Магазин
5.5G мрежите се тука, како и првите телефони со Android што ја поддржуваат

Кина направи значаен чекор напред во воведувањето на следната генерација на безжична технологија
Кинескиот телекомуникациски гигант China Mobile го најави комерцијалното лансирање на својата 5.5G мрежа, позната и како 5G-Advanced или 5GA.
Ова лансирање не само што ветува значителни подобрувања во брзината на интернетот, туку го означува и доаѓањето на првите телефони со Android подготвени да ја искористат новата технологија.
Имено, Пит Лау, главен продукт директор на OPPO, преку социјалната мрежа Weibo ја сподели веста дека телефонот Find X7 Ultra ќе биде меѓу првите што ќе ја поддржува мрежата 5.5G, прикажувајќи го статусот на мрежата „5GA“ на уредот. Дополнително, беше истакнато дека стандардната верзија на телефонот Find X7 ќе добие и можност за поврзување на 5.5G, со што оваа серија ќе биде прва во светот која ја поддржува оваа напредна мрежа.
Notice anything different? 😎 pic.twitter.com/hfrD9HJUz7
— Pete Lau (@PeteLau) March 28, 2024
Оваа технолошка иновација не е само знак за напредок во брзината на Интернет, туку ветува и револуција во индустриските апликации, каде што се потребни супер брзи прикачувања, минимална латентност, супериорна безбедност и сигурност, како и мала потрошувачка на енергија. Мрежата 5.5G, како подобрување на постоечката 5G технологија, ги поставува темелите за идната транзиција кон 6G технологијата, оптимизирајќи ги перформансите што веќе ги обезбедува 5G, пишува Android Authority.
Иако американските корисници ќе мора да чекаат до 2025 година за комерцијална достапност на 5GA мрежата, ентузијазмот меѓу американските телекомуникациски лидери веќе е присутен. Претседателот на AT&T, Крис Самбар, изрази возбуда поради доаѓањето на 5.5G мрежите, што сугерира дека Америка е на пат да ја прифати технологијата.
Добрата вест за корисниците ширум светот е дека чипсетот Snapdragon 8 Gen 3 што го напојува Find X7 Ultra исто така се користи и од други предводници на Android од 2024 година, како што се Galaxy S24 Ultra и OnePlus 12. Ова имплицира дека кога мрежите 5.5G ќе станат достапни надвор од Кина, веќе има уреди подготвени да го искористат потенцијалот.
/Telrgraf
Хороскоп
Хороскоп за сабота (28 јуни)

ОВЕН
Пред вас е поволен период доколку имате во план некои нови потези на работно поле. Имате проблеми со саканата личност бидејќи не и верувате доволно. Вашиот однос е многу нестабилен. Пад на имунитет.
БИК
Време е да се позанимавате со односот кој го имате со шефовите. Може да очекувате период во кој ќе имате некои компликации. Односот со саканата личност не е добар и имате чувстви дека доаѓа до заладување. Проблеми со бубрезите.
РАК
Ќе ви се укаже можност за напредување на работното место каде што се наоѓате моментално. Судбината ќе биде на ваша страна. Нагло ќе дојде до проблеми и пореметувања во односот со саканата личност. Постојат многу несогласувања помеѓу вас. Зголемен притисок.
ЛАВ
Доколку се занимавате со приватен бизнис, може да очекувате поволен викенд за некои нови одлуки. Ве очекува нова врска, кога најмалку ќе се надевате. Ќе се споите под необични околности. Проблеми со варење.
ДЕВИЦА
Ве очекува кратко патување или можност да склопите нова соработка која ќе ви значи многу подоцна. Комуникацијата со партнерот е солидна, задоволни сте со текот на вашата врска и добро се чувствувате. Проблеми со дишните патишта.
ВАГА
Во некои ситуации се чувствувате како да не можете да напредувате бидејќи некоја личност ненамерно ве кочи во тоа. Постои дистанца меѓу вас и партнерот. Не се чувствувате баш најдобро поради тоа. Не се напрегајте.
ШКОРПИЈА
Ве очекува период на промени, ако веќе сте имале намера да го менувате рабаотното место ќе бидете многу задоволни. Враќањето на поранешната љубов би можело на некој начин да ги поремети вашите планови на љубовно поле. Би ви годела физичка активност.
СТРЕЛЕЦ
Важно е да бидете подготвени да дадете сѐ од себе за да успеете да ги остварите промените за кои сонувате. Потребно е да бидете искрени кон партнерот ако сакате врската да се стабилизира и поправи. Добро се чувствувате.
ЈАРЕЦ
Ве очекува тежок викенд на работно поле. Нема да оди сѐ онака како што посакувате. Потрудете се на ова поле да поставите одредени граници. Пред вас е шанса да остварите подобар однос со саканата личност. Зајакнете го имунитетот.
ВОДОЛИЈА
Ве очекува поволен викенд, среќата сега е на ваша страна па може да очекувате задоволство. Ќе запознаете интересна личност која ќе ги покаже отворено симпатиите кон вас. Спортувајте!
РИБИ
Соработката со странство полека се прекинува. Време е да свртите кон некои нови работни цели. Дококу сте во врска, пред вас е многу добар викенд за искрен разговор со партнерот. Избегнувајте масна храна.
Магазин
Дали е штетно батеријата да се полни неколку пати на ден?

