Денес се чествува 84 години – Ден на востанието на Македонија или Ден на народното востание на македонскиот народ познат и само како 11 октомври — државен празник кој се празнува на 11 октомври во Македонија. Востанието е против фашизмот и со тоа започнува борбата за ослободување на македонскиот народ. Тоа е важен меѓник во борбата за самобитност и самостојност на македонскиот народ. Со својата вооружена борба, Македонија не станала квислиншка територија, туку, напротив, жешко подрачје за окупаторот и дала свој придонес во победата над фашизмот во Втората светска војна.

Историја

По фашистичката агресија и окупацијата на Југославија во 1941 година, Македонија повторно е поделена, овојпат помеѓу италијанскиот и бугарскиот окупатор.

И пред 11 октомври 1941 година доаѓа до вооружен отпор против окупаторот. Така, на 8 септември Лазо Колевски убива бугарски стражар кај Богомилскиот тунел, истиот ден во Скопје Боро Петрушевски убива бугарски војник, на 7 октомври во Скопје е извршен обид за убиство на агентотМане Мачков, во кој загинува Благоја Деспотовски – Шовељ, а на 8 октомври Трајко Бошкоски – Тарцан, пробивајќи се низ непријателскиот обрач во Прилеп, убива еден непријателски полицаец.

Сепак, за почеток на востанието против фашизмот во Македонија се смета нападот кој Прилепскиот партизански одред „Гоце Делчев“ го извршува во Прилеп на 11 октомври 1941 година. Во нападот учествуваат 16 партизани,распределени во три групи. Првата го напаѓа бугарскиот полициски участок, втората – затворот, а третата има задача да ги прекине телефонските врски и електричната инсталација.

Во првата група учествуваат: Аспарух Јосифоски (командир), Душко Наумоски, Блаже Спиркоски, Милан Димоски и Драган Спиркоски.

Во втората група биле: Никола Попоски (командир), Мице Козар, Пецо Крстески, Јонче Јанески, Благоја Корубин и Душко Ристески.

Во третата група биле: Мице Димески (командир), Крсте Црвенковски, Коле Чашуле, Киро Ќососки и Киро Базеркоски.

Помеѓу партизаните немало загинати, а бил убиен еден стражар од участокот во Прилеп од Душко Наумоски. Татко му на Наумоски бил пријател на стражарот Петар Колев, кој бил местен човек од Смилево, мобилизиран. Душко го искористил ова па се приближил и го убил.

Дејствија има и во Кумановско. На 12 октомври 1941 година, во областа Студена вода е формиран Кумановскиот (Козјачки) партизански одред, а во областа Менкова колиба Карадачкиот партизански одред. При првите судири со бугарската војска овие партизански одреди биле разбиени. Карадачкиот одред е разбиен на 14 октомври, а Козјачкиот одред – на 17 октомври.

Скопскиот партизански одред, формиран веќе во август, не зема учество во овие настани, бидејќи борците не биле известени. Иако активноста на овие први партизански одреди е скромна, таа претставува иницијална каписла за продолжување на борбата.

Во периодот од 01.01.2025 година заклучно со минатиот месец 30.09.2025 година во рамки на континуираните полициски активности во делот на сообраќајот во сите Сектори за внатрешни работи, вклучително и активностите на Мобилната единица за безбедност на сообраќајот на патиштата, санкционирани се 18.458 возачи кои учествувале во сообраќајот без притоа да имаат возачка дозвола.

Притоа најмногу вакви прекршоци се евидентирани на подрачјата на Секторите за внатрешни работи Струмица и Скопје, 3.275 и 3.202 прекршоци, понатаму на територија на СВР Битола санкционирани се 2.811 возачи за возење без возачка дозвола, на подрачје на СВР Тетово изречени се 2.086 мерки, а во СВР Куманово санкционирани се 1.660 возачи за управување без возачка дозвола.

Од страна на Мобилната единица за безбедност на сообраќајот на патиштата во овој временски интервал изречени се 1.634 мерки за возачи кои учествувале во сообраќајот спротивно одредбите во членот 225 од Законот за безбедност на сообраќајот на патиштата, односно возеле без возачка дозвола, додека пак на територија на Секторот за внатрешни работи Велес 1.466 возачи управувале возило без возачка дозвола, на подрачје на СВР Штип изречени се 1.238 мерки, а на територија на СВР Охрид 1.086 санкции.

Во првата недела од месец октомври, односно заклучно со 07.10.2025 година во рамки на сообраќајните контроли досега констатирани се 373 прекршоци за учество во сообраќај без возачка дозвола.

Засилените сообраќајни контроли продолжуваат и во наредните денови. Апелираме до граѓаните да се почитуваат сообраќајните правила и прописи и со тоа сите да придонесеме за посигурни и побезбедни патишта за сите нас, известуваат од МВР.

Во сабота по повод „11-ти октомври“, Прилеп повторно ќе биде домаќин на Авто-слалом натпревар. Истиот е предвиден да започне од 08:00ч – 11.10.2025 г. На наше огромно задоволство и официјална покана од организаторите кои ја ценат нашата работа, под наше медиумско покровителство свое учество ќе земе и шампионот од Кичево, Кристијан Бојоски со својот модифициран „Опел Кадет“ брендиран со нашиот добро познат натпис. И оваа година за техничката спремност се задолжени вредните раце на момчињата од авто-сервис „Adler“ и генералните спонзори, продавница за авто-делови и галантерија „AutoStart“ – Кичево.

Организаторите на Авто-слаломот се добро познати, „Федерација на историски возила“„Олд тајмер клуб, Автомото – Класика“ и Општина Прилеп, под палката на „FIVA“. Локацијата оваа година ќе биде во центарот на градот, односно во непосредна близина на „Палма Шоп“, самиот старт ќе започне утрото од 08:00 часот, додека брифингот на возачите (технички преглед) ќе биде од 09:00 часот. Официјално отворање на настанот е предвидено да започне од 10:30 часот, а почетокот на трката е предвиден да биде од 11:00 часот.

Возилата учесници на настанот ќе бидат поделени во неколку класи:

• До 1200 цм³
• До 1600 цм³
• Над 1600 цм³
• Спортски возила

Пред една година на овој настан нашиот кичевчанец Кристијан Бојоски се натпреваруваше во класа 3 заедно со уште 11 учесници, рекорден број во таа категорија. Бојоски иако со технички проблеми кои набрзо беа решени, но сепак си го направија своето, заврши на четвртата позиција со извозено време 1:40

Нашиот тим ќе го проследи овој натпревар. Бидете дел и заедно да навиваме за кичевчанецот кој благодарение на пријателите и спонзорите кои здружено помагаат првично во техничката спремност, но и на останатите важни сегменти во натпреварувањето. Што се однесува до тркачкиот дух на Бојоски, во континуитет и повеќе години по ред зема свое учество и се искачува високо на пиедесталот.

Инаку, за тие кои не се запознати со овој традиционален настан. „Автослалом 11-ти октомври“ е спортски настан кој традиционално се одржува во Прилеп по повод 11-ти октомври, денот на народното востание на македонскиот народ, веќе три години со ред.

Воедно Авто мото клуб „Автомото Класика“ – Прилеп организира и спортски настан „Авто Слалом“ на почетокот од летото – вообичаено месец Јуни, со што овој авто слалом е практично шести по ред организиран натпревар од клубот.

Посебен акцент се става на интересот на љубителите на авто мото спортот за организација на вакви спортски настани, натпревари и во околните градови за што Клубот дава особена поддршка за таквиот подвиг.

Се гледаме во Прилеп!