Следете не

Литература

Кичевчани помеѓу наградените на овогодинешната меѓународна поетска манифестација „Охридски поетски бисер“

Објавено пред

на

Во Црквата „Успение на Пресвета Богородица“ – Каменско по седми пат се реализираше Меѓународната поетска манифестација „Охридски поетски бисер“ во организација на истоименото Здружение за литература и култура „Охридски поетски бисер“, со поддршка на Општина Охрид. Оваа манифестација има за цел меѓународна промоција на поетската реч, македонскиот јазик и македонската литература, градот Охрид и Македонија

Нашите сограѓани Лидија Аврамоска, Наташа Наумоска и Јован Миноски од Кичево беа помеѓу наградените во категоријата на Македонски автори на овогодинешната меѓународната поетска манифестација „Охридски Поетски Бисер“.

– За сите дарови Му благодарам на Бога, па и за овој дар, за оваа награда од страна на организаторите на манифестацијата Охридски поетски бисер, во која зедоа учество околу 150 македонски автори, и околу 60 од регионот и од дијаспората, а на која ми беше чест и задоволство да учествувам.

– Затоа тоа што истата испраќа една силна порака до верниот народ за зачувување на вистинските морални вредности на кои новите времиња не само што не може да ги уништат, туку не може воопшто да ги разнишаат. Затоа што нашиот народ е народ со висока свест за човечноста, а таа извира од длабоките корени на традицијата, додека организаторите на оваа традиционална манифестација токму тоа и го прават, ги негуваат тие вредности и го приближуваат народот кон човечноста, а со тоа и кон божественото.

– Им благодарам што и преку наградувањето на стиховите на „Себепознание“ го докажаа тоа со тоа што третото место ни го доделија мене и на мојата колешка Лидија Аврамоска. И преку овој гест се потврдува поговорката дека сѐ што се дели се намалува, само љубовта кога се дели станува уште поголема. А Божествената љубов е токму таква, за нашиот портал додаде г-ѓа Наумоска и ни испрати текст од стиховите на „Себепознание

Ѕирка, довикува
од самиот раб на провалијата
наречена суета.
Понекогаш ни изгледа блиску
заради лажното смирение.
Никако не може
нашето ,,јас” да разбере
дека лажно е сѐ.
Оној ден штом осамне
утрото на вистината,
дека не на дното
ами сме под него разбереме,
тивко ќе нѐ прегрне
бескрајна смиреност,
ќе одекнува силно аплаузот
на едно себепознание,
додека образот на нашето ,,јас”
силно ќе црвенее од срам
поради нашата
правлива безвредност.

– Охридски поетски бисер е манифестација од меѓународен карактер на која имаше поети од Македоноја, Србија, Црна гора и БиХ. Од испратени 160-тина творби од македонски автори беа одбрани 50-тина. Имаше многу убави песни кои секако заалужуваа да бидат наградени, но комисијата одлучи да ми го додели 3-то место на мое огромно задоволство кое го делев со Наташа Наумоска исто така од Кичево и член на литературниот клуб „Китка“. Ова е манифестација има благородна мисија во афирмирањето, пренесувањето и зачувувањето на македонскиот јазик и поезија, не само во Македонија, туку и низ светот, а со тоа и нам да станеме дел од промоторите на пишуваниот поетски, литературен македонски јазик – за порта.мк исто така додава добитничката Аврамоска и ни ја претстави својата творба „Илузија“

Сонот лекува,
но е само пауза во бекството.
Улиците се тмурни
за фантазерите и романтичарите.
Полни се со безнадежност
Среќата е залутана
Каде е патоказот
кон она што се вика дом…
Осамени лица
под испукано небо
во џеб мирисот
на безгрижно детство
и топол леб.
Гужва и галама
на луѓе гладни,
невидливи и ладни
никој, никого на мир не остава,
а никој за никого не се грижи.
Сонцето е се подалеку и поладно.
Сакам да заспијам
и да се разбудам
кај што сонцето ја топли душата..
на некое друго место
и во некое друго време…

Литература

Драги родители, „IQ Up!“ едукација за вашето дете сега и во Кичево, уписите се во тек, регистрирајте се за бесплатен пробен час!

Објавено пред

на

Сега и во Кичево „IQ Up!“, специјална едукацијата која е базирана на иновативна методологија во која се имплементирани најсовремени и докажани техники, пристапи и методи за едуцирање на децата. Забавни и интерактивни програми во кои се вкрстуваат проблематиките на сите природни науки, математика, технологија, инженерство, уметност, литература и програмирање.

За секоја програма имаат специјално дизајнирани сетови од дидактички материјали и нагледни средства кои учителите ги користат на часовите за да создадат магија во наставата, додека IQ Up! училниците, кои наликуваат на забавни лаборатории, се дизајнирани да ги инспирираат децата да учат, создаваат и иновираат.

За себе велат пред сè дека целта е едукација на стекнување функционално знаење и умствени вештини за целосен интелектуален развој на нашите ученици.

– На нашите часови, учениците учат преку експериментирање, истражување, анализирање, работа на реални проекти и решавање на проблеми. На тој начин децата стекнуваат функционално и практично знаење, многу полесно и поквалитетно ги разбираат наставните теми и концепти, но и развиваат умствени вештини.
Логичко размислување, креативност, анлитичко размислување и способност за решавање на проблеми се дел од интелектуалните вештини кои ги развиваат децата преку нашата едукација, а се многу важни за нивниот развој и можности во 21 век.

 

📝 Регистрирајте се за бесплатен пробен час, стартот е од месец септември преку линкот ТУКА или контактирајте на тел бр. ☎️ 071/777-939.
✅ Заследете ја нивната официјална фејсбук страница „IQ UP – КичевоТУКА и следете ги сите новости!

