1602.- Роден е германскиот физичар и пронаоѓач Ото фон Герике, кој прв покажа вакуум и го изведе познатиот експеримент за воздушниот притисок („Магдебуршки хемисфери“). 1780.- Велика Британија и објави војна на Холандија, откако откри дека холандски бродови ги снабдуваат американските бунтовници со француско и шпанско оружје.

1818.- Јужноамериканскиот револуционер и државник Симон Боливар прогласи независност на Венецуела од Шпанија.

1847.- Умре писателот, преведувач и актер Јоаким Вујиќ, творец на српскиот театар, основач и директор на „Кнежествено српски театар“ во Крагуевац (1833).

1863.- Роден е писателот, естетичар и литературен критичар Богдан Поповиќ, член на Српската кралска академија, еден од основачите на „Српскиот литературен гласник“. Тој значително влијаел на европеизацијата на српската литература во предвечерието на Првата светска војна. Ја објавил „Антологијата на новата српска лирика“ и голем број студии за литература и уметност.

1873.- Два града на десниот и левиот брег на Дунав, Буда и Пешта, биле споени во еден град, унгарската престолнина Будимпешта.

1894.- Умре рускиот композитор и пијанист Антон Григориевич Рубинштајн, основач на Петроградскиот конзерваториум, еден од најголемите пијанисти во 19 век. Компонирал опери („Демон“), композиции за пијано, соло песни (циклус „Персиски песни“).

1910.- Умре рускиот писател и мислител Лав Николаевич Толстој, еден од великаните на светската литература. Со романот „Војна и мир“ го создава типот на роман „време и простор“ (епски роман). Уметникот-аналитичар бил преокупиран со морално-етички и општествени проблеми, а како литературен естетичар се залагал за дидактичка уметност кај народот („Ана Каренина“, „Севастополски раскази“, „Народни приказни“, „Што е уметност“).

1914.- За време на Првата светска војна во битката кај Колубара како офицер на Врапче брдо кај Лазаревац загина Димитрије Туцовиќ, водач на социјалистичкото движење во Србија.

1917.- Во битката кај Канбреј во Првата светска војна, Британците за прв пат ангажирале група од 324 тенкови. Тенкот првпат бил употребен во битката кај Сом во 1916 година.

1923 – Гарет А. Морган го патентирал првиот автоматски семафор.

1924.- Курдскиот бунт во Турција беше задушен, а територијата на која живеат беше поделена меѓу неколку земји по Првата светска војна со Договорот од Лозана.

1925.- Родена е руската балерина Маја Плисецкаја, ѕвезда на театарот Бољшој речиси половина век. На 11-годишна возраст почнала да танцува во балетски хор, во 1943 година станала солист, а потоа примабалерина, изведувајќи голем број главни улоги во класичниот и модерниот балет.

1945.- Во Нирнберг, пред Меѓународниот воен трибунал, започна судењето на нацистичките воени злосторници во Втората светска војна, каде за прв пат во историјата на меѓународен форум беше осудена агресијата како злосторство против човештвото и казнети виновниците. По десет месеци, 12 обвинети беа осудени на смрт, тројца на доживотен затвор, четворица на 10 до 20 години затвор, а петмина беа ослободени.

1945.- Сојузничката контролна комисија даде дозвола за преселување на шест милиони Германци од Австрија, Полска и Унгарија во Западна Германија.

1959.- Генералното собрание на ОН ја усвои Декларацијата за правата на детето, со која беа прогласени еднакви права за сите деца, без разлика на раса, религија, потекло и пол.

1959.- Во Стокхолм, Велика Британија, Норвешка, Шведска, Данска, Австрија, Португалија и Швајцарија ја потпишаа конвенцијата за формирање на ЕФТА (Европска асоцијација за слободна трговија).

1975.- Умре шпанскиот фашист Франциско Франко, кој 36 години управуваше со Шпанија на диктаторски начин. Два дена подоцна Хуан Карлос стана крал на Шпанија.

1980.- Во Кина започна судењето на „бандата од четворица“ предводена од Џијанг Кинг, вдовицата на претседателот Мао Це Тунг. Тие беа обвинети за предавство и злосторства за време на Културната револуција од 1966-76 година.

1998.- Од космодромот Бајконур, Русија го лансираше првиот модул на идната Меѓународна вселенска станица, кој чинеше 60 милијарди долари.

2001.- На општите избори во Данска, социјалдемократите ја загубија власта за прв пат по 80 години. Либералите на Андерс Фог Расмусен победија.

2002.- Советот за радиодифузија на Турција предложи државната радио и телевизија да започне со емитување на претходно забранетиот курдски јазик, што е чекор кон членство во ЕУ.

2003.- Во експлозија на автомобил-бомба во Истанбул во близина на британскиот конзулат и пред претставништвото на лондонската банка ХСБЦ, загинаа 27 лица, меѓу кои и генералниот конзул на Велика Британија Роџер Шорт, а повеќе од 450 лица беа повредени.

2004.- Претседателот на Шри Ланка Чандрика Кумаратунга го укина 28-годишниот мораториум на смртната казна откако беше убиен судија на Врховниот суд.

2006.- Умре американскиот режисер Роберт Алтман, добитник на Оскар за животно дело. Автор е на легендарните филмови „M.A.S.H.“, „Nashville“, „The Player“, „Short Cuts“, „Kansas City“.

2011.- Шпанската конзервативна Народна партија освои мнозинство на парламентарните избори, а Маријан Рахој беше назначен за премиер. Социјалистичката работничка партија, оптоварена со последиците од економската криза и стапката на невработеност, го претрпе најголемиот пораз од воведувањето на демократијата.

2015 – 18 лица загинаа во терористички напад во хотел во Бамако. Одговорноста за нападот на хотелот во Мали ја презеде екстремистичката група, фракцијата Ал Каеда.