше голем број екстремни методи.

Така Apple Watch Ultra беше фрлен на бетон на тест за „drop“, ставен во тегла со шајки, по што теглата беше протресена, а потоа одлучи да го удри часовникот со чекан.

Интересно е тоа што часовникот ги поминал сите овие тестови без трајни или поголеми оштетувања. Тука спаѓаат и ударите со чекан, а колку такви удари биле потребни за конечно да не успее часовникот, погледнете во придружното видео.

Прочитај повеќе...

Автомобили

Автомобилот во кој провалил не можел да запали. Ги замоли пријателите да го „турнат“. (ВИДЕО)

Објавено пред

на

Фото: YouTube/Knockout 360

Очигледно, во овој модел, можете едноставно да ја исклучите бравата на воланот

Крадците имаат различни методи за крадење автомобили. Нивната креативност нема граници, а тоа докажува и видеото во прилог. На снимката можеме да видиме како Dodge Durango се влече покрај Dodge Challenger SRT Hellcat паркиран пред зградата. Човекот излегува од теренецот, ја отвора вратата и на крајот влегува внатре.

Возачот на Durango потоа се приближува до задниот дел на Hellcat и почнува да го турка напред. Очигледно, во овој модел, можете едноставно да ја исклучите бравата на воланот. Ова го објаснува фактот дека крадецот кој седел во автомобилот можел да го управува украденото возило.

За потсетување, Dodge Challenger SRT Hellcat има 6,2 литарски V8 мотор под хаубата. Моќта од 717 КС се пренесува на задната оска. Од 2018 година, моќноста се зголеми на 727 КС. Забрзувањето од 0-100 km/h е 3,6 секунди, а максималната брзина е 320 km/h.

Прочитај повеќе...

Видео

Робот му скршил прст на момче за време на шаховски натпревар

Објавено пред

на

Фото: Printskrin: Twitter/@@xakpc

Неговите родители сега подготвуваат тужба

Седумгодишно момче е повредено за време на шаховски меч против робот на турнир во Москва.

Организаторите рекоа дека несреќата се случила кога момчето се обидело да го одигра својот потег пред време. Прстот му беше скршен, но младиот шахист сепак го заврши мечот.

Меѓутоа, неговите родители сега подготвуваат тужба, пренесува Klix.ba.

„Роботот му го скрши прстот на момчето и тоа е очигледно лоша работа. Момчето направи потег, но требаше да му даде време [роботот] да одговори. Сепак, тој побрза и роботот го фати“, рече Сергеј Лазарев, претседател. на Шаховската федерација во Москва.

Роботот не е во сопственост на Шаховската федерација во Москва, туку се изнајмува по потреба. Операторите очигледно ја „занемариле“ оваа можност во безбедносните протоколи.
„Овој робот игра шах 15 години и ова е единствениот инцидент на кој се сеќавам. Апсолутно е безбеден, но талентираниот пронаоѓач треба да вгради дополнителни безбедносни протоколи. Момчето е добро“, додаде заменикот на Лазарев, Сергеј Смагин.

Прочитај повеќе...

Facebook

Последни објави

Хороскоп3 часа

Хороскоп за среда (5 октомври)

ОВЕН Многу ве интересира нешто што сте слушнале или некоја нова тема со која сакате да се занимавате. Можеби размислувате...

Временска прогноза8 часа

Драстична промена на времето од утре, ова се најновите метео вести

Од денес па во следните денови следува период на стабилно, суво и сончево време со мала до умерена, а повремено...

Хроника9 часа

Ноќеска пред кичевски угостителски објект, албанец бил прободен со нож

На 03.10.2022 во 23.07 часот во ОВР Кичево е пријавено дека пред угостителски објект на булеварот „Ослободување“ во Кичево, физички...

Македонија11 часа

И понатаму сè вози брзо, само вчера 452 санкции за пречекорување на брзина

Во текот на вчерашниот ден (03.10.2022) Министерството за внатрешни работи спроведе засилена акциска контрола на територијата на Република Македонија за...

Магазин14 часа

Прототипот на Google Keyboard е долг преку 1,5 m со копчињата распоредени во еден ред

Google Japan има традиција да прави комични решенија кога станува збор за прототипови на тастатура кои на некој чуден начин...

Магазин14 часа

5-те најчести измами на TikTok

TikTok е се попопуларен, а како што беше случајот со сите социјални мрежи во фаза на проширување, покрај зголемениот број...

Магазин14 часа

Протекоа нови информации за камерите и батериите на серијата телефони Samsung Galaxy S23

Според информациите до кои дојде GSMArena, Samsung Galaxy S23 треба да има малку поголема батерија од неговиот претходник: 3.900 mAh...

Магазин14 часа

YouTube воведува промена која на многумина нема да им се допадне

Google одамна ја воведе опцијата YouTube Premium – верзија на својот видео сервис кој не прикажува реклами, туку бара месечна...

Свет14 часа

Универзален полнач за сите мобилни уреди од есен 2024 година.

Од есента 2024 година, на потрошувачите од ЕУ повеќе нема да им треба различен уред и кабел за полнење на...

Автомобили14 часа

Mercedes го најави Електричен Mercedes G класа

Mercedes-Benz откри кога би можеле да седнете зад воланот на неговата електрична класа G. Од компанијата најавија дека возилото ќе...

НАЈЧИТАНИ