Прочитај повеќе...

Литература

Излезе книгата „Гласот на предците“, која претставува зборник на македонски народни преданија од Христијан Аџиоски

Објавено пред

на

Секоја страница исплетува приказна со посебна македонска судбина, која како ехо нè наоѓа… и одѕвонува во нашата свест. Низ приказните во овој мал зборник, ќе ја пропатувате цела Македонија, барем накратко ќе бидете сведоци на различни настани одделени со стотици години, читајќи ги судбините на нашите предци, ќе можете за миг да се соживеете со нивното време!

Во преданијата кои ја раскажуваат Македонија, ќе сретнете непокор, јунаштво, предавства, љубов, мудрости, приказни во кои дефилираат цареви,
принцези, војсководци, бегови, паши, невести, ѓаволи, доаѓаат и светците како заштитници, а прелетува и по некој змеј.

Кратка содржина:

Како Свети Јован го спасил Бигорскиот манастир од уништување? Како од солзи можат да се создадат езера? Зошто е проколната грешната принцеза Струма?
Како Мариово добило царски ферман за навек да остане христијанско? За кого клетвата значи скаменување? Зошто мајмун не игра во Прилеп?
Зошто ѓаволот не успеал да го догради ѕидот во Овче Поле? Како копјето станува волшебно кога ќе ја чуе песната на соколот?
Дали под Плетвар има подземни пештери кои водат до Солун? Како настанал охридскиот чун? Колку долго Бела Ица го чекала царот Александар да дојде по неа?

На сите овие прашања, одговорите се кријат во овој зборник – овде се собрани само дел од приказните со кои можеме читајќи да пропатуваме низ времето на прастарата и никогаш недораскажана Македонија. Преданијата од нашите предци ги наследуваме со вековен аманет да ги раскажеме, запишеме и да им подариме вечност, а со тоа ги овековечуваме и оние кои нам ни ги раскажале.

Прочитај повеќе...

Култура

Amazon ги затвора сите свои книжарници

Објавено пред

на

Amazon, гигант за е-трговија, потврди дека ќе затвори 68 свои книжарници како дел од прилагодувањето на новата стратегија за развој на малопродажниот бизнис. Покрај книжарниците, компанијата планира да затвори уште два концепта на физички продавници – продавници со „4-star“ кои продаваат производи со висок рејтинг на онлајн клиенти, како и продавници за Pop Up.

Наместо тоа, Amazon сака да се фокусира на други физички продавници, вклучувајќи ги и продавниците за храна, Amazon Fresh и Whole Food, како и неодамна отворениот синџир продавници за облека, Amazon Style. Покрај нив, тој сака да посвети повеќе внимание на концептот на автоматизирани продавници без касиери – Amazon Go.

Amazon ја отвори својата прва физичка продавница на почетокот на 2015 година, на кампусот за студенти. Подоцна истата година, тој ја отвори првата книжарница во Сиетл. Во 2017 година, тој ги објави плановите за купување на Whole Foods, со која се здоби со синџир од стотици продавници за храна. Истата година, беше објавен синџир на трговци на облека, Amazon Style. До крајот на 2021 година, Amazon имаше 672 физички продавници во Северна Америка.

/CNN/

Прочитај повеќе...

Facebook

Последни објави

Lifestyle9 часа

Истражувањето открива: Како одложувањето на алармот влијае на нас?

Според новото истражување на Универзитетот Нотр Дам во Индијана, 57 отсто од возрасните обично сакаат да дремнат откако ќе се...

Lifestyle9 часа

Експерти: Луѓе кои никогаш не треба да пијат кафе

Кафето е одличен начин да добиете дополнителна енергија наутро или да го победите заморот среде работниот ден, а бројни студии...

Lifestyle9 часа

Дали навистина треба да ја миете косата двапати?

Дали вашата коса брзо се мрсни, само ден или два по миењето? Ако е така, веројатно ја миете косата често,...

Магазин9 часа

За да ги одржувате подолго свежи: Четири начини како да ги зачувате бананите

Ефективни трикови Сите знаеме дека бананите доаѓаат од тропските предели, па не е ни чудо што тие не можат да...

Lifestyle9 часа

„Форбс“ ги избра петте најпотценети градови на Балканот, меѓу кои и еден македонски на листата ВИДЕО

Реномираниот магазин Форбс објави листа на „најпотценети“ балкански градови, а на листата се најде и еден македонски град. Охрид Ако...

Автомобили9 часа

Honda започнува со производство на автомобили на водород во САД до 2024 година

Honda во производствениот процес вклучи автомобили со водородни горивни ќелии, а засега само во САД. Производителот на автомобили откри дека...

Временска прогноза10 часа

Променливо облачно време, за викендов нови врнежи од дожд

Територијата на Македонија се наоѓа под влијание на јужно струење на висина, и истото условува НАТПРОСЕЧНО ВИСОКИ температури на воздухот. Времето...

На денешен ден11 часа

6 декември – На денешен ден

1988.- Починал Рој Орбисон (Рој), една од најголемите ѕвезди на американската поп и кантри музика, автор на хитовите „Only the...

Македонија15 часа

Бензините денес се продаваат со нова намалена цена за литар

Малопродажната цена на бензинот ЕУРОСУПЕР БС-95, ноќеска се намали за 1,50 ден/лит, во однос на малопродажната цена утврдена со одлуката...

Спорт20 часа

Ѓоковиќ е петти носител на „Australia Open“

Настапот на освојувачот на девет титули на отворањето Грен слем од секоја сезона дефинитивно го потврди и објавувањето на неговото...

НАЈЧИТАНИ