Нашата држава се наоѓа под влијание на циклонска активност која условува доста нестабилно време. Понатаму кон крајот на денов и во текот на ноќта на повеќе места ќе има врнежи од дожд. Поинтензивни врнежи ќе има во западните и во северните предели каде локално ќе наврнат над 15 л/м2 воден талог.

На повисоките планини (над 1500 метри) и тоа особено на запад и на северозапад ќе има врнежи од снег.  Максималните температури ќе се искачуваат во интервалот од 7 до 15 степени, додека во следните денови истите ќе бидат во постепен пораст.

Променливото време ќе се задржи и на почетокот од следната недела со повремени локални врнежи од дожд, додека на планините повремено врнежите ќе бидат од снег. Локално ќе биде нестабилно и тоа особено во понеделник со пороен дожд, грмежи и засилување на ветерот.

Автор: Славчо Попоски

Утре попладне следува период на претежно облачно време со повремени локални врнежи од дожд, додека на планините ќе има врнежи од снег. Ќе дува слаб до умерен ветер претежно од источен и од југоисточен правец.

Температурите на воздухот пак ќе се искачуваат во интервалот претежно од 8 до 17 степени.

Автор: Славчо Попоски

Периодот кој што е пред нас ќе донесе доста променливо време проследено со почести врнежи од дожд, како и врнежи од снег на планинските места низ државава.

Утре ќе се задржи променливо облачно време со повремен локален дожд, додека на планините ќе има повремени врнежи од снег. Ќе дува слаб до умерен, понекаде и умерен ветер од западен и од југозападен правец, додека попладне и кон крајот на денот Долж Повардарието ќе започне да дува умерен, повремено засилен ветер од северен и од северозападен правец.

Температурите ќе се искачуваат во интервалот од 9 до 18 степени, додека во крајните југоисточни предели истите се очекува да се искачат до околу 20 степени.

Потоа во четврток и во петок ќе имаме претежно суво време. Односно времето ќе биде променливо облачно со сончеви периоди, додека за време на викендот под влијание на влажен воздушен бран ќе има врнежи од дожд насекаде, додека на планините врнежите ќе бидат од снег, додека температурите ќе бележат тенденција на пад и за викендот ќе се искачуваат во интервалот од 7 до 15 степени.

Променливото време со чести врнежи од дожд и снег на планините ќе се задржи и на почетокот од следната недела. Врнежите повремено ќе бидат ПОИНТЕНЗИВНИ и локално се очекува да наврне ПОЗНАЧИТЕЛНО количество на воден талог.

Автор: Славчо Попоски