Спорт
Женската репрезентација на Македонија до 19 години несреќно поразена од Романија на првиот контролен меч

Младата женска репрезентација на Македонија до 19 година загуби минимално со 1:0 од соодветната селекција на Романија во рамките на првиот контролен дуел одигран меѓу овие две селекции.
Нашата млада репрезентација предводена од селекторот Астрит Мерко може да жали за претрпениот пораз, со оглед на добрата игра на Македонија и неколкуте добри можности за постигнување гол. Единствениот погодок на средбата беше дело на Ботолеј во 75. минута од средбата.
Вториот контролен натпревар е закажан утре со почеток во 17:00 часот.
Астрит Мерко, предводник на женската репрезентација на Македонија до 19 години.
-Не заслуживме да изгубиме на овој натпревар, но тоа е фудбалот. Пропуштивме неколку изгледни шанси, а противникот имаше голема среќа при постигнувањето на голот. Одигравме добро, борбено, девојките покажаа голема желба за надигрување и натпреварувачки дух. Со ваква игра и со играта од последниот контролен тест против Бугарија, можеме да се надеваме на успешно претставување на претстојниот квалификациски турнир во Белорусија.
Македонија: Берна Кабакчи, Анида Идризи, Едина Сулејмани, Ана Милцеска, Викторија Недева, Ера Стеблева, Теа Божиновска, Теодора Николовска, Оливера Цоклеска, Радица Велкова, Кристина Мојсоска;
Резерви: Александра Јовановска, Емира Мета, Јана Луба Зврлеска, Ангела Зафироска, Миа Головска, Бојана Петкова, Брикена Шаќири, Александра Станисављевска, Сара Евтинџиоска, Стефанија Ристова, Дајана Ристовска;
Селектор: Астрит Мерко
Спорт
Германија ја запиша третата последователна победа на Европското првенство, совладувајќи ја убедливо Литванија

Кошаркарската селекција на Германија ја запиша третата последователна победа на Европското првенство, совладувајќи ја Литванија со убедливи 107:88 во рамки на третото коло од групата Б.
Главна фигура на натпреварот беше Денис Шредер, кој блескаше со 26 поени и 10 асистенции, а покрај него се истакна и Франц Вагнер со 24 поени и 7 скока. Даниел Тајс имаше беспрекорно издание – постигна 23 поени со шут 9/9 од игра. На спротивната страна, Рокас Јокубаитис беше најефикасен за Литванија со 20 поени, додека Јонас Валанчиунас придонесе со 14.
Сепак, дуелот не мина без сенка. За време на паузата на полувремето, дел од литванските навивачи се однесуваа расистички кон темнокожите играчи на германската репрезентација.
🇩🇪 Dennis Schroder revealed that he was the target of “monkey noises” during the game against Lithuania!
Racism has no place in sports or in real life ✊🏿 pic.twitter.com/ARwFIKqCe5
— Eurohoops (@Eurohoopsnet) August 30, 2025
– „Навистина е разочарувачки – се слушаа непристојни звуци од трибините. Тоа нема место ниту во кошарката, ниту во било кој спорт,“ изјави Шредер за МагентаСпорт по натпреварот. Тој додаде дека некои навивачи биле отстранети од арената, а ваквите инциденти спореди со ситуациите што ги доживува Винисиус Жуниор во фудбалот.
Неговиот соиграч Исак Бонга рече дека не ги забележал навредите бидејќи бил фокусиран на играта, додека помошниот тренер Алан Ибрахимагиќ потврди дека во соблекувалната немало дискусија на оваа тема.
Со овој триумф, Германија останува непоразена и го зацврстува првото место во групата, додека Литванија падна на скор од две победи и еден пораз
Спорт
Со заложби на претседателот Омерагиќ и општина Битола, овој град повторно на европската фудбалска мапа, стадионот „Петар Милошевски“ доби зелено светло од „УЕФА“