Не, честото полнење на телефонот не е штетно – напротив, полнењето во пократки интервали може да помогне батеријата да трае подолго. Денешните паметни телефони користат литиум-јонски батерии, кои се дизајнирани да издржат ваков начин на полнење, за разлика од постарите технологии кои бараа целосно празнење и полнење.
Исидор Бухман, основач на „Cadex Electronics“, објаснува дека треба да се избегнува редовно полнење од 0% до 100%, освен ако батеријата не покажува проблеми како ненадејно исклучување иако е прикажано дека е наполнета. Во такви случаи, целосен циклус може да помогне во калибрација на сензорот за батерија.
Литиум-јонските батерии обично траат 2 до 3 години или околу 300 до 500 циклуси на полнење, по што нивниот капацитет се намалува за околу 20%. За разлика од претходните верувања, денес не е потребно батеријата целосно да се празни за да се зачува нејзиниот век. Всушност, повеќето производители, вклучувајќи го и Samsung, препорачуваат батеријата да се одржува над 50% секогаш кога е можно.
Препораки за оптимално полнење:
-
Полнете го телефонот кога ви одговара, без страв дека ќе ја оштетите батеријата.
-
Избегнувајте батеријата да паѓа под 20% колку што е можно поретко.
-
Не оставајте го телефонот долго време на полнач откако ќе се наполни до 100%.
-
Целосно празнење (до 0%) правете само повремено, доколку е потребно за калибрација.
Малите, повеќекратни полнења во текот на денот се безбедни и дури препорачливи. Она што треба да се избегнува се екстремите – редовно празнење до нула или долготрајно држење на полнач кога батеријата е целосно наполнета.
На овој начин, батеријата на вашиот телефон ќе трае подолго и ќе функционира поефикасно.
Извор: Benchmark
Lifestyle
Палачинки со тиквички – брз, евтин и идеален летен оброк

Сезоната на тиквички секоја година нè радува бидејќи нуди безброј решенија за брзи и лесни летни оброци. Палачинките со тиквички се еден од највкусните и наједноставни избори – одлични за појадок, лесен ручек или вечера.
Состојки:
-
1–2 тиквички, рендани
-
2 јајца
-
250 мл млеко (може и кисело млеко или јогурт)
-
100–150 г брашно
-
Сол, бибер, зачини по вкус (на пример мелен бибер, магдонос)
-
Масло за готвење
Подготовка:
Излупете ги тиквичките доколку е потребно и изрендајте ги. Посолете ги и оставете ги да стојат околу 15–20 минути за да пуштат вода, потоа добро исцедете ги.
Во посебен сад изматете ги јајцата, додадете млеко, сол, бибер и постепено додавајте брашно, мешајќи додека не добиете малку погуста смеса од обичната за палачинки. Додајте ги исцедените тиквички и избраните зачини, па нежно измешајте.
Пржете ги палачинките на загреан тав со малку масло додека не поруменат од двете страни.
Совет плус:
За побогат вкус, во смесата можете да додадете фета сирење, рендано тврдо сирење или ситно сечкан лук. Послужете ги топли со кисело млеко, павлака или некој освежителен сос по ваша желба.
Овој рецепт е идеален кога сакате нешто брзо, лесно и вкусно, а притоа да уживате во свежите летни вкусови.
Извор: B92
-
Кичево9 часа
Предмалку случена сообраќајка во близина на с.Извор кичевско, правец Кичево-Охрид
-
Хороскоп24 часа
Хороскоп за петок (27 јуни)
-
Македонија12 часа
Од ноќеска цената на дизелот драстично паѓа, еве колку ќе биде литар дизел гориво од полноќ
-
Македонија14 часа
Од 1 јули до крај на месец август на државните патишта во Македонија се воведува летен времен режим на сообраќај со кој се забранува движење на тешки товарни возила
-
Временска прогноза8 часа
Доаѓа дожд према нашиот регион, ова се последните метео вести
-
Македонија1 ден
Нов случај на измама: Старица дала огромна сума пари на таканаречен лекар кој и кажал лоша вест за ќерката
-
На денешен ден2 дена
Времеплов: На денешен ден – 26 јуни
-
Македонија13 часа
Целосна забрана за движење во шумите