Градот под Пелистер на 9 септември ќе биде центар на младинскиот европски фудбал, откако стадионот „Петар Милошевски“ доби официјална дозвола од УЕФА да биде домаќин на квалификацискиот дуел помеѓу македонската селекција до 21 година и силната репрезентација на Италија.
Во изминатиот месец и половина, Фудбалската федерација на Македонија во партнерство со општина Битола вложи околу 150.000 евра за комплетна санација и модернизација на спортскиот комплекс. Резултатот е стадион кој денес изгледа препознатливо европски и кој е подготвен за настани од највисоко ниво.
Новата јужна трибина е опремена со комфорни седишта, тартан патеката е заменета со современа подлога, а службените и медиумските простории добија нов изглед и функционален мебел. Поставени се и нови клупи за резервните играчи, уреден е ВИП секторот, а ФФМ донираше модерен ЛЕД семафор. Дополнително, тревната подлога беше освежена и подготвена со специјализирана механизација и експертски тимови.
Со овие подобрувања, „Петар Милошевски“ ги исполнува сите критериуми за организација на меѓународни натпревари и ја враќа Битола на големата фудбалска сцена.
Претседателот на ФФМ, Масар Омерагиќ, ја нагласи важноста на овој проект, „Она што го зацртавме како цел – да ја вратиме фудбалската магија во Битола – денес е остварено. Со заедничка работа со градоначалникот Коњановски и тимот на општината, покажавме дека и за кратко време може да се постигнат големи резултати. Овој успех е само поттик да продолжиме со реконструкции и на другите стадиони во државата.“
Следниот чекор, како што најави Омерагиќ, е реконструкцијата на градскиот стадион во Тетово, со што ФФМ и управата ја продолжуваат својата мисија за унапредување на спортската инфраструктура на национално ниво.
Со ова, Битола не само што добива модерен спортски објект, туку и нова енергија за развој на фудбалот и спортската култура во регионот, истакна Фудбалската федерација на Македонија на својето веб гласило.
Спорт
Составот на македонската фудбалска репрезентација за мечевите против Саудиска Арабија и Лихтенштајн

Фудбалерите на Македонија се подготвуваат за претстојните натпревари од квалификациите, каде што ќе се сретнат со Саудиска Арабија на 4 септември и со Лихтенштајн на 7 септември. Селекторот и тимот најавуваат максимална посветеност и целосна концентрација за да обезбедат добри резултати на овие пресудни средби.
Ова се повиканите фудбалери избраници од Милевски за претстојните мечеви, а ги соопшти Фудбалската федерација на Македонија:
Голмани:
- Столе Димитриевски
- Дејан Илиев
- Дамјан Шишковски
- Игор Алексовски
Одбрана:
- Дарко Велковски
- Езѓан Алиоски
- Никола Серафимов
- Андреј Стојчевски
- Висар Муслиу
- Бојан Илиевски
- Гоко Зајков
- Стефан Деспотовски
Среден ред:
- Енис Барди (капитен)
- Јани Атанасов
- Елиф Елмас
- Исник Алими
- Лука Станковски
- Тихомир Костадинов
- Решат Рамадани
Напад:
- Бојан Миовски
- Милан Ристовски
- Дарко Чурлинов
- Александар Трајковски
- Лирим Камили
- Елмин Растодер
- Димитар Митровски
Селектор:
- Благоја Милевски ✅
-
Кичево1 ден
(ФОТО) Во близина на с.Зајас кичевско, тешко товарно возило излетало од коловоз
-
Хороскоп2 дена
Хороскоп за сабота (30 август)
-
Хороскоп21 час
Хороскоп за недела (31 август)
-
Временска прогноза20 часа
Попоски предмалку истакна важни информации околу временската состојба
-
Кичево2 часа
(ФОТО) По работната акција, светнаа трибините на градскиот стадион од ФК Напредок
-
Скопје23 часа
Полициски службеници спречија ширење на пожар на СЦ Борис Трајковски, евакуирана публиката, девет полициски службеници завршија на токсикологија
-
Спорт1 ден
Германија ја запиша третата последователна победа на Европското првенство, совладувајќи ја убедливо Литванија
-
Автомобили8 часа
Американските анализи покажуваат дека автоматските менувачи доминираат на нивниот автомобилски пазар